ಏಷ್ಯನ್‌ ಕೂಟಕ್ಕೆ ರಾಜ್ಯದ ಚೇತನ್‌

ರಾಷ್ಟ್ರೀಯ ಸೀನಿಯರ್‌ ಅಥ್ಲೆಟಿಕ್ಸ್‌ ಚಾಂಪಿಯನ್‌ಷಿಪ್‌ನ ಪುರುಷರ ಹೈಜಂಪ್‌ ಸ್ಪರ್ಧೆಯಲ್ಲಿ ಚಿನ್ನದ ಪದಕ ಗೆದ್ದು ಅವರು ಈ ಸಾಧನೆ ಮಾಡಿದ್ದಾರೆ.

ಗುರುವಾರ ನಡೆದ ಸ್ಪರ್ಧೆಯಲ್ಲಿ ಚೇತನ್‌ 2.25 ಮೀಟರ್ಸ್‌ ಎತ್ತರ ಜಿಗಿದರು.

ಏಷ್ಯನ್‌ ಕೂಟಕ್ಕೆ ಅರ್ಹತೆ ಗಳಿಸಲು ಇಷ್ಟೇ (2.25ಮೀ.) ಮಾನದಂಡ ನಿಗದಿ ಮಾಡಲಾಗಿತ್ತು.

ಕ್ಯಾತಿಗೆ ಚಿನ್ನ: ಮಹಿಳೆಯರ ಪೋಲ್‌ವಾಲ್ಟ್‌ ಸ್ಪರ್ಧೆಯಲ್ಲಿ ಕರ್ನಾ ಟಕದ ಕ್ಯಾತಿ ವಖಾರಿಯಾ ಚಿನ್ನದ ಪದಕಕ್ಕೆ ಮುತ್ತಿಕ್ಕಿದರು. ಅವರು 4.00 ಮೀಟರ್ಸ್‌ ಸಾಮರ್ಥ್ಯ ತೋರಿದರು.

ಮಹಿಳೆಯರ 4X100 ಮೀಟರ್ಸ್‌ ರಿಲೇ ಸ್ಪರ್ಧೆಯಲ್ಲಿ ಕರ್ನಾಟಕ ಚಿನ್ನದ ಪದಕ ಗೆದ್ದಿತು.

ಅಪ್ಸಾನ ಬೇಗಂ, ರೀನಾ ಜಾರ್ಜ್‌, ಪಿ.ಜೆ.ಸ್ನೇಹಾ ಮತ್ತು ಪ್ರಜ್ಞಾ ಎಸ್‌ ಪ್ರಕಾಶ್‌ ಅವರಿದ್ದ ತಂಡ 46.12 ಸೆಕೆಂಡುಗಳಲ್ಲಿ ಅಂತಿಮ ರೇಖೆ ಮುಟ್ಟಿತು.

ಜಾವಲಿನ್‌ ಥ್ರೋ ಸ್ಪರ್ಧಿ ಶಿವಪಾಲ್‌ ಸಿಂಗ್‌ ಮತ್ತು ಅನುಭವಿ ಸ್ಟೀಫಲ್‌ಚೇಸ್‌ ಸ್ಪರ್ಧಿ ಸುಧಾ ಸಿಂಗ್ ಅವರೂ ಏಷ್ಯನ್‌ ಕೂಟಕ್ಕೆ ಅರ್ಹತೆ ಗಳಿಸಿದರು.