ಫೆಡರೇಷನ್ ಕಪ್‌: ಅನಿಮೇಶ್ ಕುಜೂರ್‌ ರಾಷ್ಟ್ರೀಯ ದಾಖಲೆ

ಕೊಚ್ಚಿ : ಮಿಂಚಿನ ಓಟದ ಪ್ರದರ್ಶನ ನೀಡಿದ ಒಡಿಶಾದ ಸ್ಪ್ರಿಂಟರ್ ಅನಿಮೇಶ್ ಕುಜೂರ್ ಅವರು ಫೆಡರೇಷನ್ ಕಪ್ ಸೀನಿಯರ್ ರಾಷ್ಟ್ರೀಯ ಅಥ್ಲೆಟಿಕ್ ಸ್ಪರ್ಧೆಗಳ 200 ಮೀ. ಓಟವನ್ನು ಗುರುವಾರ 20.40 ಸೆಕೆಂಡುಗಳಲ್ಲಿ ಪೂರೈಸಿ ರಾಷ್ಟ್ರೀಯ ದಾಖಲೆ ಮುರಿದರು.

. ಈ ಹಿಂದೆ 100 ಮೀ. ಓಟದಲ್ಲಿ ಬೆಳ್ಳಿ ಪದಕ ಗೆದ್ದಿದ್ದ 21 ವರ್ಷ ವಯಸ್ಸಿನ ಕುಜೂರ್, ಕೂಟದ ಅಂತಿಮ ದಿನ ಅತ್ಯಮೋಘ ಓಟ ಓಡಿ, 2022ರಲ್ಲಿ ತೇನಿಪ್ಪಾಲಂನಲ್ಲಿ ಆಮ್ಲನ್ ಬೋರ್ಗೊಹೈನ್ ಸ್ಥಾಪಿಸಿದ್ದ 20.52 ಸೆ.ಗಳ ದಾಖಲೆ ಮುರಿದರು.

. ರಿಲಯನ್ಸ್ ತಂಡ ಪ್ರತಿನಿಧಿಸುತ್ತಿರುವ ಬೊರ್ಗೊಹೈನ್ 20.80 ಸೆ.ಗಳಲ್ಲಿ ಓಟ ಕ್ರಮಿಸಿ ಎರಡನೇ ಸ್ಥಾನ ಪಡೆದರು. ತಮಿಳುನಾಡಿನ ರಾಹುಲ್ ಕುಮಾರ್ (20.85) ಮೂರನೇಯವರಾದರು.

. ಏಷ್ಯಾದಲ್ಲಿ ಇದು ಈ ವರ್ಷದ ಶ್ರೇಷ್ಠ ಓಟವೆನಿಸಿತು. ಆದರೆ ಕುಜೂರ್ ಅವರಿಗೆ ವಿಶ್ವ ಚಾಂಪಿಯನ್ಷಿಪ್ ಅರ್ಹತಾ ಮಟ್ಟ (20.16 ಸೆ.) ತಪ್ಪಿಹೋಯಿತು. ಆದರೆ ಏಷ್ಯನ್ ಚಾಂಪಿಯನ್ಷಿಪ್ಗೆ ಎಎಫ್ಐ ನಿಗದಿಪಡಿಸಿದ 20.53 ಸೆ.ಗಳ ಮಾನದಂಡವನ್ನು ತಲುಪುವುದು ಕಷ್ಟವಾಗಲಿಲ್ಲ.

. ದಾಖಲೆ ಸರಿಗಟ್ಟಿದ ಚಿತ್ರವೇಲ್:

. ಪುರುಷರ ಟ್ರಿಪಲ್ ಜಂಪ್ನಲ್ಲಿ ಪ್ರವೀಣ್ ಚಿತ್ರವೇಲ್ 17.37 ಮೀ. ಜಿಗಿದು ತಮ್ಮದೇ ರಾಷ್ಟ್ರೀಯ ದಾಖಲೆ ಸರಿಗಟ್ಟಿದರು. ಜೊತೆಯಲ್ಲೇ, ಈ ವರ್ಷದ ಸೆಪ್ಟೆಂಬರ್ನಲ್ಲಿ ಟೋಕಿಯೊದಲ್ಲಿ ನಡೆಯಲಿರುವ ವಿಶ್ವ ಅಥ್ಲೆಟಿಕ್ ಚಾಂಪಿಯನ್ಷಿಪ್ಗೂ ಅರ್ಹತೆ ಪಡೆದರು. ಈ ಕೂಟಕ್ಕೆ 17.22 ಮೀ. ಅರ್ಹತಾ ಮಟ್ಟ ನಿಗದಿ ಆಗಿತ್ತು.

. ಜಿಂದಾಲ್ ಸಂಸ್ಥೆ ಪ್ರತಿನಿಧಿಸುತ್ತಿರುವ 23 ವರ್ಷ ವಯಸ್ಸಿನ ಚಿತ್ರವೇಲ್ ಈ ಹಿಂದೆ 2023ರ ಮೇ ತಿಂಗಳಲ್ಲಿ ಕ್ಯೂಬಾದ ಹವಾನಾದಲ್ಲಿ 17.37 ಮೀ. ಜಿಗಿದಿದ್ದರು.

. ಈ ಚಾಂಪಿಯನ್ಷಿಪ್ನಲ್ಲಿ ತಮ್ಮ ಮೂರನೇ ಯತ್ನದಲ್ಲೇ ತಂಜಾವೂರಿನ ಜಿಗಿತಗಾರ ದಾಖಲೆ ಸರಿಗಟ್ಟಿದರು.

. ವಾಯುಪಡೆಯ ಅಬ್ದುಲ್ಲಾ ಅಬೂಬಕ್ಕರ್ (16.99 ಮೀ.) ಮತ್ತು ಜಿಂದಾಲ್ನ ಮೊಹಮ್ಮದ್ ಮುಹಸ್ಸಿನ್ (16.28) ಕ್ರಮವಾಗಿ ಬೆಳ್ಳಿ ಮತ್ತು ಕಂಚಿನ ಪದಕ ತಮ್ಮದಾಗಿಸಿಕೊಂಡರು.

. ಕಳೆದ ವರ್ಷದ ಬಹುತೇಕ ಅವಧಿಯಲ್ಲಿ ಪರದಾಡಿದ್ದ ಚಿತ್ರವೇಲ್ ಒಮ್ಮೆ ಮಾತ್ರ 17 ಮೀ.ಗಳ ಗಡಿ ದಾಟಿದ್ದರು.

. ಈ ವರ್ಷ ಚಿತ್ರವೇಲ್, ಉತ್ತರಾಖಂಡದಲ್ಲಿ ನಡೆದ ರಾಷ್ಟ್ರೀಯ ಕ್ರೀಡೆಗಳಲ್ಲಿ 16.50 ಮೀ.ಗಳ ಸಾಧಾರಣ ಜಿಗಿತದಲ್ಲಿ ಚಿನ್ನ ಗೆದ್ದಿದ್ದರು. ಬೆಂಗಳೂರಿನಲ್ಲಿ ಕಳೆದ ತಿಂಗಳು ನಡೆದ ರಾಷ್ಟ್ರೀಯ ಜಂಪ್ಸ್ ಸ್ಪರ್ಧೆಯಲ್ಲಿ 17.13 ಮೀ. ಜಿಗಿದು ಗಮನ ಸೆಳೆದಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಫೆಡರೇಷನ್ ಕಪ್‌: ಅನಿಮೇಶ್ ಕುಜೂರ್‌ ರಾಷ್ಟ್ರೀಯ ದಾಖಲೆ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

Wimbledon: ಜೊಕೊವಿಚ್‌, ಅಲ್ಕರಾಜ್‌ ಮುನ್ನಡೆ

IND vs ENG 2nd Test: ಗಿಲ್ ಅಮೋಘ ದ್ವಿಶತಕ; ಭಾರತ 587ಕ್ಕೆ ಆಲೌಟ್

ರೇಬಿಸ್‌: ಕಬಡ್ಡಿ ಆಟಗಾರ ಸಾವು

ವಿಶ್ವ ಬಾಕ್ಸಿಂಗ್ ಕಪ್: ಪದಕ ಖಚಿತಪಡಿಸಿಕೊಂಡ ಹಿತೇಶ್‌, ಸಾಕ್ಷಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ