<p>ಮೀರ್ಪುರ್: ಸಾಧಾರಣ ಗುರಿಯನ್ನು ಬೆನ್ನತ್ತಿರುವ ಭಾರತ ತಂಡವು ಬಾಂಗ್ಲಾದೇಶದ ಸ್ಪಿನ್ನರ್ಗಳ ಎದುರು ಆಘಾತ ಅನುಭವಿಸಿದೆ. ಇದರಿಂದಾಗಿ ಎರಡನೇ ಟೆಸ್ಟ್ ಪಂದ್ಯವು ರೋಚಕ ಘಟ್ಟ ತಲುಪಿದೆ.</p>.<p>ಇಲ್ಲಿ ನಡೆಯುತ್ತಿರುವ ಎರಡನೇ ಟೆಸ್ಟ್ನಲ್ಲಿ ಮೊದಲ ದಿನದಿಂದಲೂ ಮೇಲುಗೈ ಸಾಧಿಸುತ್ತಲೇ ಬಂದ ಕೆ.ಎಲ್. ರಾಹುಲ್ ಬಳಗ ಶನಿವಾರ ಸಂಜೆಯ ಹೊತ್ತಿಗೆ ಸೋಲಿನ ಭೀತಿಯಲ್ಲಿದೆ.</p>.<p>145 ರನ್ಗಳ ಸಾಧಾರಣ ಗುರಿಯನ್ನು ಬೆನ್ನತ್ತಿದ್ದ ಭಾರತ ತಂಡವು ದಿನದಾಟದ ಮುಕ್ತಾಯಕ್ಕೆ 4 ವಿಕೆಟ್ ಕಳೆದುಕೊಂಡು 45 ರನ್ ಮಾತ್ರ ಗಳಿಸಿದೆ. ಪಂದ್ಯದಲ್ಲಿ ಇನ್ನೂ ಎರಡು ದಿನಗಳ ಆಟ ಬಾಕಿಯಿದೆ. ಆದರೆ, ಭಾರತ ತಂಡವು ಗೆಲ್ಲಲು 100 ರನ್ ಗಳಿಸಬೇಕು.</p>.<p>ಮೊದಲ ಇನಿಂಗ್ಸ್ನಲ್ಲಿ ಅರ್ಧಶತಕಗಳನ್ನು ಗಳಿಸಿದ್ದ ರಿಷಭ್ ಪಂತ್ ಮತ್ತು ಶ್ರೇಯಸ್ ಅಯ್ಯರ್ ಇನ್ನೂ ಕ್ರೀಸ್ಗೆ ಬಂದಿಲ್ಲ. ದಿನದಾಟದ ಕೊನೆಗೆ ಕ್ರೀಸ್ನಲ್ಲಿ ಉಳಿದಿರುವ ಅಕ್ಷರ್ ಪಟೇಲ್ (ಬ್ಯಾಟಿಂಗ್ 26; 54ಎಸೆತ) ಮತ್ತು ರಾತ್ರಿ ಕಾವಲುಗಾರ ಜೈದೇವ್ ಉನದ್ಕತ್ (ಬ್ಯಾಟಿಂಗ್ 3) ಎಚ್ಚರಿಕೆಯಿಂದ ಆಡಿ ವಿಕೆಟ್ ಪತನ ತಡೆದಿದ್ದಾರೆ.</p>.<p>ಆದರೆ ಅಗ್ರಕ್ರಮಾಂಕದ ಅನುಭವಿ ಬ್ಯಾಟರ್ಗಳು ಈ ಪಿಚ್ನಲ್ಲಿ ಎರಡಂಕಿ ರನ್ ಗಳಿಸಲೂ ಸಾಧ್ಯವಾಗಲಿಲ್ಲ.ಸರ್ಪಗಳು ಸಾಗುವ ಮಾದರಿಯಲ್ಲಿ ತಿರುವು ಪಡೆಯುತ್ತಿರುವ ಚೆಂಡಿನ ಲಯ ಗುರುತಿಸಿ ಆಡುವಲ್ಲಿ ಬ್ಯಾಟರ್ಗಳು ವಿಫಲರಾದರು.</p>.<p>ಮಿರಾಜ್ ಸ್ಪಿನ್:ಏಕದಿನ ಕ್ರಿಕೆಟ್ ಸರಣಿಯಲ್ಲಿ ಭಾರತ ತಂಡವನ್ನು ತಮ್ಮ ಭರ್ಜರಿ ಬ್ಯಾಟಿಂಗ್ನಿಂದ ಕಾಡಿದ್ದ ಆಫ್ಸ್ಪಿನ್ ಆಲ್ರೌಂಡರ್ ಮೆಹದಿ ಹಸನ್ ಮಿರಾಜ್ ಎರಡನೇ ಇನಿಂಗ್ಸ್ನಲ್ಲಿ ಮೂರು ವಿಕೆಟ್ ಗಳಿಸಿ ಬಾಂಗ್ಲಾ ಪಾಳೆಯದಲ್ಲಿ ಭರವಸೆ ಮೂಡಿಸಿದ್ದಾರೆ.</p>.<p>ಇನಿಂಗ್ಸ್ನ ಮೂರನೇ ಓವರ್ನಲ್ಲಿಯೇ ನಾಯಕ ಕೆ.ಎಲ್. ರಾಹುಲ್ (2 ರನ್) ತಮ್ಮ ವಿಕೆಟ್ ಅನ್ನು ಶಕೀಬ್ಗೆ ಅರ್ಪಿಸಿದರು. ಇದರೊಂದಿಗೆ ಅವರ ಸತತ ವೈಫಲ್ಯ ಮುಂದುವರಿಯಿತು.</p>.<p>ಮೂರು ಓವರ್ಗಳ ನಂತರ ಟೆಸ್ಟ್ ಪರಿಣತ ಪೂಜಾರ ಮಿರಾಜ್ ಎಸೆತವನ್ನು ಆಡಲು ಕ್ರೀಸ್ನಿಂದ ಮುಂದಡಿ ಇಟ್ಟು ಬೀಟ್ ಆದರು. ವಿಕೆಟ್ಕೀಪರ್ ನೂರುಲ್ ಹಸನ್ ಸ್ಟಂಪ್ ಮಾಡಿ ಸಂಭ್ರಮಿಸಿದರು.</p>.<p>ಆರು ಓವರ್ಗಳ ನಂತರಯುವಪ್ರತಿಭೆ ಶುಭಮನ್ ಗಿಲ್ ಕೂಡ ಪೂಜಾರ ರೀತಿಯಲ್ಲಿಯೇ ಸ್ಟಂಪ್ಡ್ ಆದರು. ಮಿರಾಜ್ ಮತ್ತೊಂದು ವಿಕೆಟ್ ಪಡೆದು ಸಂಭ್ರಮಿಸಿದರು.ವಿರಾಟ್ ಕೊಹ್ಲಿ ಕೂಡ ಒಂದು ರನ್ ಮಾತ್ರ ಗಳಿಸಿದರು. 22 ಎಸೆತಗಳನ್ನು ಎದುರಿಸಿದ ಅವರೂ ಮಿರಾಜ್ಗೆ ಮೂರನೇ ವಿಕೆಟ್ ಆದರು.</p>.<p>ಲಿಟನ್–ಹಸನ್ ಅರ್ಧಶತಕ: ಭಾರತ ತಂಡವು ಶುಕ್ರವಾರ 87 ರನ್ಗಳ ಮುನ್ನಡೆ ಸಾಧಿಸಿತ್ತು. ದಿನದಾಟದ ಮುಕ್ತಾಯಕ್ಕೆ ಬಾಂಗ್ಲಾ ತಂಡವು ಎರಡನೇ ಇನಿಂಗ್ಸ್ನಲ್ಲಿ ವಿಕೆಟ್ ನಷ್ಟವಿಲ್ಲದೇ 7 ರನ್ ಗಳಿಸಿತ್ತು.</p>.<p>ಮೂರನೇ ದಿನ ಬೆಳಿಗ್ಗೆ ಆರಂಭಿಕ ಬ್ಯಾಟರ್ ಶಾಂತೊ ಅವರನ್ನು ಎಲ್ಬಿಡಬ್ಲ್ಯು ಬಲೆಗೆ ಕೆಡವಿದ ಅಶ್ವಿನ್ ಮೊದಲ ಆಘಾತ ನೀಡಿದರು. ಇನ್ನೊಂದೆಡೆ ಸಿರಾಜ್, ಅಕ್ಷರ್ ಮತ್ತು ಉನದ್ಕತ್ ಕೂಡ ಬಿಗಿದಾಳಿ ನಡೆಸಿದರು. 70 ರನ್ಗಳಿಗೆ 4 ವಿಕೆಟ್ಗಳು ಪತನವಾದವು. ಆದರೆ, ಈ ಹಂತದಲ್ಲಿ ಆರಂಭಿಕ ಬ್ಯಾಟರ್ ಝಾಕೀರ್ ಹಸನ್ (51; 135ಎ) ಮತ್ತು ಲಿಟನ್ ದಾದ್ (73; 98ಎ) ಇನಿಂಗ್ಸ್ಗೆ ಬಲ ತುಂಬಿದರು. ಅದರಿಂ ದಾಗಿ ತಂಡವು 70.2 ಓವರ್ಗಳಲ್ಲಿ 231 ರನ್ ಗಳಿಸಲು ಸಾಧ್ಯವಾಯಿತು.</p>.<p>ಸಂಕ್ಷಿಪ್ತ ಸ್ಕೋರು: ಮೊದಲ ಇನಿಂಗ್ಸ್: ಬಾಂಗ್ಲಾದೇಶ: 227. ಭಾರತ: 314. ಎರಡನೇ ಇನಿಂಗ್ಸ್: ಬಾಂಗ್ಲಾದೇಶ:70.2 ಓವರ್ಗಳಲ್ಲಿ 231 (ಝಾಕೀರ್ ಹಸನ್ 51, ಲಿಟನ್ ದಾಸ್ 73, ನೂರುಲ್ ಹಸನ್ 31, ತಸ್ಕಿನ್ ಅಹಮದ್ ಔಟಾಗದೆ 31, ಅಶ್ವಿನ್ 66ಕ್ಕೆ2, ಮೊಹಮ್ಮದ್ ಸಿರಾಜ್ 41ಕ್ಕೆ2, ಅಕ್ಷರ್ ಪಟೇಲ್ 68ಕ್ಕೆ3) ಭಾರತ: 23 ಓವರ್ಗಳಲ್ಲಿ 4 ವಿಕೆಟ್ಗಳಿಗೆ 45 (ಅಕ್ಷರ್ ಪಟೇಲ್ ಬ್ಯಾಟಿಂಗ್ 26, ಮೆಹದಿ ಹಸನ್ ಮಿರಾಜ್ 12ಕ್ಕೆ3)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮೀರ್ಪುರ್: ಸಾಧಾರಣ ಗುರಿಯನ್ನು ಬೆನ್ನತ್ತಿರುವ ಭಾರತ ತಂಡವು ಬಾಂಗ್ಲಾದೇಶದ ಸ್ಪಿನ್ನರ್ಗಳ ಎದುರು ಆಘಾತ ಅನುಭವಿಸಿದೆ. ಇದರಿಂದಾಗಿ ಎರಡನೇ ಟೆಸ್ಟ್ ಪಂದ್ಯವು ರೋಚಕ ಘಟ್ಟ ತಲುಪಿದೆ.</p>.<p>ಇಲ್ಲಿ ನಡೆಯುತ್ತಿರುವ ಎರಡನೇ ಟೆಸ್ಟ್ನಲ್ಲಿ ಮೊದಲ ದಿನದಿಂದಲೂ ಮೇಲುಗೈ ಸಾಧಿಸುತ್ತಲೇ ಬಂದ ಕೆ.ಎಲ್. ರಾಹುಲ್ ಬಳಗ ಶನಿವಾರ ಸಂಜೆಯ ಹೊತ್ತಿಗೆ ಸೋಲಿನ ಭೀತಿಯಲ್ಲಿದೆ.</p>.<p>145 ರನ್ಗಳ ಸಾಧಾರಣ ಗುರಿಯನ್ನು ಬೆನ್ನತ್ತಿದ್ದ ಭಾರತ ತಂಡವು ದಿನದಾಟದ ಮುಕ್ತಾಯಕ್ಕೆ 4 ವಿಕೆಟ್ ಕಳೆದುಕೊಂಡು 45 ರನ್ ಮಾತ್ರ ಗಳಿಸಿದೆ. ಪಂದ್ಯದಲ್ಲಿ ಇನ್ನೂ ಎರಡು ದಿನಗಳ ಆಟ ಬಾಕಿಯಿದೆ. ಆದರೆ, ಭಾರತ ತಂಡವು ಗೆಲ್ಲಲು 100 ರನ್ ಗಳಿಸಬೇಕು.</p>.<p>ಮೊದಲ ಇನಿಂಗ್ಸ್ನಲ್ಲಿ ಅರ್ಧಶತಕಗಳನ್ನು ಗಳಿಸಿದ್ದ ರಿಷಭ್ ಪಂತ್ ಮತ್ತು ಶ್ರೇಯಸ್ ಅಯ್ಯರ್ ಇನ್ನೂ ಕ್ರೀಸ್ಗೆ ಬಂದಿಲ್ಲ. ದಿನದಾಟದ ಕೊನೆಗೆ ಕ್ರೀಸ್ನಲ್ಲಿ ಉಳಿದಿರುವ ಅಕ್ಷರ್ ಪಟೇಲ್ (ಬ್ಯಾಟಿಂಗ್ 26; 54ಎಸೆತ) ಮತ್ತು ರಾತ್ರಿ ಕಾವಲುಗಾರ ಜೈದೇವ್ ಉನದ್ಕತ್ (ಬ್ಯಾಟಿಂಗ್ 3) ಎಚ್ಚರಿಕೆಯಿಂದ ಆಡಿ ವಿಕೆಟ್ ಪತನ ತಡೆದಿದ್ದಾರೆ.</p>.<p>ಆದರೆ ಅಗ್ರಕ್ರಮಾಂಕದ ಅನುಭವಿ ಬ್ಯಾಟರ್ಗಳು ಈ ಪಿಚ್ನಲ್ಲಿ ಎರಡಂಕಿ ರನ್ ಗಳಿಸಲೂ ಸಾಧ್ಯವಾಗಲಿಲ್ಲ.ಸರ್ಪಗಳು ಸಾಗುವ ಮಾದರಿಯಲ್ಲಿ ತಿರುವು ಪಡೆಯುತ್ತಿರುವ ಚೆಂಡಿನ ಲಯ ಗುರುತಿಸಿ ಆಡುವಲ್ಲಿ ಬ್ಯಾಟರ್ಗಳು ವಿಫಲರಾದರು.</p>.<p>ಮಿರಾಜ್ ಸ್ಪಿನ್:ಏಕದಿನ ಕ್ರಿಕೆಟ್ ಸರಣಿಯಲ್ಲಿ ಭಾರತ ತಂಡವನ್ನು ತಮ್ಮ ಭರ್ಜರಿ ಬ್ಯಾಟಿಂಗ್ನಿಂದ ಕಾಡಿದ್ದ ಆಫ್ಸ್ಪಿನ್ ಆಲ್ರೌಂಡರ್ ಮೆಹದಿ ಹಸನ್ ಮಿರಾಜ್ ಎರಡನೇ ಇನಿಂಗ್ಸ್ನಲ್ಲಿ ಮೂರು ವಿಕೆಟ್ ಗಳಿಸಿ ಬಾಂಗ್ಲಾ ಪಾಳೆಯದಲ್ಲಿ ಭರವಸೆ ಮೂಡಿಸಿದ್ದಾರೆ.</p>.<p>ಇನಿಂಗ್ಸ್ನ ಮೂರನೇ ಓವರ್ನಲ್ಲಿಯೇ ನಾಯಕ ಕೆ.ಎಲ್. ರಾಹುಲ್ (2 ರನ್) ತಮ್ಮ ವಿಕೆಟ್ ಅನ್ನು ಶಕೀಬ್ಗೆ ಅರ್ಪಿಸಿದರು. ಇದರೊಂದಿಗೆ ಅವರ ಸತತ ವೈಫಲ್ಯ ಮುಂದುವರಿಯಿತು.</p>.<p>ಮೂರು ಓವರ್ಗಳ ನಂತರ ಟೆಸ್ಟ್ ಪರಿಣತ ಪೂಜಾರ ಮಿರಾಜ್ ಎಸೆತವನ್ನು ಆಡಲು ಕ್ರೀಸ್ನಿಂದ ಮುಂದಡಿ ಇಟ್ಟು ಬೀಟ್ ಆದರು. ವಿಕೆಟ್ಕೀಪರ್ ನೂರುಲ್ ಹಸನ್ ಸ್ಟಂಪ್ ಮಾಡಿ ಸಂಭ್ರಮಿಸಿದರು.</p>.<p>ಆರು ಓವರ್ಗಳ ನಂತರಯುವಪ್ರತಿಭೆ ಶುಭಮನ್ ಗಿಲ್ ಕೂಡ ಪೂಜಾರ ರೀತಿಯಲ್ಲಿಯೇ ಸ್ಟಂಪ್ಡ್ ಆದರು. ಮಿರಾಜ್ ಮತ್ತೊಂದು ವಿಕೆಟ್ ಪಡೆದು ಸಂಭ್ರಮಿಸಿದರು.ವಿರಾಟ್ ಕೊಹ್ಲಿ ಕೂಡ ಒಂದು ರನ್ ಮಾತ್ರ ಗಳಿಸಿದರು. 22 ಎಸೆತಗಳನ್ನು ಎದುರಿಸಿದ ಅವರೂ ಮಿರಾಜ್ಗೆ ಮೂರನೇ ವಿಕೆಟ್ ಆದರು.</p>.<p>ಲಿಟನ್–ಹಸನ್ ಅರ್ಧಶತಕ: ಭಾರತ ತಂಡವು ಶುಕ್ರವಾರ 87 ರನ್ಗಳ ಮುನ್ನಡೆ ಸಾಧಿಸಿತ್ತು. ದಿನದಾಟದ ಮುಕ್ತಾಯಕ್ಕೆ ಬಾಂಗ್ಲಾ ತಂಡವು ಎರಡನೇ ಇನಿಂಗ್ಸ್ನಲ್ಲಿ ವಿಕೆಟ್ ನಷ್ಟವಿಲ್ಲದೇ 7 ರನ್ ಗಳಿಸಿತ್ತು.</p>.<p>ಮೂರನೇ ದಿನ ಬೆಳಿಗ್ಗೆ ಆರಂಭಿಕ ಬ್ಯಾಟರ್ ಶಾಂತೊ ಅವರನ್ನು ಎಲ್ಬಿಡಬ್ಲ್ಯು ಬಲೆಗೆ ಕೆಡವಿದ ಅಶ್ವಿನ್ ಮೊದಲ ಆಘಾತ ನೀಡಿದರು. ಇನ್ನೊಂದೆಡೆ ಸಿರಾಜ್, ಅಕ್ಷರ್ ಮತ್ತು ಉನದ್ಕತ್ ಕೂಡ ಬಿಗಿದಾಳಿ ನಡೆಸಿದರು. 70 ರನ್ಗಳಿಗೆ 4 ವಿಕೆಟ್ಗಳು ಪತನವಾದವು. ಆದರೆ, ಈ ಹಂತದಲ್ಲಿ ಆರಂಭಿಕ ಬ್ಯಾಟರ್ ಝಾಕೀರ್ ಹಸನ್ (51; 135ಎ) ಮತ್ತು ಲಿಟನ್ ದಾದ್ (73; 98ಎ) ಇನಿಂಗ್ಸ್ಗೆ ಬಲ ತುಂಬಿದರು. ಅದರಿಂ ದಾಗಿ ತಂಡವು 70.2 ಓವರ್ಗಳಲ್ಲಿ 231 ರನ್ ಗಳಿಸಲು ಸಾಧ್ಯವಾಯಿತು.</p>.<p>ಸಂಕ್ಷಿಪ್ತ ಸ್ಕೋರು: ಮೊದಲ ಇನಿಂಗ್ಸ್: ಬಾಂಗ್ಲಾದೇಶ: 227. ಭಾರತ: 314. ಎರಡನೇ ಇನಿಂಗ್ಸ್: ಬಾಂಗ್ಲಾದೇಶ:70.2 ಓವರ್ಗಳಲ್ಲಿ 231 (ಝಾಕೀರ್ ಹಸನ್ 51, ಲಿಟನ್ ದಾಸ್ 73, ನೂರುಲ್ ಹಸನ್ 31, ತಸ್ಕಿನ್ ಅಹಮದ್ ಔಟಾಗದೆ 31, ಅಶ್ವಿನ್ 66ಕ್ಕೆ2, ಮೊಹಮ್ಮದ್ ಸಿರಾಜ್ 41ಕ್ಕೆ2, ಅಕ್ಷರ್ ಪಟೇಲ್ 68ಕ್ಕೆ3) ಭಾರತ: 23 ಓವರ್ಗಳಲ್ಲಿ 4 ವಿಕೆಟ್ಗಳಿಗೆ 45 (ಅಕ್ಷರ್ ಪಟೇಲ್ ಬ್ಯಾಟಿಂಗ್ 26, ಮೆಹದಿ ಹಸನ್ ಮಿರಾಜ್ 12ಕ್ಕೆ3)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>