ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಡುರಾಂಡ್ ಕಪ್ ಫುಟ್‌ಬಾಲ್: ಬೆಂಗಳೂರು ಶುಭಾರಂಭ

Last Updated 15 ಸೆಪ್ಟೆಂಬರ್ 2021, 17:08 IST
ಅಕ್ಷರ ಗಾತ್ರ

ಕೋಲ್ಕತ್ತ: ಬೆಂಗಳೂರು ಫುಟ್‌ಬಾಲ್ ಕ್ಲಬ್ ತಂಡವು ಡುರಾಂಡ್ ಕಪ್ ಫುಟ್‌ಬಾಲ್ ಟೂರ್ನಿಯಲ್ಲಿ ಜಯದೊಂದಿಗೆ ತನ್ನ ಅಭಿಯಾನ ಆರಂಭಿಸಿತು.

ಬುಧವಾರ ನಡೆದ ಪಂದ್ಯದಲ್ಲಿ ಬಿಎಫ್‌ಸಿಯು 2–0ಯಿಂದ ಕೇರಳ ಬ್ಲಾಸ್ಟರ್ಸ್‌ ವಿರುದ್ಧ ಜಯಿಸಿತು.

ನಮಗ್ಯಾಲ್ ಭುಟಿಯಾ (45ನೇ ನಿ) ಮತ್ತು ಲಿಯೊನ್ ಆಗಸ್ಟಿನ್ (71 ನೇ ನಿ) ಹೊಡೆದ ಗೋಲುಗಳಿಂದಾಗಿ ಬಿಎಫ್‌ಸಿ ಜಯ ಸಾಧ್ಯವಾಯಿತು.

ಕೇರಳ ತಂಡವು ಪಂದ್ಯದ ಆರಂಭದಲ್ಲಿ ಉತ್ತಮವಾಗಿ ಆಡಿತು. ಮೊದಲಾರ್ಧದ ಬಹುತೇಕ ಅವಧಿಯಲ್ಲಿ ಬಿಗಿಹಿಡಿತ ಸಾಧಿಸಿತ್ತು. ಆದರೆ ದ್ವಿತೀಯಾರ್ಧದಲ್ಲಿ ಬಿಎಫ್‌ಸಿ ತಂಡವು ಪುಟಿದೆದ್ದಿತು.

ಆಕ್ರಮಣಶೈಲಿಯ ಆಟದೊಂದಿಗೆ ಗೋಲು ವಲಯದಲ್ಲಿ ಪದೇ ಪದೇ ಲಗ್ಗೆ ಹಾಕಿತು. 45ನೇ ನಿಮಿಷದಲ್ಲಿ ಲಭಿಸಿದ ಫ್ರೀ ಕಿಕ್‌ನಲ್ಲಿ ನಮಗ್ಯಾಲ್ ಭುಟಿಯಾ ಅವರ ಮಿಂಚಿನ ಆಟದ ಮುಂದೆ ಕೇರಳ ತಂಡದ ಗೋಲ್‌ ಕೀಪರ್ ಅಲ್ಬಿನೊ ಗೋಮ್ಸ್‌ ಅಸಹಾಯಕರಾದರು. ಬಿಎಫ್‌ಸಿ 1–0 ಮುನ್ಡಡೆ ಪಡೆಯಿತು. 71ನೇ ನಿಮಿಷದವರೆಗೂ ಈ ಅಂತರ ಕಾಯ್ದುಕೊಂಡ ತಂಡಕ್ಕೆ ಲಿಯೊನ್ ಎರಡನೇ ಗೋಲಿನ ಕಾಣಿಕೆ ಕೊಟ್ಟರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT