<p><strong>ದುಬೈ:</strong>ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯ ಅಂಗವಾಗಿ ನಡೆಯಲಿರುವ ಮಹಿಳೆಯರ ಚಾಲೆಂಜರ್ಸ್ ಕ್ರಿಕೆಟ್ ಟೂರ್ನಿಯಲ್ಲಿ ಆಡಲಿರುವ 30 ಕ್ರಿಕೆಟ್ ಆಟಗಾರ್ತಿಯರು ಗುರುವಾರ ಯುಎಇಗೆ ಬಂದಿಳಿದರು.</p>.<p>’ಮಹಿಳೆಯರ ಮಿನಿ ಐಪಿಎಲ್‘ ಎಂದೇ ಕರೆಯಲಾಗುವ ಈ ಟೂರ್ನಿಯು ನವೆಂಬರ್ 4 ರಿಂದ 9ರವರೆಗೆ ಶಾರ್ಜಾದಲ್ಲಿ ನಡೆಯಲಿದೆ. ಮೂರು ತಂಡಗಳು ಆಡಲಿವೆ.</p>.<p>ಈ ಬಳಗದಲ್ಲಿರುವ ಭಾರತ ಟಿ20 ತಂಡದ ನಾಯಕಿ ಹರ್ಮನ್ಪ್ರೀತ್ ಕೌರ್, ಬ್ಯಾಟ್ಸ್ವುಮನ್ ಸ್ಮೃತಿ ಮಂದಾನ ಮತ್ತು ಜೆಮಿಮಾ ರಾಡ್ರಿಗಸ್ ಅವರು ಇಲ್ಲಿಗೆ ಬರುವ ಮುನ್ನ ಮುಂಬೈನಲ್ಲಿ ಒಂಬತ್ತು ದಿನಗಳ ಕ್ವಾರಂಟೈನ್ನಲ್ಲಿದ್ದರು. ಅವರು ಎರಡು ಬಾರಿ ಕೋವಿಡ್ ಪರೀಕ್ಷೆಗೆ (ಆರ್ಟಿ–ಪಿಸಿಆರ್) ಪರೀಕ್ಷೆಗಳನ್ನು ಮಾಡಿಸಿಕೊಂಡಿದ್ದರು.</p>.<p>ಇದೀಗ ಯುಎಇಯಲ್ಲಿ ಕೂಡ ಎಲ್ಲರೂ ಆರು ದಿನಗಳ ಪ್ರತ್ಯೇಕವಾಸ ನಿಯಮವನ್ನು ಪಾಲಿಸಲಿದ್ದಾರೆ. ಐದನೇ ದಿನ ಮತ್ತೊಮ್ಮೆ ಕೋವಿಡ್ ಪರೀಕ್ಷೆಗೆ ಒಳಪಡಲಿದ್ದಾರೆ.</p>.<p>’ಸೂಪರ್ ನೋವಾಸ್, ಟ್ರಯಲ್ ಬ್ಲೆಜರ್ಸ್, ವೆಲೊಸಿಟಿ ತಂಡಗಳು ಇಲ್ಲಿಗೆ ಬಂದಿವೆ. ನಮ್ಮ ಹುಡುಗಿಯರು ಸಂತಸದಲ್ಲಿದ್ದಾರೆ. ಅವರಿಗೆ ಸ್ವಾಗತ. ಮಹಿಳಾ ಟಿ20 ಚಾಲೆಂಜ್ ನೋಡಲು ನಾವು ಕಾತುರರಾಗಿದ್ದೇವೆ‘ ಎಂದು ಐಪಿಎಲ್ ಸಮಿತಿಯು ಅಧಿಕೃತ ಟ್ವೀಟ್ ಖಾತೆಯಲ್ಲಿ ಸಂದೇಶ ಹಾಕಿದೆ.</p>.<p>ಈ ಮೂರು ತಂಡಗಳಿಗೆ ಮಿಥಾಲಿರಾಜ್, ಮಂದಾನಾ ಮತ್ತು ಹರ್ಮನ್ಪ್ರೀತ್ ಅವರು ನಾಯಕತ್ವ ವಹಿಸುತ್ತಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದುಬೈ:</strong>ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯ ಅಂಗವಾಗಿ ನಡೆಯಲಿರುವ ಮಹಿಳೆಯರ ಚಾಲೆಂಜರ್ಸ್ ಕ್ರಿಕೆಟ್ ಟೂರ್ನಿಯಲ್ಲಿ ಆಡಲಿರುವ 30 ಕ್ರಿಕೆಟ್ ಆಟಗಾರ್ತಿಯರು ಗುರುವಾರ ಯುಎಇಗೆ ಬಂದಿಳಿದರು.</p>.<p>’ಮಹಿಳೆಯರ ಮಿನಿ ಐಪಿಎಲ್‘ ಎಂದೇ ಕರೆಯಲಾಗುವ ಈ ಟೂರ್ನಿಯು ನವೆಂಬರ್ 4 ರಿಂದ 9ರವರೆಗೆ ಶಾರ್ಜಾದಲ್ಲಿ ನಡೆಯಲಿದೆ. ಮೂರು ತಂಡಗಳು ಆಡಲಿವೆ.</p>.<p>ಈ ಬಳಗದಲ್ಲಿರುವ ಭಾರತ ಟಿ20 ತಂಡದ ನಾಯಕಿ ಹರ್ಮನ್ಪ್ರೀತ್ ಕೌರ್, ಬ್ಯಾಟ್ಸ್ವುಮನ್ ಸ್ಮೃತಿ ಮಂದಾನ ಮತ್ತು ಜೆಮಿಮಾ ರಾಡ್ರಿಗಸ್ ಅವರು ಇಲ್ಲಿಗೆ ಬರುವ ಮುನ್ನ ಮುಂಬೈನಲ್ಲಿ ಒಂಬತ್ತು ದಿನಗಳ ಕ್ವಾರಂಟೈನ್ನಲ್ಲಿದ್ದರು. ಅವರು ಎರಡು ಬಾರಿ ಕೋವಿಡ್ ಪರೀಕ್ಷೆಗೆ (ಆರ್ಟಿ–ಪಿಸಿಆರ್) ಪರೀಕ್ಷೆಗಳನ್ನು ಮಾಡಿಸಿಕೊಂಡಿದ್ದರು.</p>.<p>ಇದೀಗ ಯುಎಇಯಲ್ಲಿ ಕೂಡ ಎಲ್ಲರೂ ಆರು ದಿನಗಳ ಪ್ರತ್ಯೇಕವಾಸ ನಿಯಮವನ್ನು ಪಾಲಿಸಲಿದ್ದಾರೆ. ಐದನೇ ದಿನ ಮತ್ತೊಮ್ಮೆ ಕೋವಿಡ್ ಪರೀಕ್ಷೆಗೆ ಒಳಪಡಲಿದ್ದಾರೆ.</p>.<p>’ಸೂಪರ್ ನೋವಾಸ್, ಟ್ರಯಲ್ ಬ್ಲೆಜರ್ಸ್, ವೆಲೊಸಿಟಿ ತಂಡಗಳು ಇಲ್ಲಿಗೆ ಬಂದಿವೆ. ನಮ್ಮ ಹುಡುಗಿಯರು ಸಂತಸದಲ್ಲಿದ್ದಾರೆ. ಅವರಿಗೆ ಸ್ವಾಗತ. ಮಹಿಳಾ ಟಿ20 ಚಾಲೆಂಜ್ ನೋಡಲು ನಾವು ಕಾತುರರಾಗಿದ್ದೇವೆ‘ ಎಂದು ಐಪಿಎಲ್ ಸಮಿತಿಯು ಅಧಿಕೃತ ಟ್ವೀಟ್ ಖಾತೆಯಲ್ಲಿ ಸಂದೇಶ ಹಾಕಿದೆ.</p>.<p>ಈ ಮೂರು ತಂಡಗಳಿಗೆ ಮಿಥಾಲಿರಾಜ್, ಮಂದಾನಾ ಮತ್ತು ಹರ್ಮನ್ಪ್ರೀತ್ ಅವರು ನಾಯಕತ್ವ ವಹಿಸುತ್ತಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>