<p><strong>ನವದೆಹಲಿ(ಪಿಟಿಐ):</strong> ಪ್ರಸ್ತುತ ಕ್ರಿಕೆಟ್ ಜಗತ್ತು ಕವಲುಹಾದಿಯಲ್ಲಿದೆ. ವಿಶ್ವದ ಶೇ 49ರಷ್ಟು ಕ್ರಿಕೆಟಿಗರು ತಮ್ಮತಮ್ಮ ದೇಶಗಳ ಕೇಂದ್ರ ಗುತ್ತಿಗೆಯನ್ನು ತಿರಸ್ಕರಿಸಲು ಸಿದ್ಧರಿದ್ದಾರೆ.</p>.<p>ವಿದೇಶಿ ಫ್ರ್ಯಾಂಚೈಸಿ ಲೀಗ್ಗಳಲ್ಲಿ ತಮ್ಮನ್ನು ತೊಡಗಿಸಿಕೊಳ್ಳಲು ಆದ್ಯತೆ ನೀಡಿರುವ ವಿಷಯವನ್ನು ಅಂತರರಾಷ್ಟ್ರೀಯ ಕ್ರಿಕೆಟಿಗರ ಸಂಸ್ಥೆಗಳ ಫೆಡರೇಷನ್ (ಎಫ್ಐಸಿಎ) ಸಮೀಕ್ಷೆಯಲ್ಲಿ ಬಹಿರಂಗವಾಗಿದೆ.</p>.<p>ಭಾರತ ಕ್ರಿಕೆಟಿಗರ ಸಂಘವು ಈ ಒಕ್ಕೂಟದಲ್ಲಿ ಇಲ್ಲ. ಅಲ್ಲದೇ ಭಾರತದ ಕ್ರಿಕೆಟಿಗರನ್ನೂ ಈ ಸಮೀಕ್ಷೆಯು ಒಳಗೊಂಡಿಲ್ಲ.</p>.<p>ಆದರೆ ಈಚೆಗಿನ ಸಮೀಕ್ಷೆಯ ವರದಿ ಪ್ರಕಾರ,‘ ಶೇ 49ರಷ್ಟು ಆಟಗಾರರಿಗೆ ದೇಶಿ ಲೀಗ್ಗಳಲ್ಲಿ ಹೆಚ್ಚು ಆಸಕ್ತಿ ಇದೆ’ ಎನ್ನಲಾಗಿದೆ.</p>.<p>50 ಓವರ್ಗಳ ಕ್ರಿಕೆಟ್ ಮಾದರಿಗೆ ಜನಪ್ರಿಯತೆ ಕುಗ್ಗುತ್ತಿದೆ ಎಂಬ ಮಾತು ಕೇಳಿಬರುತ್ತಿದೆ. ಅಲ್ಲದೇ ಏಕದಿನ ಮಾದರಿಯಲ್ಲಿ ಆಡಲು ಆಸಕ್ತಿ ತೋರುವ ಆಟಗಾರರ ಸಂಖ್ಯೆಯೂ ಕಡಿಮೆಯಾಗಿದೆ. ಈಗಾಗಲೇ ಕೆಲವು ಪ್ರಮುಖ ಆಟಗಾರರು ತಮ್ಮ ಕೇಂದ್ರ ಗುತ್ತಿಗೆಗಳನ್ನು ಬಿಟ್ಟಿದ್ದಾರೆ.</p>.<p>ಈ ಸನ್ನಿವೇಶದಲ್ಲಿಯೂ ಏಕದಿನ ಮಾದರಿಯ ವಿಶ್ವಕಪ್ ಟೂರ್ನಿಯು ಪ್ರತಿಷ್ಠಿತ ಎಂದು ಪರಿಗಣಿಸುವವರೂ ಇದ್ದಾರೆ.</p>.<p>‘ಐಸಿಸಿ ಟೂರ್ನಿಗಳಿಗೆ ಏಕದಿನ ವಿಶ್ವಕಪ್ ಟೂರ್ನಿ ಕಿರೀಟಪ್ರಾಯವಾಗಿದೆ ಎಂದು ಶೇ 54ರಷ್ಟು ಕ್ರಿಕೆಟಿಗರು ಹೇಳುತ್ತಾರೆ. ಆದರೆ 2018ರಲ್ಲಿ ನಡೆದ ಸಮೀಕ್ಷೆಗಿಂತಲೂ ಇದು ಕಡಿಮೆ’ ಎಂದೂ ಉಲ್ಲೇಖಿಸಲಾಗಿದೆ.</p>.<p>‘ಇಂದಿನ ಕಾಲಘಟ್ಟದಲ್ಲಿ ಒಂದು ತಂಡಕ್ಕೆ ಸೀಮಿತವಾಗದೇ ‘ಫ್ರೀ ಏಜೆಂಟ್’ ಆಗಿ ಕ್ರಿಕೆಟ್ನಲ್ಲಿರುವತ್ತ ಬಹಳ ಆಟಗಾರರು ಒಲವು ತೋರಿದ್ದಾರೆ. ಸದ್ಯ ಟಿ20 ಕ್ರಿಕೆಟ್ನಲ್ಲಿ ಗುರುತಿಸಿಕೊಂಡಿರುವ ಟಾಪ್ 100 ಆಟಗಾರರಲ್ಲಿ 82 ಮಂದಿಯ ಅಭಿಪ್ರಾಯವೂ ಇದೇ ಆಗಿದೆ’ ಎಂದು ವರದಿಯಲ್ಲಿ ಹೇಳಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ(ಪಿಟಿಐ):</strong> ಪ್ರಸ್ತುತ ಕ್ರಿಕೆಟ್ ಜಗತ್ತು ಕವಲುಹಾದಿಯಲ್ಲಿದೆ. ವಿಶ್ವದ ಶೇ 49ರಷ್ಟು ಕ್ರಿಕೆಟಿಗರು ತಮ್ಮತಮ್ಮ ದೇಶಗಳ ಕೇಂದ್ರ ಗುತ್ತಿಗೆಯನ್ನು ತಿರಸ್ಕರಿಸಲು ಸಿದ್ಧರಿದ್ದಾರೆ.</p>.<p>ವಿದೇಶಿ ಫ್ರ್ಯಾಂಚೈಸಿ ಲೀಗ್ಗಳಲ್ಲಿ ತಮ್ಮನ್ನು ತೊಡಗಿಸಿಕೊಳ್ಳಲು ಆದ್ಯತೆ ನೀಡಿರುವ ವಿಷಯವನ್ನು ಅಂತರರಾಷ್ಟ್ರೀಯ ಕ್ರಿಕೆಟಿಗರ ಸಂಸ್ಥೆಗಳ ಫೆಡರೇಷನ್ (ಎಫ್ಐಸಿಎ) ಸಮೀಕ್ಷೆಯಲ್ಲಿ ಬಹಿರಂಗವಾಗಿದೆ.</p>.<p>ಭಾರತ ಕ್ರಿಕೆಟಿಗರ ಸಂಘವು ಈ ಒಕ್ಕೂಟದಲ್ಲಿ ಇಲ್ಲ. ಅಲ್ಲದೇ ಭಾರತದ ಕ್ರಿಕೆಟಿಗರನ್ನೂ ಈ ಸಮೀಕ್ಷೆಯು ಒಳಗೊಂಡಿಲ್ಲ.</p>.<p>ಆದರೆ ಈಚೆಗಿನ ಸಮೀಕ್ಷೆಯ ವರದಿ ಪ್ರಕಾರ,‘ ಶೇ 49ರಷ್ಟು ಆಟಗಾರರಿಗೆ ದೇಶಿ ಲೀಗ್ಗಳಲ್ಲಿ ಹೆಚ್ಚು ಆಸಕ್ತಿ ಇದೆ’ ಎನ್ನಲಾಗಿದೆ.</p>.<p>50 ಓವರ್ಗಳ ಕ್ರಿಕೆಟ್ ಮಾದರಿಗೆ ಜನಪ್ರಿಯತೆ ಕುಗ್ಗುತ್ತಿದೆ ಎಂಬ ಮಾತು ಕೇಳಿಬರುತ್ತಿದೆ. ಅಲ್ಲದೇ ಏಕದಿನ ಮಾದರಿಯಲ್ಲಿ ಆಡಲು ಆಸಕ್ತಿ ತೋರುವ ಆಟಗಾರರ ಸಂಖ್ಯೆಯೂ ಕಡಿಮೆಯಾಗಿದೆ. ಈಗಾಗಲೇ ಕೆಲವು ಪ್ರಮುಖ ಆಟಗಾರರು ತಮ್ಮ ಕೇಂದ್ರ ಗುತ್ತಿಗೆಗಳನ್ನು ಬಿಟ್ಟಿದ್ದಾರೆ.</p>.<p>ಈ ಸನ್ನಿವೇಶದಲ್ಲಿಯೂ ಏಕದಿನ ಮಾದರಿಯ ವಿಶ್ವಕಪ್ ಟೂರ್ನಿಯು ಪ್ರತಿಷ್ಠಿತ ಎಂದು ಪರಿಗಣಿಸುವವರೂ ಇದ್ದಾರೆ.</p>.<p>‘ಐಸಿಸಿ ಟೂರ್ನಿಗಳಿಗೆ ಏಕದಿನ ವಿಶ್ವಕಪ್ ಟೂರ್ನಿ ಕಿರೀಟಪ್ರಾಯವಾಗಿದೆ ಎಂದು ಶೇ 54ರಷ್ಟು ಕ್ರಿಕೆಟಿಗರು ಹೇಳುತ್ತಾರೆ. ಆದರೆ 2018ರಲ್ಲಿ ನಡೆದ ಸಮೀಕ್ಷೆಗಿಂತಲೂ ಇದು ಕಡಿಮೆ’ ಎಂದೂ ಉಲ್ಲೇಖಿಸಲಾಗಿದೆ.</p>.<p>‘ಇಂದಿನ ಕಾಲಘಟ್ಟದಲ್ಲಿ ಒಂದು ತಂಡಕ್ಕೆ ಸೀಮಿತವಾಗದೇ ‘ಫ್ರೀ ಏಜೆಂಟ್’ ಆಗಿ ಕ್ರಿಕೆಟ್ನಲ್ಲಿರುವತ್ತ ಬಹಳ ಆಟಗಾರರು ಒಲವು ತೋರಿದ್ದಾರೆ. ಸದ್ಯ ಟಿ20 ಕ್ರಿಕೆಟ್ನಲ್ಲಿ ಗುರುತಿಸಿಕೊಂಡಿರುವ ಟಾಪ್ 100 ಆಟಗಾರರಲ್ಲಿ 82 ಮಂದಿಯ ಅಭಿಪ್ರಾಯವೂ ಇದೇ ಆಗಿದೆ’ ಎಂದು ವರದಿಯಲ್ಲಿ ಹೇಳಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
