24 ವರ್ಷಗಳ ನಂತರ ಆಸ್ಟ್ರೇಲಿಯಾ ತಂಡವು ಪಾಕಿಸ್ತಾನ ಪ್ರವಾಸ ಕೈಗೊಂಡಿದೆ. ತಂಡದ ಸುರಕ್ಷತೆಗಾಗಿ ಬಿಗಿ ಭದ್ರತೆ ಒದಗಿಸಲಾಗಿದೆ. ನಾಲ್ಕು ಸಾವಿರ ಪೊಲೀಸರು ಮತ್ತು ಸೇನೆಯ ತುಕಡಿಗಳು ಕ್ರಿಕೆಟ್ ತಂಡಗಳು ತಂಗಲಿರುವ ಹೋಟೆಲ್ ಮತ್ತು ಆಡಲಿರುವ ಕ್ರಿಕೆಟ್ ಕ್ರೀಡಾಂಗಣಕ್ಕೆ ಭದ್ರತೆ ಒದಗಿಸಿವೆ. ವಿಮಾನ ನಿಲ್ದಾಣದಿಂದ ಹೋಟೆಲ್ಗೆ ತೆರಳುವ ಮಾರ್ಗದಲ್ಲಿ ಜನಸಂಚಾರವನ್ನು ನಿರ್ಬಂಧಿಸಲಾಗಿತ್ತು. ಸೇನಾ ಹೆಲಿಕಾಫ್ಟರ್ ಪಡೆಯ ಗಸ್ತು ಕೂಡ ಏರ್ಪಡಿಸಲಾಗಿತ್ತು.