<p><strong>ಅಕ್ ರಯಾನ್ (ರಾಯಿಟರ್ಸ್): </strong>ಫ್ರೆಂಚ್ ಮೂಲದ ವಹಾಬಿ ಖಾಜ್ರಿ ಬುಧವಾರ ಎಜುಕೇಷನ್ ಸಿಟಿ ಕ್ರೀಡಾಂಗಣದಲ್ಲಿ ಗಳಿಸಿದ ಏಕೈಕ ಗೋಲಿನಿಂದಾಗಿ ಟುನೀಷಿಯಾ ತಂಡವು ‘ಹಾಲಿ ಚಾಂಪಿಯನ್’ ಫ್ರಾನ್ಸ್ಗೆ ಸೋಲಿನ ಆಘಾತ ನೀಡಿತು.</p>.<p>ಆದರೆ ಈ ಅಮೋಘ ಜಯ ಗಳಿಸಿದ ನಂತರವೂ ಟುನೀಷಿಯಾ ತಂಡಕ್ಕೆ ನಾಕೌಟ್ ಪ್ರವೇಶಿಸಲು ಸಾಧ್ಯವಾಗಲಿಲ್ಲ. ಡಿ ಗುಂಪಿನ ಮೊದಲೆರಡು ಪಂದ್ಯಗಳಲ್ಲಿ ಗೆದ್ದಿದ್ದ ಫ್ರಾನ್ಸ್ ಪಡೆಯು ಈಗಾಗಲೇ 16ರ ಘಟ್ಟ ಪ್ರವೇಶಿಸಿದೆ.</p>.<p>ಪಂದ್ಯದ 58ನೇ ನಿಮಿಷದಲ್ಲಿ ವಹಾಬಿ ಅವರು ಗಳಿಸಿದ ಗೋಲು ಅಮೋಘವಾಗಿತ್ತು. ವಹಾಬಿ ಅವರು ಫ್ರಾನ್ಸ್ನಲ್ಲಿ ಜನಿಸಿದವರು. ಸದ್ಯ ಟುನೀಷಿಯಾ ತಂಡವನ್ನು ಪ್ರತಿನಿಧಿಸುತ್ತಿದ್ದಾರೆ.</p>.<p>ಇಡೀ ಪಂದ್ಯದಲ್ಲಿ ಟುನೀಷಿಯಾದ ರಕ್ಷಣಾ ಆಟಗಾರರ ಪಡೆಯು ಉತ್ತಮವಾಗಿ ಆಡಿತು. ಅದರಿಂದಾಗಿ ಫ್ರಾನ್ಸ್ ಆಟಗಾರರಿಗೆ ಒಂದೂ ಗೋಲು ಗಳಿಸಲು ಸಾಧ್ಯವಾಗಲಿಲ್ಲ.</p>.<p>16ರ ಹಂತಕ್ಕೆ ಆಸ್ಟ್ರೇಲಿಯಾ</p>.<p>ಅಲ್ ವಾಕ್ರಾ(ರಾಯಿಟರ್ಸ್): ಆಸ್ಟ್ರೇಲಿಯಾ ತಂಡವು 16 ವರ್ಷಗಳ ನಂತರ ಫಿಫಾ ವಿಶ್ವಕಪ್ ಟೂರ್ನಿಯ 16ರ ಘಟ್ಟವನ್ನು ಪ್ರವೇಶಿಸಿತು.</p>.<p>ಬುಧವಾರ ಅಲ್ ಜನಾಬ್ ಕ್ರೀಡಾಂಗಣದಲ್ಲಿ ನಡೆದ ಡಿ ಗುಂಪಿನ ಪಂದ್ಯದಲ್ಲಿ ಆಸ್ಟ್ರೇಲಿಯಾ 1–0ಯಿಂದ ಡೆನ್ಮಾರ್ಕ್ ತಂಡವನ್ನು ಸೋಲಿಸಿತು. ಇದರೊಂದಿಗೆ ಗುಂಪಿನಲ್ಲಿ ಎರಡನೇ ಸ್ಥಾನ ಪಡೆದು ನಾಕೌಟ್ಗೆ ರಹದಾರಿ ಪಡೆಯಿತು.</p>.<p>ಆರಂಭದಿಂದಲೂ ಉಭಯ ಆಟಗಾರರು ಜಿದ್ದಾಜಿದ್ದಿನ ಹೋರಾಟ ನಡೆಸಿದರು. ಇದರಿಂದಾಗಿ ಮೊದಲ ಒಂದು ತಾಸಿನಲ್ಲಿ ಒಂದೂ ಗೋಲು ದಾಖಲಾಗಲಿಲ್ಲ. ಆದರೆ 60ನೇ ನಿಮಿಷದಲ್ಲಿ ಆಸ್ಟ್ರೇಲಿಯಾದ ಮ್ಯಾಥ್ಯೂ ಲಾಕಿ ತೋರಿದ ಕಾಲ್ಚಳಕ ಸಫಲವಾಯಿತು.</p>.<p>ಡೆನ್ಮಾರ್ಕ್ನ ರಕ್ಷಣಾ ಪಡೆಯನ್ನು ಮೀರಿ ನಿಂತರು. ನಂತರದ ಅವಧಿಯಲ್ಲಿ ಉಭಯ ತಂಡಗಳಿಂದ ಗೋಲುಗಳು ದಾಖಲಾಗಲಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಕ್ ರಯಾನ್ (ರಾಯಿಟರ್ಸ್): </strong>ಫ್ರೆಂಚ್ ಮೂಲದ ವಹಾಬಿ ಖಾಜ್ರಿ ಬುಧವಾರ ಎಜುಕೇಷನ್ ಸಿಟಿ ಕ್ರೀಡಾಂಗಣದಲ್ಲಿ ಗಳಿಸಿದ ಏಕೈಕ ಗೋಲಿನಿಂದಾಗಿ ಟುನೀಷಿಯಾ ತಂಡವು ‘ಹಾಲಿ ಚಾಂಪಿಯನ್’ ಫ್ರಾನ್ಸ್ಗೆ ಸೋಲಿನ ಆಘಾತ ನೀಡಿತು.</p>.<p>ಆದರೆ ಈ ಅಮೋಘ ಜಯ ಗಳಿಸಿದ ನಂತರವೂ ಟುನೀಷಿಯಾ ತಂಡಕ್ಕೆ ನಾಕೌಟ್ ಪ್ರವೇಶಿಸಲು ಸಾಧ್ಯವಾಗಲಿಲ್ಲ. ಡಿ ಗುಂಪಿನ ಮೊದಲೆರಡು ಪಂದ್ಯಗಳಲ್ಲಿ ಗೆದ್ದಿದ್ದ ಫ್ರಾನ್ಸ್ ಪಡೆಯು ಈಗಾಗಲೇ 16ರ ಘಟ್ಟ ಪ್ರವೇಶಿಸಿದೆ.</p>.<p>ಪಂದ್ಯದ 58ನೇ ನಿಮಿಷದಲ್ಲಿ ವಹಾಬಿ ಅವರು ಗಳಿಸಿದ ಗೋಲು ಅಮೋಘವಾಗಿತ್ತು. ವಹಾಬಿ ಅವರು ಫ್ರಾನ್ಸ್ನಲ್ಲಿ ಜನಿಸಿದವರು. ಸದ್ಯ ಟುನೀಷಿಯಾ ತಂಡವನ್ನು ಪ್ರತಿನಿಧಿಸುತ್ತಿದ್ದಾರೆ.</p>.<p>ಇಡೀ ಪಂದ್ಯದಲ್ಲಿ ಟುನೀಷಿಯಾದ ರಕ್ಷಣಾ ಆಟಗಾರರ ಪಡೆಯು ಉತ್ತಮವಾಗಿ ಆಡಿತು. ಅದರಿಂದಾಗಿ ಫ್ರಾನ್ಸ್ ಆಟಗಾರರಿಗೆ ಒಂದೂ ಗೋಲು ಗಳಿಸಲು ಸಾಧ್ಯವಾಗಲಿಲ್ಲ.</p>.<p>16ರ ಹಂತಕ್ಕೆ ಆಸ್ಟ್ರೇಲಿಯಾ</p>.<p>ಅಲ್ ವಾಕ್ರಾ(ರಾಯಿಟರ್ಸ್): ಆಸ್ಟ್ರೇಲಿಯಾ ತಂಡವು 16 ವರ್ಷಗಳ ನಂತರ ಫಿಫಾ ವಿಶ್ವಕಪ್ ಟೂರ್ನಿಯ 16ರ ಘಟ್ಟವನ್ನು ಪ್ರವೇಶಿಸಿತು.</p>.<p>ಬುಧವಾರ ಅಲ್ ಜನಾಬ್ ಕ್ರೀಡಾಂಗಣದಲ್ಲಿ ನಡೆದ ಡಿ ಗುಂಪಿನ ಪಂದ್ಯದಲ್ಲಿ ಆಸ್ಟ್ರೇಲಿಯಾ 1–0ಯಿಂದ ಡೆನ್ಮಾರ್ಕ್ ತಂಡವನ್ನು ಸೋಲಿಸಿತು. ಇದರೊಂದಿಗೆ ಗುಂಪಿನಲ್ಲಿ ಎರಡನೇ ಸ್ಥಾನ ಪಡೆದು ನಾಕೌಟ್ಗೆ ರಹದಾರಿ ಪಡೆಯಿತು.</p>.<p>ಆರಂಭದಿಂದಲೂ ಉಭಯ ಆಟಗಾರರು ಜಿದ್ದಾಜಿದ್ದಿನ ಹೋರಾಟ ನಡೆಸಿದರು. ಇದರಿಂದಾಗಿ ಮೊದಲ ಒಂದು ತಾಸಿನಲ್ಲಿ ಒಂದೂ ಗೋಲು ದಾಖಲಾಗಲಿಲ್ಲ. ಆದರೆ 60ನೇ ನಿಮಿಷದಲ್ಲಿ ಆಸ್ಟ್ರೇಲಿಯಾದ ಮ್ಯಾಥ್ಯೂ ಲಾಕಿ ತೋರಿದ ಕಾಲ್ಚಳಕ ಸಫಲವಾಯಿತು.</p>.<p>ಡೆನ್ಮಾರ್ಕ್ನ ರಕ್ಷಣಾ ಪಡೆಯನ್ನು ಮೀರಿ ನಿಂತರು. ನಂತರದ ಅವಧಿಯಲ್ಲಿ ಉಭಯ ತಂಡಗಳಿಂದ ಗೋಲುಗಳು ದಾಖಲಾಗಲಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
