ಮ್ಯಾಡ್ರಿಡ್: ಸ್ಪೇನ್ ತಂಡದ ಗೋಲ್ ಕೀಪರ್ ಪಾವು ಲೋಪೆಜ್ ಅವರು ಸೀರಿ ಎ ಫುಟ್ಬಾಲ್ ಸರಣಿಯಲ್ಲಿ ಆಡುವ ಪ್ರಮುಖ ತಂಡಗಳಲ್ಲಿ ಒಂದಾದ ರೋಮಾ ಜೊತೆ ಒಪ್ಪಂದ ಮಾಡಿಕೊಂಡಿದ್ದಾರೆ.
ರಿಯಲ್ ಬೆಟೀಸ್ ತಂಡದಲ್ಲಿದ್ದ ಲೋಪೆಜ್ ಐದು ವರ್ಷಗಳ ಅವಧಿಗೆ ರೋಮಾ ತಂಡದಲ್ಲಿರುತ್ತಾರೆ.
‘ರೋಮಾದಂಥ ಕ್ಲಬ್ನವರು ಕರೆದಾಗ ಹೋಗದೇ ಇರಲು ನನ್ನ ಮನಸ್ಸು ಒಪ್ಪಲಿಲ್ಲ. ಈ ಒಪ್ಪಂದವು ನನ್ನ ವೃತ್ತಿ ಜೀವನದಲ್ಲಿ ಮಹತ್ವದ ಬದಲಾವಣೆಗಳನ್ನು ತರುವ ಭರವಸೆ ಇದೆ’ ಎಂದು ಲೋಪೆಜ್ ಅಭಿಪ್ರಾಯಪಟ್ಟಿದ್ದಾರೆ.