ಕಳಂಕಿತ ಕೋಚ್‌ಗೆ ಹೊಣೆ: ಇಎಫ್‌ಐ ಕ್ರಮಕ್ಕೆ ಆಕ್ಷೇಪ

ನವದೆಹಲಿ : ಲೈಂಗಿಕ ಕಿರುಕುಳದ ಆರೋಪ ಎದುರಿಸುತ್ತಿರುವ ಕರ್ನಲ್ (ನಿವೃತ್ತ) ತರ್ಸೆಮ್ ಸಿಂಗ್ ವಾರೈಚ್ ಅವರನ್ನು ಹೊರದೇಶದಲ್ಲಿ ನಡೆಯಲಿರುವ ಟೂರ್ನಿಗೆ ಭಾರತ ಇಕ್ವೆಸ್ಟ್ರಿಯನ್ (ಅಶ್ವಾರೋಹಿ) ತಂಡದ ತರಬೇತುದಾರರಾಗಿ ಹೆಸರಿಸಿರುವ ಭಾರತ ಇಕ್ವೆಸ್ಟ್ರಿಯನ್ ಫೆಡರೇಷನ್ನ (ಇಎಫ್ಐ) ಕ್ರಮ ವಿವಾದಕ್ಕೆ ಎಡೆಮಾಡಿದೆ.

. ಜೋರ್ಡಾನ್ನಲ್ಲಿ ಇದೇ 29 ರಿಂದ 31ರವರೆಗೆ ನಡೆಯಲಿರುವ ಅಂತರರಾಷ್ಟ್ರೀಯ ಟೆಂಟ್ ಪೆಗ್ಗಿಂಗ್ ಫೆಡರೇಷನ್ (ಐಟಿಪಿಎಫ್) ವಿಶ್ವಕಪ್ ಅರ್ಹತಾ ಟೂರ್ನಿಗೆ ತರ್ಸೆಮ್ ಅವರನ್ನು ಕೋಚ್ –ಕಂ–ಮ್ಯಾನೇಜರ್ ಆಗಿ ಫೆಡರೇಷನ್ ನೇಮಕ ಮಾಡಿದೆ. ತರ್ಸೆಮ್ ಅವರು ಇಎಫ್ಐ ಕಾರ್ಯಕಾರಿ ಮಂಡಳಿ ಸದಸ್ಯರಾಗಿದ್ದಾರೆ.

. ರಾಷ್ಟ್ರೀಯ ಕ್ರೀಡಾ ಅಭಿವೃದ್ಧಿ ಸಂಹಿತೆಯಡಿ (2011) ಆಡಳಿತ ಮತ್ತು ನಿಯಮ ಪಾಲನೆ ಮಾಡಲು ವಿಫಲವಾಗಿರುವುದಕ್ಕೆ ಸಂಬಂಧಿಸಿ ಕೇಂದ್ರ ಕ್ರೀಡಾ ಸಚಿವಾಲಯ ಬುಧವಾರ ಷೋಕಾಸ್ ನೋಟಿಸ್ ನೀಡಿರುವ ಮಧ್ಯೆಯೇ ಈ ಬೆಳವಣಿಗೆ ನಡೆದಿದೆ.

. ತರ್ಸೆಮ್ ಅವರನ್ನು ಕೋಚ್ ಆಗಿ ಕಳುಹಿಸಿರುವ ಕ್ರಮ ಖಂಡಿಸಿ ಅಶ್ವಾರೋಹಿ ಜೂನಿಯರ್ ಸ್ಪರ್ಧಿಯೊಬ್ಬರ ತಂದೆ, ಐಟಿಪಿಎಫ್ಗೆ ಪತ್ರ ಬರೆದಿದ್ದಾರೆ. ತರ್ಸೆಮ್ ವಿರುದ್ಧ ಇಬ್ಬರು ಮಹಿಳೆಯರು ಲೈಂಗಿಕ ಪೀಡನೆಯ ದೂರು ನೀಡಿದ್ದು, ಈ ಸಂಬಂಧ ಸೋನಿಪತ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

. ಪ್ರಕರಣ ಗಂಭೀರವಾಗಿದ್ದು, ಆರೋಪಿ ಜಾಮೀನಿನ ಮೇಲೆ ಬಿಡುಗಡೆಯಾಗಿರುವ ವೇಳೆ ಕ್ರೀಡಾ ಅಧಿಕಾರಿಗಳ ಅವರನ್ನು ದೇಶದಿಂದ ಹೊರಗೆ ಪ್ರಯಾಣಿಸಲು ಅವಕಾಶ ನೀಡಿರುವುದು ಹೇಗೆ ಎಂದು ಅವರು ಪತ್ರದಲ್ಲಿ ಪ್ರಶ್ನಿಸಿದ್ದಾರೆ.

. ಇದಕ್ಕೆ ಪ್ರತಿಕ್ರಿಯಿಸಿರುವ ಐಟಿಪಿಎಫ್, ಈ ಸಂಬಂಧ ಸೂಕ್ತ ಕ್ರಮ ಕೈಗೊಳ್ಳುವಂತೆ ಭಾರತ ಇಕ್ವೆಸ್ಟ್ರಿಯನ್ ಫೆಡರೇಷನ್ಗೆ ಸೂಚಿಸಿದೆ.

. ‘ನನ್ನ ಪ್ರಯಾಣಕ್ಕೆ ಅಥವಾ ಕರ್ತವ್ಯ ನಿರ್ವಹಣೆಗೆ ನ್ಯಾಯಾಲಯ ತಡೆ ನೀಡಿಲ್ಲ. ಇಎಫ್ಐ ಕಾರ್ಯಕಾರಿ ಸಮಿತಿ ನನಗೆ ಪ್ರಯಾಣಿಸಲು ಹೇಳಿದ್ದು, ನಾನು ಇಲ್ಲಿಗೆ ಬಂದಿದ್ದೇನೆ’ ಎಂದು ಅವರು ಜೋರ್ಡಾನ್ನಿಂದ ಪಿಟಿಐಗೆ ತಿಳಿಸಿದ್ದಾರೆ. ‘ಇದು ಸುಳ್ಳು ದೂರು’ ಎಂದೂ ಹೇಳಿದ್ದಾರೆ.

. ಈ ಬಗ್ಗೆ ಇಎಫ್ಐ ಹಂಗಾಮಿ ಅಧ್ಯಕ್ಷ ಜಗತ್ ಸಿಂಗ್ ಅವರ ಪ್ರತಿಕ್ರಿಯೆ ಪಡೆಯಲು ಯತ್ನಿಸಿದರೂ ಅವರು ಕರೆ ಸ್ವೀಕರಿಸಲಿಲ್ಲ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಳಂಕಿತ ಕೋಚ್‌ಗೆ ಹೊಣೆ: ಇಎಫ್‌ಐ ಕ್ರಮಕ್ಕೆ ಆಕ್ಷೇಪ

ಚಿನಕುರುಳಿ ಕಾರ್ಟೂನು: ಗುರುವಾರ, 29 ಜನವರಿ 2026

ಗುಂಡಣ್ಣ; ಬುಧವಾರ 29, 2026

ಚುರುಮುರಿ: ಪೊಲಿಟಿಷಿಯನ್‌ ಪೆಂಗ್ವಿನ್!

ವಿಮಾನ ದುರಂತಕ್ಕೂ ಮೊದಲೇ ಅಜಿತ್ ಪವಾರ್ ಸಾವಿನ ಅಪ್‌ಡೇಟ್? ಅಸಲಿ ವಿಷಯವೇ ಬೇರೆ!