ಮುಂಬೈ: ಬೆಂಗಳೂರು ಎಫ್‌ಸಿ ತಂಡದ ಮಿಡ್‌ಫೀಲ್ಡರ್‌ ಜಯೇಶ್‌ ರಾಣೆ ಅವರು ಒಂದು ವರ್ಷದ ಅವಧಿಗೆ ಮುಂಬೈ ಸಿಟಿ ಎಫ್‌ಸಿ ತಂಡದ ಪರ ಆಡಲು ಒಪ್ಪಂದ ಮಾಡಿಕೊಂಡಿದ್ದಾರೆ.
30 ವರ್ಷದ ರಾಣೆ ಅವರು 2021–22ರ ಋತುವಿನಲ್ಲಿ ಬಿಎಫ್‌ಸಿ ತಂಡವನ್ನು ಸೇರಿಕೊಂಡಿದ್ದರು. ಇಂಡಿಯನ್‌ ಸೂಪರ್‌ ಲೀಗ್‌ನಲ್ಲಿ 103 ಪಂದ್ಯಗಳನ್ನು ಆಡಿರುವ ಅವರು ಅನುಭವಿ ಮಿಡ್‌ಫೀಲ್ಡರ್‌ ಎನಿಸಿಕೊಂಡಿದ್ದಾರೆ. ಒಪ್ಪಂದದ ಪ್ರಕಾರ ಅವರು 2023–24ರ ಋತುವಿನಲ್ಲಿ ಮುಂಬೈ ಪರ ಆಡಲಿದ್ದಾರೆ.
‘ಅನುಭವಿ ಆಟಗಾರ ಜಯೇಶ್‌, ತಂಡವನ್ನು ಸೇರಿಕೊಂಡಿರುವುದು ಸಂತಸ ಉಂಟುಮಾಡಿದೆ. ಅವರು ಮಿಡ್‌ಫೀಲ್ಡ್‌ ವಿಭಾಗಕ್ಕೆ ಬಲ ತುಂಬಲಿದ್ದಾರೆ’ ಎಂದು ಮುಂಬೈ ತಂಡದ ಮುಖ್ಯ ಕೋಚ್ ಡೆಸ್ ಬಕಿಂಗ್‌ಹ್ಯಾಂ ತಿಳಿಸಿದ್ದಾರೆ.
