ಮುಂಬೈ: ‘ಕ್ರಿಕೆಟ್‌ ದೇವರು’ ಎಂದೇ ಪ್ರಸಿದ್ಧರಾದ ಭಾರತದ ಹಿರಿಯ ಕ್ರಿಕೆಟಿಗ ಸಚಿನ್‌ ತೆಂಡೂಲ್ಕರ್ ಅವರು ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿ ಇಂದಿಗೆ 31 ವರ್ಷಗಳು ಕಳೆದಿವೆ.
ಹೌದು. 1989ರ ನವೆಂಬರ್ 15ರಂದು ಕರಾಚಿಯಲ್ಲಿ ನಡೆದ ಪಾಕಿಸ್ತಾನ ವಿರುದ್ಧದ ಟೆಸ್ಟ್‌ ಪಂದ್ಯದಲ್ಲಿ ಮೊದಲ ಬಾರಿಗೆ ಆಡಿದ್ದರು. ಆದೇ ಪಂದ್ಯದಲ್ಲಿ ಪಾಕ್‌ ತಂಡದ ಈಗಿನ ಕೋಚ್‌ ವಾಕರ್ ಯೂನಿಸ್‌ ಕೂಡ ಪದಾರ್ಪಣೆ ಮಾಡಿದ್ದರು.
ಈ ಪಂದ್ಯ ಡ್ರಾನಲ್ಲಿ ಅಂತ್ಯವಾಗಿತ್ತು. ಸಚಿನ್‌ ಕೇವಲ 15 ರನ್‌ ಗಳಿಸಿ ವಾಕರ್ ಯೂನಿಸ್‌ ಅವರಿಗೆ ವಿಕೆಟ್‌ ಒಪ್ಪಿಸಿದ್ದರು.
46 ವರ್ಷದ ಸಚಿನ್‌ 2013ರಲ್ಲಿ ಕ್ರಿಕೆಟ್‌ಗೆ ವಿದಾಯ ಘೋಷಿಸಿದ್ದರು. ಟೆಸ್ಟ್‌ ಮತ್ತು ಏಕದಿನ ಕ್ರಿಕೆಟ್‌ನಲ್ಲಿ ಅತಿಹೆಚ್ಚು ರನ್‌ ಗಳಿಸಿದ ಮೊದಲ ಆಟಗಾರರೆಸಿದ್ದಾರೆ.
ಸಚಿನ್‌ ಕ್ರಿಕೆಟ್‌ನ ಮೂರು ಮಾದರಿಗಳಲ್ಲೂ ಒಟ್ಟು 34,357 ರನ್‌ ಗಳಿಸಿದ್ದಾರೆ. ಸದ್ಯ ಸಚಿನ್‌ ಮುಂಬೈ ಇಂಡಿಯನ್ಸ್‌ ತಂಡದ ಸಲಹೆಗಾರರಾಗಿದ್ದಾರೆ.
