ಬೆಂಗಳೂರು: ಕರ್ನಾಟಕದ ಬಿ.ಆರ್‌. ನಿಕ್ಷೇಪ್‌ ಮಹಾರಾಷ್ಟ್ರದ ಪಂಚಗಣಿಯಲ್ಲಿ ನಡೆಯುತ್ತಿರುವ ಎಐಟಿಎ ಟೆನಿಸ್‌ ಟೂರ್ನಿಯಲ್ಲಿ ಗುಜರಾತ್‌ನ ಭಾರ್ಗವ್‌ ಪಟೇಲ್‌ ಅವರನ್ನು ನೇರ ಸೆಟ್‌ಗಳಿಂದ ಮಣಿಸಿ ಸೆಮಿ ಫೈನಲ್‌ಗೆ ಪ್ರವೇಶಿಸಿದರು.
ಬುಧವಾರ ನಡೆದ ಪುರುಷರ ಸಿಂಗಲ್ಸ್‌ ವಿಭಾಗದ ಪಂದ್ಯದಲ್ಲಿ ನಿಕ್ಷೇಪ್‌ 6–2, 6–4ರಿಂದ ಭಾರ್ಗವ್‌ ಅವರನ್ನು ಸೋಲಿಸಿದರು.
ಪುರುಷರ ಡಬಲ್ಸ್‌ ವಿಭಾಗದಲ್ಲಿ ನಿಕ್ಷೇಪ್‌ ಮತ್ತು ಅಲೆಕ್ಸ್‌ ಸೋಲಂಕಿ ಜೋಡಿಯು 6–3, 7–5ರಿಂದ ಅನುರಾಗ್‌ ನೆನ್ವಾನಿ–ಯಶ್‌ ಯಾದವ್‌ ಜೋಡಿಯನ್ನು ಮಣಿಸಿ ಫೈನಲ್‌ಗೆ ಪ್ರವೇಶಿಸಿದರು.
