ಮುಂಬೈ: ಚೆಂಡು ತಲೆಗೆ ಬಡಿದು ವ್ಯಕ್ತಿ ಸಾವು

ಸೋಮವಾರ ಮಧ್ಯಾಹ್ನ ಈ ಘಟನೆ ನಡೆದಿದೆ. ಮಾತುಂಗಾದಲ್ಲಿರುವ ದಡ್ಕರ್ ಕ್ರಿಕೆಟ್‌ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಜಯೇಶ್ ಚುನ್ನಿಲಾಲ್ ಸವ್ಲಾ ಫೀಲ್ಡಿಂಗ್ ಮಾಡುತ್ತಿದ್ದರು. ಆದರೆ ಅದೇ ಮೈದಾನದಲ್ಲಿ ಇನ್ನೊಂದು ಪಂದ್ಯ ನಡೆಯುತ್ತಿತ್ತು. ಆ ಪಂದ್ಯದಲ್ಲಿ ಆಟಗಾರ ಆಡಿದ್ದ ಚೆಂಡು ಜಯೇಶ್ ಅವರ ತಲೆಯ ಹಿಂಬದಿಗೆ ಅಪ್ಪಳಿಸಿತ್ತು. 

ಪೆಟ್ಟು ತಿಂದ  ಜಯೇಶ್ ನೆಲಕ್ಕೆ ಕುಸಿದರು. ಕೂಡಲೇ ಆಸ್ಪತ್ತೆಗೆ ಕರೆದೊಯ್ಯಲಾಯಿತು. ಆದರೆ ಅಷ್ಟರಲ್ಲಿ ಅವರು ಕೊನೆಯುಸಿರೆಳೆದಿದ್ದರು ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.