ಪಿಯೂಷ್‌ ಚಾವ್ಲಾ ತಂದೆ ಕೋವಿಡ್‌ನಿಂದ ನಿಧನ

60 ವರ್ಷದ ಪ್ರಮೋದ್ ಕುಮಾರ್ ಅವರನ್ನು ಮುಂಬೈನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಚಿಕಿತ್ಸೆಗೆ ಸ್ಪಂದಿಸದೇ ಕೊನೆಯುಸಿರೆಳೆದಿದ್ದಾರೆ.

ಪಿತೃ ವಿಯೋಗದ ಮಾಹಿತಿಯನ್ನು ಪಿಯೂಷ್ ಚಾವ್ಲಾ, ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿದ್ದಾರೆ.

32 ವರ್ಷದ ಪಿಯೂಷ್ ಚಾವ್ಲಾ ಭಾರತ ತಂಡವನ್ನು ಮೂರು ಟೆಸ್ಟ್, 25 ಏಕದಿನ ಹಾಗೂ 7 ಏಕದಿನ ಪಂದ್ಯಗಳಲ್ಲಿ ಪ್ರತಿನಿಧಿಸಿದ್ದಾರೆ. ದೇಶೀಯ ಕ್ರಿಕೆಟ್‌ನಲ್ಲಿ ಗುಜರಾತ್ ಪರ 136 ಪಂದ್ಯಗಳಲ್ಲಿ 445 ವಿಕೆಟ್‌ಗಳನ್ನು ಕಬಳಿಸಿದ್ದಾರೆ.

ಇಂಡಿಯನ್ ಪ್ರೀಮಿಯರ್ ಲೀಗ್ ಟ್ವೆಂಟಿ-20 ಕ್ರಿಕೆಟ್ ಟೂರ್ನಿಯಲ್ಲಿ ಪಂಜಾಬ್ ಕಿಂಗ್ಸ್, ಮುಂಬೈ ಇಂಡಿಯನ್ಸ್ ಮುಂತಾದ ತಂಡಗಳನ್ನು ಚಾವ್ಲಾ ಪ್ರತಿನಿಧಿಸಿದ್ದಾರೆ.