ಬೆಂಗಳೂರು: ಸಾಂಘಿಕ ಆಟವಾಡಿದ ಕೇರಳದ ವನಿತೆಯರು 28ನೇ ಸೀನಿಯರ್ ಮಹಿಳೆಯರ ರಾಷ್ಟ್ರೀಯ ಫುಟ್ಬಾಲ್ ಚಾಂಪಿಯನ್ಷಿಪ್ನ ‘ಸಿ’ ಗುಂಪಿನ ಪಂದ್ಯದಲ್ಲಿ 3–2 ರಿಂದ ಕರ್ನಾಟಕ ತಂಡವನ್ನು ಮಣಿಸಿದರು.
ಗುರುವಾರ ನಡೆದ ಪಂದ್ಯದಲ್ಲಿ ಎಂ.ಪಿ. ಗ್ರೇಷ್ಮಾ (7ನೇ ನಿ), ಕೆ. ಮಾನಸಾ (40ನೇ), ಆರ್. ಆಭರಣಿ ಅವರು ಕೇರಳದ ಪರ ಗೋಲು ದಾಖಲಿಸಿದರು. ಕರ್ನಾಟಕದ ಪರ ರೋಸಿ ತಂಗಾ (42, 67ನೇ) ಎರಡು ಬಾರಿ ಚೆಂಡನ್ನು ಗುರಿ ಸೇರಿಸಿದರು.
ಇತರ ಪಂದ್ಯದಲ್ಲಿ ಚಂಡೀಗಢ 2–0 ಯಿಂದ ತ್ರಿಪುರ ತಂಡವನ್ನು, ಸಿಕ್ಕಿಂ 3–0 ಯಿಂದ ಅಸ್ಸಾಂ ತಂಡವನ್ನು ಮಣಿಸಿದವು.