ಅಖಿಲ ಭಾರತ ಫುಟ್ಬಾಲ್ ಫೆಡರೇಷನ್ (ಎಐಎಫ್ಎಫ್) 2018ರಲ್ಲಿ ಗೋಲ್ಡನ್ ಬೇಬಿ ಲೀಗ್ ಯೋಜನೆಯನ್ನು ಜಾರಿಗೆ ತಂದಿತ್ತು. ಲಿಂಗ, ಜಾತಿ, ಆರ್ಥಿಕ ಮತ್ತು ಸಾಮಾಜಿಕ ಸ್ಥಿತಿ ನೆಲೆಯನ್ನು ಮೀರಿ ಎಲ್ಲರಿಗೂ ಫುಟ್ಬಾಲ್ ಆಡಲು ಅವಕಾಶ ಸಿಗಬೇಕು ಎಂಬುದು ಈ ಯೋಜನೆಯ ಉದ್ದೇಶವಾಗಿತ್ತು. ಆರರಿಂದ 12 ವಯಸ್ಸಿನೊಳಗಿನವರಿಗೆ ಮಾತ್ರ ಟೂರ್ನಿಯಲ್ಲಿ ಆಡಲು ಅವಕಾಶ.ಮೇಘಾಲಯದ ಗುಡ್ಡಗಾಡು ಪ್ರದೇಶದಲ್ಲಿ ನಡೆಯುವ ಟೂರ್ನಿಗೆ ಹತ್ತಾರು ಕಿಲೋಮೀಟರ್ ದೂರದಿಂದ ಮಕ್ಕಳು ಬಂದಿದ್ದಾರೆ ಎಂದು ಎಐಎಫ್ಎಫ್ ವೆಬ್ಸೈಟ್ ವರದಿ ಮಾಡಿದೆ.