<p><strong>ಬೆಂಗಳೂರು</strong>: ಸುಕೃತ್ ಜೆ. (ಅಜೇಯ 81; 105) ಅವರ ಬ್ಯಾಟಿಂಗ್ ನೆರವಿನಿಂದ ಕರ್ನಾಟಕ ತಂಡವು ವಿಜಯ್ ಮರ್ಚೆಂಟ್ ಟ್ರೋಫಿ (16 ವರ್ಷದೊಳಗಿನವರ) ಕ್ರಿಕೆಟ್ ಟೂರ್ನಿಯಲ್ಲಿ ಶುಭಾರಂಭ ಮಾಡಿತು.</p>.<p>ಆಂಧ್ರಪ್ರದೇಶದ ಮಂಗಳಗಿರಿಯ ಎಸಿಎ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಡೆದ ಮೂರು ದಿನಗಳ ಪಂದ್ಯದ ಕೊನೆಯ ದಿನವಾದ ಸೋಮವಾರ ಕರ್ನಾಟಕ ತಂಡವು 6 ವಿಕೆಟ್ಗಳಿಂದ ವಿದರ್ಭ ತಂಡವನ್ನು ಮಣಿಸಿತು.</p>.<p>ಮೊದಲ ಇನಿಂಗ್ಸ್ನಲ್ಲಿ 25 ರನ್ಗಳ ಕೊಂಚ ಮುನ್ನಡೆ ಪಡೆದಿದ್ದ ವಿದರ್ಭ ತಂಡವು ಎರಡನೇ ಇನಿಂಗ್ಸ್ನಲ್ಲಿ 68.2 ಓವರ್ಗಳಲ್ಲಿ 156 ರನ್ಗೆ ಕುಸಿಯಿತು. ಧ್ಯಾನ್ ಎಂ. ಹಿರೇಮಠ ಐದು ವಿಕೆಟ್ ಪಡೆದು, ಎದುರಾಳಿ ತಂಡವನ್ನು ಚೇತರಿಸಿಕೊಳ್ಳದಂತೆ ನೋಡಿಕೊಂಡಿದ್ದರು.</p>.<p>ಗೆಲುವಿಗೆ 181 ರನ್ಗಳ ಗುರಿಯನ್ನು ಪಡೆದ ಕರ್ನಾಟಕಕ್ಕೆ ಆರಂಭದಲ್ಲಿ ಎದುರಾಳಿ ಬೌಲರ್ಗಳು ಪೆಟ್ಟು ನೀಡಿದ್ದರು. ಹೀಗಾಗಿ, 49 ರನ್ಗೆ 4 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಈ ಹಂತದಲ್ಲಿ ಸುಕೃತ್ ಮತ್ತು ಆರುಷ್ ಜೈನ್ (49;126ಎ) ತಾಳ್ಮೆಯ ಆಟವಾಡಿ, ಮುರಿಯದ ಐದನೇ ವಿಕೆಟ್ ಜೊತೆಯಾಟದಲ್ಲಿ 133 ರನ್ ಸೇರಿಸಿದರು. ಹೀಗಾಗಿ, ತಂಡವು 51.1 ಓವರ್ಗಳಲ್ಲಿ 4 ವಿಕೆಟ್ಗೆ 182 ರನ್ ಗಳಿಸಿ ಜಯ ಸಾಧಿಸಿತು.</p>.<p><strong>ಸಂಕ್ಷಿಪ್ತ ಸ್ಕೋರ್</strong></p><p><strong>ಮೊದಲ ಇನಿಂಗ್ಸ್</strong></p><p><strong>ವಿದರ್ಭ: 77.5 ಓವರ್ಗಳಲ್ಲಿ 203</strong> (ಕುಶ್ ಶರ್ಮಾ 49, ಸುಜಿತ್ ವೇಲನ್ ಬಿ. 23ಕ್ಕೆ2, ಅಯಾನ್ ಎಸ್.ಕೆ. 42ಕ್ಕೆ 2, ಧ್ಯಾನ್ ಎಂ. ಹಿರೇಮಠ 59ಕ್ಕೆ 3).</p><p><strong>ಕರ್ನಾಟಕ: 67 ಓವರ್ಗಳಲ್ಲಿ 178</strong> (ಅರ್ಣವ್ ದ್ರಾವಿಡ್ 57; ವಿರಾಜ್ ಮಹೇಶ್ವರಿ 19ಕ್ಕೆ 2, ಕುಶ್ ಶರ್ಮಾ 27ಕ್ಕೆ 6).</p><p><strong>ಎರಡನೇ ಇನಿಂಗ್ಸ್</strong></p><p><strong>ವಿದರ್ಭ:</strong> <strong>68.2 ಓವರ್ಗಳಲ್ಲಿ 156</strong> (ಕುಶ್ ಶರ್ಮಾ 41; ಅಥರ್ವ್ ಎಸ್. ದೇಶಪಾಂಡೆ 26ಕ್ಕೆ 2, ಧ್ಯಾನ್ ಎಂ. ಹಿರೇಮಠ 49ಕ್ಕೆ 5, ಅಯಾನ್ ಎಸ್.ಕೆ. 30ಕ್ಕೆ 2).</p><p><strong>ಕರ್ನಾಟಕ: 51.1 ಓವರ್ಗಳಲ್ಲಿ 4ಕ್ಕೆ 182</strong> (ಸುಕೃತ್ ಜೆ. ಔಟಾಗದೇ 81, ಆರುಷ್ ಜೈನ್ ಔಟಾಗದೇ 49; ಸ್ಪರ್ಶ ಬೋರ್ಕರ್ 44ಕ್ಕೆ 2).</p><p><strong>ಫಲಿತಾಂಶ:</strong> ಕರ್ನಾಟಕಕ್ಕೆ 6 ವಿಕೆಟ್ ಜಯ, 6 ಅಂಕ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಸುಕೃತ್ ಜೆ. (ಅಜೇಯ 81; 105) ಅವರ ಬ್ಯಾಟಿಂಗ್ ನೆರವಿನಿಂದ ಕರ್ನಾಟಕ ತಂಡವು ವಿಜಯ್ ಮರ್ಚೆಂಟ್ ಟ್ರೋಫಿ (16 ವರ್ಷದೊಳಗಿನವರ) ಕ್ರಿಕೆಟ್ ಟೂರ್ನಿಯಲ್ಲಿ ಶುಭಾರಂಭ ಮಾಡಿತು.</p>.<p>ಆಂಧ್ರಪ್ರದೇಶದ ಮಂಗಳಗಿರಿಯ ಎಸಿಎ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಡೆದ ಮೂರು ದಿನಗಳ ಪಂದ್ಯದ ಕೊನೆಯ ದಿನವಾದ ಸೋಮವಾರ ಕರ್ನಾಟಕ ತಂಡವು 6 ವಿಕೆಟ್ಗಳಿಂದ ವಿದರ್ಭ ತಂಡವನ್ನು ಮಣಿಸಿತು.</p>.<p>ಮೊದಲ ಇನಿಂಗ್ಸ್ನಲ್ಲಿ 25 ರನ್ಗಳ ಕೊಂಚ ಮುನ್ನಡೆ ಪಡೆದಿದ್ದ ವಿದರ್ಭ ತಂಡವು ಎರಡನೇ ಇನಿಂಗ್ಸ್ನಲ್ಲಿ 68.2 ಓವರ್ಗಳಲ್ಲಿ 156 ರನ್ಗೆ ಕುಸಿಯಿತು. ಧ್ಯಾನ್ ಎಂ. ಹಿರೇಮಠ ಐದು ವಿಕೆಟ್ ಪಡೆದು, ಎದುರಾಳಿ ತಂಡವನ್ನು ಚೇತರಿಸಿಕೊಳ್ಳದಂತೆ ನೋಡಿಕೊಂಡಿದ್ದರು.</p>.<p>ಗೆಲುವಿಗೆ 181 ರನ್ಗಳ ಗುರಿಯನ್ನು ಪಡೆದ ಕರ್ನಾಟಕಕ್ಕೆ ಆರಂಭದಲ್ಲಿ ಎದುರಾಳಿ ಬೌಲರ್ಗಳು ಪೆಟ್ಟು ನೀಡಿದ್ದರು. ಹೀಗಾಗಿ, 49 ರನ್ಗೆ 4 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಈ ಹಂತದಲ್ಲಿ ಸುಕೃತ್ ಮತ್ತು ಆರುಷ್ ಜೈನ್ (49;126ಎ) ತಾಳ್ಮೆಯ ಆಟವಾಡಿ, ಮುರಿಯದ ಐದನೇ ವಿಕೆಟ್ ಜೊತೆಯಾಟದಲ್ಲಿ 133 ರನ್ ಸೇರಿಸಿದರು. ಹೀಗಾಗಿ, ತಂಡವು 51.1 ಓವರ್ಗಳಲ್ಲಿ 4 ವಿಕೆಟ್ಗೆ 182 ರನ್ ಗಳಿಸಿ ಜಯ ಸಾಧಿಸಿತು.</p>.<p><strong>ಸಂಕ್ಷಿಪ್ತ ಸ್ಕೋರ್</strong></p><p><strong>ಮೊದಲ ಇನಿಂಗ್ಸ್</strong></p><p><strong>ವಿದರ್ಭ: 77.5 ಓವರ್ಗಳಲ್ಲಿ 203</strong> (ಕುಶ್ ಶರ್ಮಾ 49, ಸುಜಿತ್ ವೇಲನ್ ಬಿ. 23ಕ್ಕೆ2, ಅಯಾನ್ ಎಸ್.ಕೆ. 42ಕ್ಕೆ 2, ಧ್ಯಾನ್ ಎಂ. ಹಿರೇಮಠ 59ಕ್ಕೆ 3).</p><p><strong>ಕರ್ನಾಟಕ: 67 ಓವರ್ಗಳಲ್ಲಿ 178</strong> (ಅರ್ಣವ್ ದ್ರಾವಿಡ್ 57; ವಿರಾಜ್ ಮಹೇಶ್ವರಿ 19ಕ್ಕೆ 2, ಕುಶ್ ಶರ್ಮಾ 27ಕ್ಕೆ 6).</p><p><strong>ಎರಡನೇ ಇನಿಂಗ್ಸ್</strong></p><p><strong>ವಿದರ್ಭ:</strong> <strong>68.2 ಓವರ್ಗಳಲ್ಲಿ 156</strong> (ಕುಶ್ ಶರ್ಮಾ 41; ಅಥರ್ವ್ ಎಸ್. ದೇಶಪಾಂಡೆ 26ಕ್ಕೆ 2, ಧ್ಯಾನ್ ಎಂ. ಹಿರೇಮಠ 49ಕ್ಕೆ 5, ಅಯಾನ್ ಎಸ್.ಕೆ. 30ಕ್ಕೆ 2).</p><p><strong>ಕರ್ನಾಟಕ: 51.1 ಓವರ್ಗಳಲ್ಲಿ 4ಕ್ಕೆ 182</strong> (ಸುಕೃತ್ ಜೆ. ಔಟಾಗದೇ 81, ಆರುಷ್ ಜೈನ್ ಔಟಾಗದೇ 49; ಸ್ಪರ್ಶ ಬೋರ್ಕರ್ 44ಕ್ಕೆ 2).</p><p><strong>ಫಲಿತಾಂಶ:</strong> ಕರ್ನಾಟಕಕ್ಕೆ 6 ವಿಕೆಟ್ ಜಯ, 6 ಅಂಕ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
