ಭಾನುವಾರ, ನವೆಂಬರ್ 29, 2020
25 °C

ಬಿಎಫ್‌ಸಿಗೆ ಕ್ರಿಸ್ಟಿಯನ್‌, ಫ್ರಾನ್ಸಿಸ್ಕೊ ಬಲ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಬೆಂಗಳೂರು: ಇಂಡಿಯನ್‌ ಸೂಪರ್‌ ಲೀಗ್‌ಗೆ (ಐಎಸ್‌ಎಲ್‌) ಸಜ್ಜುಗೊಳ್ಳುತ್ತಿರುವ ಬೆಂಗಳೂರು ಫುಟ್‌ಬಾಲ್‌ ಕ್ಲಬ್‌ (ಬಿಎಫ್‌ಸಿ), ನಾರ್ವೆಯ ಕ್ರಿಸ್ಟಿಯನ್‌ ಒಪ್‌ಸೆಥ್ ಹಾಗೂ ಸ್ಪೇನ್‌ನ ಫ್ರಾನ್ಸಿಸ್ಕೊ ಗೊಂಜಾಲೆಜ್‌ ಅವರನ್ನು ಸೇರಿಸಿಕೊಂಡಿದೆ. ನವೆಂಬರ್‌ನಲ್ಲಿ ಐಎಸ್‌ಎಲ್‌ ಟೂರ್ನಿ ಆರಂಭವಾಗುವ ಸಾಧ್ಯತೆಯಿದೆ.

ಬ್ರೆಜಿಲ್‌ನ ಮಿಡ್‌ಫೀಲ್ಡರ್‌ ರಫೆಲ್‌ ಆಗಸ್ಟೊ ಹಾಗೂ ಸ್ಪೇನ್‌ನ ಡಿಫೆಂಡರ್‌ ಆಲ್ಬರ್ಟೊ ಸೆರಾನ್ ಅವರು ತಂಡದಿಂದ ನಿರ್ಗಮಿಸಿದ ಬಳಿಕ ಅವರ ಸ್ಥಾನದಲ್ಲಿ ಒಪ್‌ಸೆಥ್‌ ಹಾಗೂ ಗೊಂಜಾಲೆಜ್‌ ಅವರನ್ನು ಕ್ಲಬ್‌ ಸೇರಿಸಿಕೊಂಡಿದೆ.

ಒಪ್‌ಸೆಥ್ ಅವರು ನಾರ್ವೆಯ ಕೌಪಾಂಜರ್‌ ಐಎಲ್‌, ಫೋರ್ಡ್‌, ಸೋಗಂಡಲ್‌, ಬೋಡೊ ಎಫ್‌ಸಿ ಪರ ಆಡಿದ ಅನುಭವ ಹೊಂದಿದ್ದಾರೆ.

ಭಾರತ ಫುಟ್‌ಬಾಲ್‌ ಲೀಗ್‌ಗಳಲ್ಲಿ ಒಪ್‌ಸೆಥ್‌ ಮೊದಲ ಬಾರಿ ಕಾಣಿಸಿಕೊಳ್ಳಲಿದ್ದಾರೆ. ಆದರೆ ಗೊಂಜಾಲೆಜ್‌ 2019–20ರ ಋತುವಿನ ಐ–ಲೀಗ್‌ ಟ್ರೋಫಿ ಗೆದ್ದ ಮೋಹನ್‌ ಬಾಗನ್‌ ತಂಡದಲ್ಲಿ ಆಡಿದ್ದರು. ಆ ಆವೃತ್ತಿಯಲ್ಲಿ ಹೆಚ್ಚು ಗೋಲು ಗಳಿಸಿರುವವರ ಪಟ್ಟಿಯಲ್ಲಿ ಜಂಟಿ ಎರಡನೇ ಸ್ಥಾನದಲ್ಲಿದ್ದರು.

ಗೊಂಜಾಲೆಜ್‌ ಅವರು ಸೈಪ್ರಸ್‌, ಥಾಯ್ಲೆಂಡ್‌, ಪೋಲೆಂಡ್‌ ಹಾಗೂ ಹಾಂಗ್‌ಕಾಂಗ್‌ ದೇಶಗಳ ಲೀಗ್‌ಗಳಲ್ಲಿ ಆಡಿದ ಅನುಭವ ಉಳ್ಳವರು.

‘ಈಗಾಗಲೇ ಬಲಿಷ್ಠವಾಗಿರುವ ನಮ್ಮ ತಂಡಕ್ಕೆ ಒಪ್‌ಸೆಥ್‌ ಹಾಗೂ ಗೊಂಜಾಲೆಜ್‌ ಆಗಮನ ಮತ್ತಷ್ಟು ಶಕ್ತಿ ತಂದಿದೆ‘ ಎಂದು ಬೆಂಗಳೂರು ಎಫ್‌ಸಿ ಕೋಚ್‌ ಕಾರ್ಲಸ್‌ ಕ್ವದ್ರತ್‌ ಹೇಳಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು