ಯೂರೊ ಕಪ್: ಸೆಮಿಫೈನಲ್‌ಗೆ ಇಂಗ್ಲೆಂಡ್‌, ಡೆನ್ಮಾರ್ಕ್ ಎದುರಾಳಿ

ರೋಮ್: ಅಮೋಘ ಆಟವಾಡಿದ ಇಂಗ್ಲೆಂಡ್ ತಂಡ ಯೂರೊ ಕಪ್ ಫುಟ್ಬಾಲ್ ಚಾಂಪಿಯನ್ಷಿಪ್ನ ನಾಲ್ಕರ ಘಟ್ಟ ಪ್ರವೇಶಿಸಿತು. ಸೆಮಿಫೈನಲ್ನಲ್ಲಿ ಹ್ಯಾರಿ ಕೇನ್ ಬಳಗ ಡೆನ್ಮಾರ್ಕ್ ವಿರುದ್ಧ ಕಣಕ್ಕಿಳಿಯಲಿದ್ದು ಸ್ಪೇನ್ ಎದುರು ಇಟಲಿ ಸೆಣಸಲಿದೆ.

. ಶನಿವಾರ ತಡರಾತ್ರಿ ನಡೆದ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಉಕ್ರೇನ್ ವಿರುದ್ಧ 4–0ಯಿಂದ ಇಂಗ್ಲೆಂಡ್ ಗೆಲುವು ಸಾಧಿಸಿತು. ಬಾಕುವಿನಲ್ಲಿ ನಡೆದ ಮತ್ತೊಂದು ಪಂದ್ಯದಲ್ಲಿ ಡೆನ್ಮಾರ್ಕ್ 2–1ರಲ್ಲಿ ಜೆಕ್ ಗಣರಾಜ್ಯವನ್ನು ಸೋಲಿಸಿತ್ತು.

. ಗುಂಪು ಹಂತದ ಮೂರು ಪಂದ್ಯಗಳು ಸೇರಿದಂತೆ ಕ್ವಾರ್ಟರ್ ಫೈನಲ್ಗೂ ಮೊದಲಿನ ಎಲ್ಲ ಪಂದ್ಯಗಳನ್ನೂ ಇಂಗ್ಲೆಂಡ್ ತವರಿನ ವೆಂಬ್ಲಿ ಕ್ರೀಡಾಂಗಣದಲ್ಲಿ ಆಡಿತ್ತು. ತವರಿನಾಚೆ ಆಡಿದ ಏಕೈಕ ಪಂದ್ಯದಲ್ಲಿ ತಂಡ ಶ್ರೇಷ್ಠ ಪ್ರದರ್ಶನ ನೀಡಿ ಎದುರಾಳಿ ತಂಡವನ್ನು ಕಂಗೆಡಿಸಿತು. ಎರಡು ಗೋಲು ಗಳಿಸಿದ ನಾಯಕ ಹ್ಯಾರಿ ಕೇನ್ ಭರ್ಜರಿ ಜಯಕ್ಕೆ ಕಾರಣರಾದರು. ಹ್ಯಾರಿ ಮ್ಯಾಗ್ಯುರೆ ಮತ್ತು ಜೋರ್ಡಾನ್ ಹೆಂಡೆರ್ಸನ್ ತಲಾ ಒಂದೊಂದು ಗೋಲು ಗಳಿಸಿದರು.

. 1966ರ ವಿಶ್ವಕಪ್ ನಂತರ ಪ್ರಮುಖ ಟೂರ್ನಿಯೊಂದರ ನಾಕೌಟ್ ಹಂತದಲ್ಲಿ ಇಂಗ್ಲೆಂಡ್ ನಾಲ್ಕು ಗೋಲು ಗಳಿಸಿದ್ದು ಇದೇ ಮೊದಲು.1966ರ ವಿಶ್ವಕಪ್ ಫೈನಲ್ನಲ್ಲಿ ವೆಸ್ಟ್ ಜರ್ಮನಿಯನ್ನು 4–2ರಲ್ಲಿ ಮಣಿಸಿತ್ತು. ಯುರೋಪಿಯನ್ ಚಾಂಪಿಯನ್ಷಿಪ್ನಲ್ಲಿ 1996ರಲ್ಲಿ ಇಂಗ್ಲೆಂಡ್ ಕೊನೆಯದಾಗಿ ನಾಲ್ಕರ ಘಟ್ಟ ಪ್ರವೇಶಿಸಿತ್ತು.

. ನಾಲ್ಕನೇ ನಿಮಿಷದಲ್ಲಿ ರಹೀಂ ಸ್ಟರ್ಲಿಂಗ್ ನೀಡಿದ ಪಾಸ್ನಲ್ಲಿ ಚೆಂಡನ್ನು ನಿಯಂತ್ರಿಸಿದ ಕೇನ್ ಸುಲಭವಾಗಿ ಗೋಲುಪೆಟ್ಟಿಗೆಯ ಒಳಗೆ ತಳ್ಳಿದರು. ತಡೆಯಲು ಪ್ರಯತ್ನಿಸಿದ ಗೋಲ್ಕೀಪರ್ ಜಾರ್ಜಿ ಬುಚಾನ್ ಅವರ ತೋಳಿಗೆ ಸೋಕುತ್ತ ಚೆಂಡು ಬಲೆಯೊಳಗೆ ಸೇರಿತು. ಇದು ಟೂರ್ನಿಯಲ್ಲಿ ಕೇನ್ ಗಳಿಸಿದ ಎರಡನೇ ಗೋಲಾಗಿತ್ತು. ನಂತರ ಮೊದಲಾರ್ಧದಲ್ಲಿ ಎರಡೂ ತಂಡಗಳು ಜಿದ್ದಾಜಿದ್ದಿಯ ಹೋರಾಟ ನಡೆಸಿದವು.

. ದ್ವಿತೀಯಾರ್ಧದ ಆರಂಭದಲ್ಲೇ ಇಂಗ್ಲೆಂಡ್ ಮುನ್ನಡೆ ಹೆಚ್ಚಿಸಿತು. 46ನೇ ನಿಮಿಷದಲ್ಲಿ ಲ್ಯೂಕ್ ಶಾ ಅವರ ಫ್ರೀ ಕಿಕ್ನಲ್ಲಿ ಹೆಡರ್ ಮೂಲಕ ಹ್ಯಾರಿ ಮ್ಯಾಗ್ಯುರೆ ಗೋಲು ಗಳಿಸಿದರು. ನಾಲ್ಕು ನಿಮಿಷಗಳ ನಂತರ ಶಾ ಅವರ ಕ್ರಾಸ್ನಲ್ಲಿ ಹ್ಯಾರಿ ಕೇನ್ ಹೆಡರ್ ಮೂಲಕ ಚೆಂಡನ್ನು ಗುರಿ ಮುಟ್ಟಿಸಿದರು. ಜೋರ್ಡಾನ್ ಹೆಂಡೆರ್ಸನ್ 63ನೇ ನಿಮಿಷದಲ್ಲಿ ಮುನ್ನಡೆಯನ್ನು ಹೆಚ್ಚಿಸಿದರು.

. ಪ್ರೀ ಕ್ವಾರ್ಟರ್ ಫೈನಲ್ನಲ್ಲಿ ಹೆಚ್ಚುವರಿ ಅವಧಿಯಲ್ಲಿ ಸ್ವೀಡನ್ ವಿರುದ್ಧ 2–1ರಲ್ಲಿ ಜಯ ಗಳಿಸಿದ್ದ ಉಕ್ರೇನ್ ಮೊದಲಾರ್ಧದಲ್ಲಿ ಆಗಾಗ ಪ್ರತಿದಾಳಿಯ ಮೂಲಕ ಇಂಗ್ಲೆಂಡ್ಗೆ ಪೈಪೋಟಿ ನೀಡಿತ್ತು. ತಂಡಕ್ಕೆ ಗೋಲು ಗಳಿಸಲು ಸಾಕಷ್ಟು ಅವಕಾಶಗಳು ಸೃಷ್ಟಿಯಾಗಿದ್ದವು. ಆದರೆ ಅವುಗಳನ್ನು ಸದುಪಯೋಗಪಡಿಸಿಕೊಳ್ಳಲು ಇಂಗ್ಲೆಂಡ್ ಡಿಫೆಂಡರ್ಗಳು ಬಿಡಲಿಲ್ಲ.

. ಸೆಮಿಫೈನಲ್ ವೇಳಾಪಟ್ಟಿ

. ದಿನಾಂಕ; ತಂಡಗಳು; ಸ್ಥಳ: ಸಮಯ

. ಜು.6; ಇಟಲಿ–ಸ್ಪೇನ್; ಲಂಡನ್; 12.30

. ಜು.7; ಇಂಗ್ಲೆಂಡ್–ಡೆನ್ಮಾರ್ಕ್; ಲಂಡನ್; 12.30

. (ಸಮಯ ಭಾರತೀಯ ಕಾಲಮಾನ, ರಾತ್ರಿ)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯೂರೊ ಕಪ್: ಸೆಮಿಫೈನಲ್‌ಗೆ ಇಂಗ್ಲೆಂಡ್‌, ಡೆನ್ಮಾರ್ಕ್ ಎದುರಾಳಿ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಗಳಿಗೆ ಸಮಾನ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’