ಸ್ಯಾಫ್ ಚಾಂಪಿಯನ್‌ಷಿಪ್‌: ಭಾರತ ತಂಡಕ್ಕೆ ಚಾಂಪಿಯನ್‌ ಪಟ್ಟ

ಬಿರಾತ್ನಗರ: ಟೂರ್ನಿಯ ಉದ್ದಕ್ಕೂ ಸಾಮರ್ಥ್ಯ ಮೆರೆದ ದಾಲಿಮಾ ಚಿಬ್ಬೇರ್ ಮತ್ತು ಡಂಗ್ಮಿ ಗ್ರೇಸ್ ಮತ್ತೊಮ್ಮೆ ತಮ್ಮ ಕಾಲ್ಚಳಕ ಪ್ರದರ್ಶಿಸಿದರು.

. ಇದರ ಪರಿಣಾಮವಾಗಿ ಭಾರತದ ಮಹಿಳಾ ತಂಡ ಆತಿಥೇಯ ನೇಪಾಳವನ್ನು ಮಣಿಸಿ ಪ್ರಶಸ್ತಿ ಗೆದ್ದಿತು.

. ಇಲ್ಲಿನ ಸಾಹಿದ್ ರಂಗಶಾಲಾ ಕ್ರೀಡಾಂಗಣದಲ್ಲಿ ಶುಕ್ರವಾರ ನಡೆದ ಸ್ಯಾಫ್ ಮಹಿಳೆಯರ ಫುಟ್ಬಾಲ್ ಚಾಂಪಿಯನ್ಷಿಪ್ನ ಫೈನಲ್ನಲ್ಲಿ ಎದುರಾಳಿಗಳನ್ನು 3–1ರಿಂದ ಸೋಲಿಸಿದ ಭಾರತ ಸತತ ಐದನೇ ಬಾರಿ ಪ್ರಶಸ್ತಿ ತನ್ನದಾಗಿಸಿಕೊಂಡಿತು. ಈ ಜಯದೊಂದಿಗೆ ಭಾರತ ನಿರಂತರ 23 ಪಂದ್ಯಗಳನ್ನು ಗೆದ್ದ ಸಾಧನೆಯನ್ನೂ ಮಾಡಿತು.

. ದಾಲಿಮಾ ಚಿಬ್ಬೇರ್ ಮತ್ತು ಡಂಗ್ಮಿ ಗ್ರೇಸ್ ಮತ್ತು ಬದಲಿ ಆಟಗಾರ್ತಿಯಾಗಿ ಕಣಕ್ಕೆ ಇಳಿದ ಅಂಜು ತಮಂಗ್ ಭಾರತದ ಪರ ಗೋಲು ಗಳಿಸಿದರು.

. ತವರಿನ ಪ್ರೇಕ್ಷಕರ ಬೆಂಬಲ ದೊಂದಿಗೆ ಕಣಕ್ಕೆ ಇಳಿದ ನೇಪಾಳ ಆರಂಭದಲ್ಲಿ ಭಾರತಕ್ಕೆ ಭಾರಿ ಪೈಪೋಟಿ ನೀಡಿತು.

. ಆದರೆ ಛಲದಿಂದ ಕಾದಾಡಿದ ಭಾರತದ ಆಟಗಾರ್ತಿಯರು ಪಟ್ಟು ಬಿಡದೆ ತಿರುಗೇಟು ನೀಡಲು ಸಜ್ಜಾದರು. ಹೀಗಾಗಿ ತಂಡಕ್ಕೆ ಕೆಲವು ಉತ್ತಮ ಅವಕಾಶಗಳು ಲಭಿಸಿದವು. ಎದುರಾಳಿ ತಂಡದ ಮಂಜಲಿ ಕುಮಾರ್ ಸತತವಾಗಿ ಭಾರತದ ಆವರಣಕ್ಕೆ ನುಗ್ಗಿ ಆತಂಕ ಸೃಷ್ಟಿಸಿದರು. ಆದರೆ ನಾಯಕಿ ಮತ್ತು ಗೋಲ್ ಕೀಪರ್ ಅದಿತಿ ಚೌಹಾಣ್ ಅವರನ್ನು ವಂಚಿಸಿ ಗೋಲು ಗಳಿಸಲು ಮಂಜಲಿಗೆ ಸಾಧ್ಯವಾಗಲಿಲ್ಲ.

. ಮೂರನೇ ನಿಮಿಷದಲ್ಲಿ ಭಾರತದ ಸಂಧ್ಯಾ ಎದುರಾಳಿ ಡಿಫೆಂಡರ್ಗಳನ್ನು ವಂಚಿಸಿ ಮುನ್ನುಗ್ಗಿದರು. ಕೊನೆಯ ಕ್ಷಣದಲ್ಲಿ ಚೆಂಡನ್ನು ಸಂಜುಗೆ ಪಾಸ್ ಮಾಡಿದರು. ಸಂಜು ಬಲವಾಗಿ ಒದ್ದರೂ ನೇಪಾಳದ ಗೋಲ್ಕೀಪರ್ ಅದನ್ನು ತಡೆದರು. ಮರು ಕ್ಷಣದಲ್ಲೇ ಸಾಬಿತ್ರ ಭಂಢಾರಿ ಭಾರತದ ಆವರಣದಲ್ಲಿ ಆಕ್ರಮಣಕ್ಕೆ ಮುಂದಾದರು. ಆದರೆ ಅವರ ಪ್ರಯತ್ನ ಫಲ ಕಾಣಲಿಲ್ಲ.

. ಸೆಮಿಫೈನಲ್ನಲ್ಲಿ ಬಾಂಗ್ಲಾದೇಶ ಎದುರು ಮೊದಲ ಗೋಲು ಗಳಿಸಿ ಭಾರತಕ್ಕೆ ಮುನ್ನಡೆ ತಂದುಕೊಟ್ಟ ಚಿಬ್ಬೇರ್ ಫೈನಲ್ನಲ್ಲೂ ಭಾರತದ ಖಾತೆ ತೆರೆದರು. 26ನೇ ನಿಮಿಷದಲ್ಲಿ ಲಭಿಸಿದ ಫ್ರೀ ಕಿಕ್ನಲ್ಲಿ ಅವರು ಚೆಂಡನ್ನು ಗುರಿ ಮುಟ್ಟಿಸಿದರು.

. ಆರು ನಿಮಿಷಗಳ ನಂತರ ರತನ್ಬಾಲಾ ದೇವಿ ಅವರಿಗೆ ಗೋಲು ಗಳಿಸಲು ಉತ್ತಮ ಅವಕಾಶ ಲಭಿಸಿತ್ತು. ಆದರೆ ನೇಪಾಳ ಗೋಲ್ಕೀಪರ್ ಚೆಂಡನ್ನು ತಡೆದು ನಿಟ್ಟುಸಿರು ಬಿಟ್ಟರು. ಆದರೆ 34ನೇ ನಿಮಿಷದಲ್ಲಿ ಸಬಿತ್ರಾ ಗೋಲು ಗಳಿಸಿ ನೇಪಾಳಕ್ಕೆ ಸಮಬಲ ತಂದುಕೊಟ್ಟರು.

. ಮತ್ತೆ ಆಕ್ರಮಣಕಾರಿ ಆಟ: ದ್ವಿತೀಯಾರ್ಧದಲ್ಲಿ ಭಾರತ ಮತ್ತಷ್ಟು ಆಕ್ರಮಣಕಾರಿ ಆಟಕ್ಕೆ ಮುಂದಾಯಿತು. ಸಂಜು ಮತ್ತು ರತನ್ಬಾಲಾ ದೇವಿ ಸತತವಾಗಿ ಅವಕಾಶಗಳನ್ನು ಸೃಷ್ಟಿಸಿದರು. 63ನೇ ನಿಮಿಷದಲ್ಲಿ ಗೋಲು ಗಳಿಸಿ ಗ್ರೇಸ್ ಮುನ್ನಡೆಯನ್ನು ತಂದುಕೊಟ್ಟರು. ಸಂಧ್ಯಾ ಬದಲಿಗೆ ಕಣಕ್ಕೆ ಇಳಿದ ಅಂಜು 78ನೇ ನಿಮಿಷದಲ್ಲಿ ಚೆಂಡನ್ನು ಗುರಿ ಮುಟ್ಟಿಸಿ ಭಾರತದ ಪಾಳಯದಲ್ಲಿ ಸಂಭ್ರಮ ಮೂಡಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸ್ಯಾಫ್ ಚಾಂಪಿಯನ್‌ಷಿಪ್‌: ಭಾರತ ತಂಡಕ್ಕೆ ಚಾಂಪಿಯನ್‌ ಪಟ್ಟ

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಚುರುಮುರಿ | ಬದಲಾವಣೆ ಕ್ರಾಂತಿ!

ಟೆಸ್ಟ್, ಏಕದಿನ ಮಾದರಿಯಲ್ಲಿ ದ್ವಿಶತಕ: ಸಚಿನ್, ಸೆಹ್ವಾಗ್, ರೋಹಿತ್ ಸಾಲಿಗೆ ಗಿಲ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಚುರುಮುರಿ | ಬದಲಾವಣೆ ಕ್ರಾಂತಿ!