<p><strong>ಕಿಂಗ್ಸ್ಟೌನ್, ಸೇಂಟ್ ವಿನ್ಸೆಂಟ್:</strong> ಅನುಭವಿ ಆಟಗಾರ ಶಕೀಬ್ ಅಲ್ ಹಸನ್ (64*, 46ಎ, 4X9) ಅವರ ಅಜೇಯ ಅರ್ಧಶತಕ ಹಾಗೂ ರಿಶಾದ್ ಹುಸೇನ್ (33ಕ್ಕೆ 3) ಅವರ ಪರಿಣಾಮಕಾರಿ ಬೌಲಿಂಗ್ ದಾಳಿಯ ನೆರವಿನಿಂದ ಬಾಂಗ್ಲಾದೇಶ ತಂಡವು ಟಿ20 ವಿಶ್ವಕಪ್ ‘ಡಿ’ ಗುಂಪಿನ ಮಹತ್ವದ ಪಂದ್ಯದಲ್ಲಿ ಗುರುವಾರ ನೆದರ್ಲೆಂಡ್ಸ್ ತಂಡವನ್ನು 25 ರನ್ಗಳಿಂದ ಮಣಿಸಿತು.</p><p>160 ರನ್ಗಳ ಗೆಲುವಿನ ಗುರಿಯನ್ನು ಬೆನ್ನತ್ತಿದ ಡಚ್ ತಂಡವು ಆರಂಭಿಕ ಆಟಗಾರರನ್ನು ಬೇಗನೆ ಕಳೆದುಕೊಂಡರೂ ನಂತರ ಚೇತರಿಕೆಯ ಹಾದಿಯಲ್ಲಿತ್ತು. ಒಂದು ಹಂತದಲ್ಲಿ 3 ವಿಕೆಟ್ಗೆ 111 ರನ್ ಗಳಿಸಿ, ಜಯಕ್ಕೆ 32 ಎಸೆತಗಳಲ್ಲಿ 49 ರನ್ ಬೇಕಾಗಿತ್ತು. ಈ ವೇಳೆ ತಂಡವು ನಾಟಕೀಯ ಕುಸಿತಕ್ಕೆ ಒಳಗಾಯಿತು. ಕೇವಲ 6 ರನ್ ಅಂತರದಲ್ಲಿ ನಾಲ್ಕು ವಿಕೆಟ್ ಕಳೆದುಕೊಂಡಿತು. ಹೀಗಾಗಿ, 20 ಓವರ್ಗಳಲ್ಲಿ 8 ವಿಕೆಟ್ಗೆ 134 ರನ್ಗಳಿಸಿ ಸವಾಲನ್ನು ಮುಗಿಸಿತು. ಸೈಬ್ರಾಂಡ್ ಎಂಗಲ್ಬ್ರೆಕ್ಟ್ (33), ವಿಕ್ರಮಜಿತ್ ಸಿಂಗ್ (26), ನಾಯಕ ಸ್ಕಾಟ್ ಎಡ್ವರ್ಡ್ಸ್ (25) ಕೊಂಚ ಹೋರಾಟ ತೋರಿದರು. </p><p>ಇದಕ್ಕೂ ಮೊದಲು ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿದ ಬಾಂಗ್ಲಾ ತಂಡವು ನಿಗದಿತ ಓವರ್ಗಳಲ್ಲಿ 5 ವಿಕೆಟ್ಗೆ 159 ರನ್ ಗಳಿಸಿತ್ತು. ಆಫ್ ಸ್ಪಿನ್ನರ್ ಆರ್ಯನ್ ದತ್ (17ಕ್ಕೆ2) ತಂಡಕ್ಕೆ ಆರಂಭದಲ್ಲೇ ಯಶಸ್ಸು ದೊರಕಿಸಿಕೊಟ್ಟರು. ಆದರೆ, ಶಕೀಬ್ ಕೆಲವು ಜೊತೆಯಾಟಗಳ ಮೂಲಕ ತಂಡ ಕುಸಿಯದಂತೆ ನೋಡಿಕೊಂಡರು. ಇದು ಅವರಿಗೆ ಈ ಮಾದರಿಯಲ್ಲಿ 13ನೇ ಅರ್ಧ ಶತಕ.</p><p>ಮೂರನೇ ವಿಕೆಟ್ಗೆ ತಂಜಿದ್ ಹಸನ್ (35, 26ಎ, 4x5, 6x1) ಜೊತೆಗೂಡಿದ ಶಕೀಬ್ ಲಗುಬಗನೇ 48 ರನ್ ಸೇರಿಸಿದರು. ಮಹಮುದುಲ್ಲಾ (25, 21ಎ) ಜೊತೆ ಐದನೇ ವಿಕೆಟ್ಗೆ 41 ರನ್ ಸೇರಿಸಿದ್ದರಿಂದ ತಂಡ ಗೌರವದ ಮೊತ್ತ ಗಳಿಸಲು ಸಾಧ್ಯವಾಯಿತು. </p><h2><strong>ಸ್ಕೋರುಗಳು</strong></h2><p><strong>ಬಾಂಗ್ಲಾದೇಶ</strong>: 20 ಓವರುಗಳಲ್ಲಿ 5 ವಿಕೆಟ್ಗೆ 159 (ತಂಜಿದ್ ಹಸನ್ 35, ಶಕೀಬ್ ಅಲ್ ಹಸನ್ ಔಟಾಗದೇ 64, ಮಹಮುದುಲ್ಲಾ 25; ಆರ್ಯನ್ ದತ್ 17ಕ್ಕೆ2, ಪಾಲ್ ವಾನ್ ಮೀಕೆರನ್ 15ಕ್ಕೆ2, ಟಿಮ್ ಪ್ರಿಂಗಲ್ 26ಕ್ಕೆ1). </p><p><strong>ನೆದರ್ಲೆಂಡ್ಸ್:</strong> 20 ಓವರ್ಗಳಲ್ಲಿ 8 ವಿಕೆಟ್ಗೆ 134 (ವಿಕ್ರಮಜಿತ್ ಸಿಂಗ್ 26, ಸೈಬ್ರಾಂಡ್ ಎಂಗಲ್ಬ್ರೆಕ್ಟ್ 33, ಸ್ಕಾಟ್ ಎಡ್ವರ್ಡ್ಸ್ 25; ರಿಶಾದ್ ಹುಸೇನ್ 33ಕ್ಕೆ 3, ತಸ್ಕಿನ್ ಅಹ್ಮದ್ 30ಕ್ಕೆ 2). ಪಂದ್ಯದ ಆಟಗಾರ: ಶಕೀಬ್ ಅಲ್ ಹಸನ್</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಿಂಗ್ಸ್ಟೌನ್, ಸೇಂಟ್ ವಿನ್ಸೆಂಟ್:</strong> ಅನುಭವಿ ಆಟಗಾರ ಶಕೀಬ್ ಅಲ್ ಹಸನ್ (64*, 46ಎ, 4X9) ಅವರ ಅಜೇಯ ಅರ್ಧಶತಕ ಹಾಗೂ ರಿಶಾದ್ ಹುಸೇನ್ (33ಕ್ಕೆ 3) ಅವರ ಪರಿಣಾಮಕಾರಿ ಬೌಲಿಂಗ್ ದಾಳಿಯ ನೆರವಿನಿಂದ ಬಾಂಗ್ಲಾದೇಶ ತಂಡವು ಟಿ20 ವಿಶ್ವಕಪ್ ‘ಡಿ’ ಗುಂಪಿನ ಮಹತ್ವದ ಪಂದ್ಯದಲ್ಲಿ ಗುರುವಾರ ನೆದರ್ಲೆಂಡ್ಸ್ ತಂಡವನ್ನು 25 ರನ್ಗಳಿಂದ ಮಣಿಸಿತು.</p><p>160 ರನ್ಗಳ ಗೆಲುವಿನ ಗುರಿಯನ್ನು ಬೆನ್ನತ್ತಿದ ಡಚ್ ತಂಡವು ಆರಂಭಿಕ ಆಟಗಾರರನ್ನು ಬೇಗನೆ ಕಳೆದುಕೊಂಡರೂ ನಂತರ ಚೇತರಿಕೆಯ ಹಾದಿಯಲ್ಲಿತ್ತು. ಒಂದು ಹಂತದಲ್ಲಿ 3 ವಿಕೆಟ್ಗೆ 111 ರನ್ ಗಳಿಸಿ, ಜಯಕ್ಕೆ 32 ಎಸೆತಗಳಲ್ಲಿ 49 ರನ್ ಬೇಕಾಗಿತ್ತು. ಈ ವೇಳೆ ತಂಡವು ನಾಟಕೀಯ ಕುಸಿತಕ್ಕೆ ಒಳಗಾಯಿತು. ಕೇವಲ 6 ರನ್ ಅಂತರದಲ್ಲಿ ನಾಲ್ಕು ವಿಕೆಟ್ ಕಳೆದುಕೊಂಡಿತು. ಹೀಗಾಗಿ, 20 ಓವರ್ಗಳಲ್ಲಿ 8 ವಿಕೆಟ್ಗೆ 134 ರನ್ಗಳಿಸಿ ಸವಾಲನ್ನು ಮುಗಿಸಿತು. ಸೈಬ್ರಾಂಡ್ ಎಂಗಲ್ಬ್ರೆಕ್ಟ್ (33), ವಿಕ್ರಮಜಿತ್ ಸಿಂಗ್ (26), ನಾಯಕ ಸ್ಕಾಟ್ ಎಡ್ವರ್ಡ್ಸ್ (25) ಕೊಂಚ ಹೋರಾಟ ತೋರಿದರು. </p><p>ಇದಕ್ಕೂ ಮೊದಲು ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿದ ಬಾಂಗ್ಲಾ ತಂಡವು ನಿಗದಿತ ಓವರ್ಗಳಲ್ಲಿ 5 ವಿಕೆಟ್ಗೆ 159 ರನ್ ಗಳಿಸಿತ್ತು. ಆಫ್ ಸ್ಪಿನ್ನರ್ ಆರ್ಯನ್ ದತ್ (17ಕ್ಕೆ2) ತಂಡಕ್ಕೆ ಆರಂಭದಲ್ಲೇ ಯಶಸ್ಸು ದೊರಕಿಸಿಕೊಟ್ಟರು. ಆದರೆ, ಶಕೀಬ್ ಕೆಲವು ಜೊತೆಯಾಟಗಳ ಮೂಲಕ ತಂಡ ಕುಸಿಯದಂತೆ ನೋಡಿಕೊಂಡರು. ಇದು ಅವರಿಗೆ ಈ ಮಾದರಿಯಲ್ಲಿ 13ನೇ ಅರ್ಧ ಶತಕ.</p><p>ಮೂರನೇ ವಿಕೆಟ್ಗೆ ತಂಜಿದ್ ಹಸನ್ (35, 26ಎ, 4x5, 6x1) ಜೊತೆಗೂಡಿದ ಶಕೀಬ್ ಲಗುಬಗನೇ 48 ರನ್ ಸೇರಿಸಿದರು. ಮಹಮುದುಲ್ಲಾ (25, 21ಎ) ಜೊತೆ ಐದನೇ ವಿಕೆಟ್ಗೆ 41 ರನ್ ಸೇರಿಸಿದ್ದರಿಂದ ತಂಡ ಗೌರವದ ಮೊತ್ತ ಗಳಿಸಲು ಸಾಧ್ಯವಾಯಿತು. </p><h2><strong>ಸ್ಕೋರುಗಳು</strong></h2><p><strong>ಬಾಂಗ್ಲಾದೇಶ</strong>: 20 ಓವರುಗಳಲ್ಲಿ 5 ವಿಕೆಟ್ಗೆ 159 (ತಂಜಿದ್ ಹಸನ್ 35, ಶಕೀಬ್ ಅಲ್ ಹಸನ್ ಔಟಾಗದೇ 64, ಮಹಮುದುಲ್ಲಾ 25; ಆರ್ಯನ್ ದತ್ 17ಕ್ಕೆ2, ಪಾಲ್ ವಾನ್ ಮೀಕೆರನ್ 15ಕ್ಕೆ2, ಟಿಮ್ ಪ್ರಿಂಗಲ್ 26ಕ್ಕೆ1). </p><p><strong>ನೆದರ್ಲೆಂಡ್ಸ್:</strong> 20 ಓವರ್ಗಳಲ್ಲಿ 8 ವಿಕೆಟ್ಗೆ 134 (ವಿಕ್ರಮಜಿತ್ ಸಿಂಗ್ 26, ಸೈಬ್ರಾಂಡ್ ಎಂಗಲ್ಬ್ರೆಕ್ಟ್ 33, ಸ್ಕಾಟ್ ಎಡ್ವರ್ಡ್ಸ್ 25; ರಿಶಾದ್ ಹುಸೇನ್ 33ಕ್ಕೆ 3, ತಸ್ಕಿನ್ ಅಹ್ಮದ್ 30ಕ್ಕೆ 2). ಪಂದ್ಯದ ಆಟಗಾರ: ಶಕೀಬ್ ಅಲ್ ಹಸನ್</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>