ಅಮೆರಿಕಾ ತಂಡಕ್ಕೆ ದಾಖಲೆ ಗೆಲುವು

ಭಾನುವಾರ, ಜೂನ್ 16, 2019
32 °C
ಮಹಿಳಾ ವಿಶ್ವಕಪ್‌: ಪ್ರಶಸ್ತಿ ಉಳಿಸಿಕೊಳ್ಳುವತ್ತ ಚಾಂಪಿಯನ್‌ ಚಿತ್ತ

ಅಮೆರಿಕಾ ತಂಡಕ್ಕೆ ದಾಖಲೆ ಗೆಲುವು

Published:
Updated:
Prajavani

ಪ್ಯಾರಿಸ್‌: ಹಾಲಿ ಚಾಂಪಿಯನ್‌ ಅಮೆರಿಕಾ ತಂಡ ಮಹಿಳಾ ವಿಶ್ವಕಪ್‌ ಫುಟ್‌ಬಾಲ್‌ ಟೂರ್ನಿಯಲ್ಲಿ ಪ್ರಶಸ್ತಿ ಉಳಿಸಿಕೊಳ್ಳುವತ್ತ ದಿಟ್ಟ ಹೆಜ್ಜೆ ಇಟ್ಟಿದೆ. ಮಂಗಳವಾರ ರಾತ್ರಿ ನಡೆದ ಪಂದ್ಯದಲ್ಲಿ ಥಾಯ್ಲೆಂಡ್‌ ತಂಡವನ್ನು 13–0 ಗೋಲುಗಳಿಂದ ಅಮೆರಿಕಾ ಮಣಿಸಿತು.ಮಹಿಳಾ ವಿಶ್ವಕಪ್ ಟೂರ್ನಿಯಲ್ಲಿ ಇದು ಗರಿಷ್ಠ ಅಂತರದ ಜಯ.

2007ರಲ್ಲಿ ಜರ್ಮನಿ ತಂಡವು ಅರ್ಜೆಂಟೀನಾ ವಿರುದ್ಧ 11–0 ಗೋಲುಗಳಿಂದ ಗೆದ್ದಿತ್ತು. ಈ ಪಂದ್ಯದಲ್ಲಿ ಅಮೆರಿಕಾ ತನ್ನ ಹಿಂದಿನ 7–0 ಗೆಲುವಿನ ದಾಖಲೆಯನ್ನು ಉತ್ತಮಪಡಿಸಿಕೊಂಡಿತು.

ರೇಮ್ಸ್‌ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಚಾಂಪಿಯನ್‌ ತಂಡವು ಪ್ರಥಮಾರ್ಧದಲ್ಲೇ 10 ಗೋಲು ಗಳಿಸಿ ಪಾರಮ್ಯ ಮೆರೆಯಿತು. ಅಮೆರಿಕಾ ಪರ ತಾರಾ ಆಟಗಾರ್ತಿ ಅಲೆಕ್ಸ್‌ ಮಾರ್ಗನ್‌ ಅವರು ಐದು ಗೋಲು ಬಾರಿಸಿ ಗಮನಸೆಳೆದರು. ರೋಸ್‌ ಲಾವೆಲ್ಲಾ ಹಾಗೂ ಸಮಂತಾ ಮೆವಿಸ್‌ ತಲಾ ಎರಡು ಗೋಲುಗಳ ಕೊಡುಗೆ ನೀಡಿದರು.

ಲಿಂಡ್ಸೆ ಹೊರಾನ್, ಮೆಗನ್‌ ರ‍್ಯಾಪಿನೊ, ಮ್ಯಾಲೊರಿ ಪುಗ್‌, ಕಾರ್ಲಿ ಲಾಯ್ಡ್‌ ತಲಾ ಒಂದು ಗೋಲು ಹೊಡೆದರು. ಮತ್ತೊಂದು ಪಂದ್ಯದಲ್ಲಿ ಸ್ವೀಡನ್‌ ತಂಡ ಚಿಲಿ ವಿರುದ್ಧ 2–0 ಅಂತರದಿಂದ ಜಯಿಸಿತು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !