ಲಂಡನ್: ಸಸೆಕ್ಸ್ ತಂಡದ ನಾಯಕತ್ವ ವಹಿಸಿದ ಮೊದಲ ಪಂದ್ಯದಲ್ಲಿಯೇ ಭಾರತದ ಚೇತೇಶ್ವರ್ ಪೂಜಾರ ಶತಕವನ್ನೂ ದಾಖಲಿಸಿದ್ದಾರೆ.
ಬುಧವಾರ ಲಾರ್ಡ್ಸ್ನಲ್ಲಿ ನಡೆದ ಇಂಗ್ಲಿಷ್ ಕೌಂಟಿ ಕ್ರಿಕೆಟ್ನಲ್ಲಿ ಪೂಜಾರ (143; 263ಎಸೆತ, 4X13, 6X1) ಶತಕ ದಾಖಲಿಸಿದರು. ಅವರ ಆಟದ ನೆರವಿನಿಂದ ಸಸೆಕ್ಸ್ ತಂಡವು ಮಿಡ್ಲಸೆಕ್ಸ್ ತಂಡದ ಎದುರು 6 ವಿಕೆಟ್ಗಳಿಗೆ 412 ರನ್ ಗಳಿಸಿತು.
ತಂಡವು 99 ರನ್ಗಳಿಗೆ ಎರಡು ವಿಕೆಟ್ಗಳನ್ನು ಕಳೆದುಕೊಂಡು ಸಂಕಷ್ಟದಲ್ಲಿತ್ತು. ಈ ಹಂತದಲ್ಲಿಪೂಜಾರ ಮತ್ತು ಟಾಮ್ ಅಲ್ಸಾಪ್ (135; 277ಎಸೆತ, 4X15) ಮೂರನೇ ವಿಕೆಟ್ ಜೊತೆಯಾಟದಲ್ಲಿ 219 ರನ್ ಸೇರಿಸಿದರು.
ತಂಡದ ನಾಯಕ ಟಾಮ್ ಹೆನ್ಸ್ ಅವರು ಗಾಯಗೊಂಡಿರುವುದರಿಂದ ಪೂಜಾರ ತಂಡವನ್ನು ಮುನ್ನಡೆಸುತ್ತಿದ್ದಾರೆ.