ಮತ್ತೊಮ್ಮೆ ಟ್ರೋಫಿ ಗೆಲ್ಲುವ ವಿಶ್ವಾಸ

ಮೈಸೂರು: ಯುವ ಹಾಗೂ ಅನುಭವಿ ಆಟಗಾರರನ್ನು ಒಳಗೊಂಡಿರುವ ಮೈಸೂರು ವಾರಿಯರ್ಸ್ ತಂಡ ಈ ಬಾರಿಯ ಕರ್ನಾಟಕ ಪ್ರೀಮಿಯರ್ ಲೀಗ್ (ಕೆಪಿಎಲ್) ಟ್ವೆಂಟಿ–20 ಕ್ರಿಕೆಟ್ ಟೂರ್ನಿಯಲ್ಲಿ ಪ್ರಶಸ್ತಿ ಗೆಲ್ಲಲಿದೆ ಎಂದು ನಾಯಕ ಜೆ.ಸುಚಿತ್ ವಿಶ್ವಾಸ ವ್ಯಕ್ತಪಡಿಸಿದರು.

. ನಗರದಲ್ಲಿ ಗುರುವಾರ ಕೆಪಿಎಲ್ ಏಳನೇ ಆವೃತ್ತಿಯ ಟೂರ್ನಿಗೆ ತಂಡದ ಆಟಗಾರರ ಪರಿಚಯ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

. ಹಲವು ‘ಮ್ಯಾಚ್ ವಿನ್ನರ್’ಗಳನ್ನು ಹೊಂದಿರುವ ತಂಡ ಸಮತೋಲನದಿಂದ ಕೂಡಿದೆ. ಈ ಹಿಂದಿನ ವರ್ಷಗಳಲ್ಲಿ ಟ್ರೋಫಿ ಗೆದ್ದ ತಂಡದಲ್ಲಿದ್ದ 5–6 ಆಟಗಾರರು ಈ ಬಾರಿ ವಾರಿಯರ್ಸ್ ತಂಡದಲ್ಲಿದ್ದಾರೆ. ಸಂಘಟಿತ ಹೋರಾಟ ನೀಡುವಲ್ಲಿ ಯಶಸ್ವಿಯಾದರೆ ಕಪ್ ಜಯಿಸುವುದು ಕಷ್ಟವಲ್ಲ ಎಂದರು.

. ವಾರಿಯರ್ಸ್ ತಂಡವನ್ನು ಈ ಬಾರಿ ಸುಚಿತ್ ಮುನ್ನಡೆಸಲಿದ್ದಾರೆ. ಆಲ್ರೌಂಡರ್ ಆಗಿರುವ ಅವರು ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಟೂರ್ನಿಯಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಪರ ಆಡುತ್ತಿದ್ದಾರೆ.

. ಅನುಭವ ಹಂಚಿಕೊಳ್ಳುವೆ: ‘ಭಾರತ ತಂಡ ಮತ್ತು ಐಪಿಎಲ್ನ ಕೆಲವು ತಂಡಗಳಿಗೆ ಕೋಚ್ ಆಗಿ ಕಾರ್ಯನಿರ್ವಹಿಸಿದ್ದೇನೆ. ಆ ವೇಳೆ ಪಡೆದಿರುವ ಅನುಭವವನ್ನು ತಂಡದ ಕೋಚ್ ಹಾಗೂ ಆಟಗಾರರ ಜತೆ ಹಂಚಿಕೊಳ್ಳುವೆ’ ಎಂದು ತಂಡದ ಸಲಹೆಗಾರ ವೆಂಕಟೇಶ್ ಪ್ರಸಾದ್ ಹೇಳಿದರು.

. ವಾರಿಯರ್ಸ್ ತಂಡದಲ್ಲಿ ಯುವ ಹಾಗೂ ಅನುಭವಿ ಆಟಗಾರರಿದ್ದಾರೆ. ಐಪಿಎಲ್ನಲ್ಲಿ ಮತ್ತು ಕಳೆದ ಕೆಲ ವರ್ಷಗಳಿಂದ ಕೆಪಿಎಲ್ನಲ್ಲಿ ಆಡುತ್ತಿರುವವರು ತಂಡದಲ್ಲಿದ್ದಾರೆ. ಆಟಗಾರರು ಕಳೆದ ಕೆಲ ದಿನಗಳಿಂದ ಕಠಿಣ ಅಭ್ಯಾಸ ನಡೆಸುತ್ತಿದ್ದು, ಟೂರ್ನಿಗೆ ಸಜ್ಜಾಗುತ್ತಿದ್ದಾರೆ ಎಂದರು.

. ಕೋಚ್ ಆರ್.ಎಕ್ಸ್.ಮುರಳೀಧರ ಮಾತನಾಡಿ, ವೆಂಕಟೇಶ್ ಪ್ರಸಾದ್ ಅವರು ತಂಡವನ್ನು ಸೇರಿಕೊಂಡಿರುವುದರಿಂದ ಹೆಚ್ಚಿನ ಬಲ ಬಂದಿದೆ. ಅವರ ಅಪಾರ ಅನುಭವ ಆಟಗಾರರ ನೆರವಿಗೆ ಬರಲಿದೆ. ಉತ್ತಮ ಆಲ್ರೌಂಡರ್ಗಳನ್ನು ಹೊಂದಿರುವುದು ಸಕಾರಾತ್ಮಕ ಅಂಶ ಎಂದು ಹೇಳಿದರು.

. ತಂಡದ ಮಾಲೀಕ ಅರ್ಜುನ್ ರಂಗ ಮಾತನಾಡಿ, ವೆಂಕಟೇಶ್ ಪ್ರಸಾದ್ ಅವರು ಸಲಹೆಗಾರರಾಗಿ ತಂಡವನ್ನು ಸೇರಿಕೊಂಡಿದ್ದಾರೆ. ಅವರ ಮಾರ್ಗದರ್ಶನದಲ್ಲಿ ಆಟಗಾರರು ಟೂರ್ನಿಗೆ ಸಜ್ಜಾಗುತ್ತಿದ್ದಾರೆ ಎಂದು ತಿಳಿಸಿದರು.

. ಕಳೆದ ಬಾರಿ ಅಗ್ರ ಕ್ರಮಾಂಕದ ಬ್ಯಾಟಿಂಗ್ನಲ್ಲಿ ಬಲ ಇರಲಿಲ್ಲ. ಈ ಸಲ ಶೋಯಬ್ ಮ್ಯಾನೇಜರ್, ಕೆ.ವಿ.ಸಿದ್ಧಾರ್ಥ್ ಅವರು ತಂಡಕ್ಕೆ ಬಂದಿದ್ದಾರೆ. ಅರ್ಜುನ್ ಹೊಯ್ಸಳ, ರಾಜೂ ಭಟ್ಕಳ್, ಅಮಿತ್ ವರ್ಮಾ ಅವರಂತಹ ಅನುಭವಿಗಳು ಇದ್ದಾರೆ ಎಂದು ಹೇಳಿದರು.

. ವಾರಿಯರ್ಸ್ ತಂಡ 2014 ರಲ್ಲಿ ಕೆಪಿಎಲ್ನಲ್ಲಿ ಮೊದಲ ಬಾರಿ ಪಾಲ್ಗೊಂಡಿತ್ತು. ಅದೇ ವರ್ಷ ಚಾಂಪಿಯನ್ ಆಗಿ ಸ್ಮರಣೀಯ ಸಾಧನೆ ತನ್ನದಾಗಿಸಿಕೊಂಡಿತ್ತು.

. ತಂಡದ ಸಹಮಾಲೀಕ ಪವನ್ ರಂಗ, ಮ್ಯಾನೇಜರ್ ಎಂ.ಆರ್.ಸುರೇಶ್, ಎನ್.ಆರ್.ಸಮೂಹದ ಪಾಲುದಾರರಾದ ಕಿರಣ್ ರಂಗ, ಅನಿರುದ್ಧ್ ರಂಗ, ಕೆಎಸ್ಸಿಎ ವ್ಯವಸ್ಥಾಪಕ ಸಮಿತಿ ಸದಸ್ಯ ಎ.ವಿ.ಶಶಿಧರ್, ಮೈಸೂರು ವಲಯ ನಿಮಂತ್ರಕ ಬಾಲಚಂದರ್, ತಂಡದ ಸಹಾಯಕ ಸಿಬ್ಬಂದಿ ಪಾಲ್ಗೊಂಡಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮತ್ತೊಮ್ಮೆ ಟ್ರೋಫಿ ಗೆಲ್ಲುವ ವಿಶ್ವಾಸ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಟೆಸ್ಟ್, ಏಕದಿನ ಮಾದರಿಯಲ್ಲಿ ದ್ವಿಶತಕ: ಸಚಿನ್, ಸೆಹ್ವಾಗ್, ರೋಹಿತ್ ಸಾಲಿಗೆ ಗಿಲ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್