ಆರಂಭದಿಂದಲೇ ಆಕ್ರಮಣಕಾರಿ ಆಟಕ್ಕೆ ಮುಂದಾದ ಅಮೆರಿಕ ತಂಡ 8ನೇ ನಿಮಷದಲ್ಲೇ ಖಾತೆ ತೆರೆಯಿತು. ಹಿರಿಯ ಆಟಗಾರ್ತಿ ಮೇಗನ್‌ ರಾಪಿನೊ, ಕಾರ್ನರ್‌ ಕಿಕ್‌ ಮೂಲಕ ಚೆಂಡನ್ನು ಗುರಿ ಸೇರಿಸಿದರು. 17ನೇ ನಿಮಿಷದಲ್ಲಿ ಆಸ್ಟ್ರೇಲಿಯಾ ತಂಡದ ಸ್ಯಾಮ್‌ ಕೆರ್‌ ಕಾಲ್ಚಳಕ ತೋರಿದರು. ಹೀಗಾಗಿ 1–1 ಸಮಬಲ ಕಂಡುಬಂತು. ಇದರ ಬೆನ್ನಲ್ಲೇ (21) ಮತ್ತೊಂದು ಗೋಲು ಬಾರಿಸಿದ ರಾಪಿನೊ ತಂಡದ ಮುನ್ನಡೆಗೆ ಕಾರಣರಾದರು. 45+1ನೇ ನಿಮಿಷದಲ್ಲಿ ಕಾರ್ಲಿ ಲಾಯ್ಡ್‌ ಮಿಂಚಿದರು. ಹೀಗಾಗಿ ಅಮೆರಿಕ ಮುನ್ನಡೆಯನ್ನು 3–1ಕ್ಕೆ ಹೆಚ್ಚಿಸಿಕೊಂಡು ವಿರಾಮಕ್ಕೆ ಹೋಯಿತು. 51ನೇ ನಿಮಿಷದಲ್ಲಿ ಲಾಯ್ಡ್‌ ಮತ್ತೆ ಮೋಡಿ ಮಾಡಿದರು.
