<p><strong>ಬೆಂಗಳೂರು</strong>: ಐದು ತಿಂಗಳ ಗರ್ಭಿಣಿಯೊಬ್ಬರು ಬೆಂಗಳೂರು ಟಿಸಿಎಸ್ 10ಕೆಯನ್ನು ಕೇವಲ 62 ನಿಮಿಷಗಳಲ್ಲಿ ಪೂರ್ಣಗೊಳಿಸಿ ಹಲವರಿಗೆ ಸ್ಫೂರ್ತಿಯಾಗಿದ್ದಾರೆ. ನಗರದ ಅಂಕಿತಾ ಗೌರ್ ಭಾನುವಾರ (ಡಿ.20) ಈ ಸಾಧನೆ ಮಾಡಿದ್ದಾರೆ.</p>.<p>ವಿಶ್ವದಾದ್ಯಂತ ಟಿಸಿಎಸ್ ಆ್ಯಪ್ ಮೂಲಕ ಈ ಬಾರಿಯ ಬೆಂಗಳೂರು 10ಕೆಯನ್ನು ನಡೆಸಲಾಗುತ್ತಿದೆ.ಆ್ಯಪ್ನಲ್ಲಿ ನೋಂದಾಯಿಸಿಕೊಂಡು ಸ್ಪರ್ಧಿಗಳು ತಾವಿರುವ ಸ್ಥಳದಿಂದಲೇ ಇದೇ 20ರಂದು ಆರಂಭವಾಗಿರುವ (27ಕ್ಕೆ ಮುಗಿಯಲಿದೆ) ಸ್ಪರ್ಧೆಯಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ.</p>.<p>‘ಕಳೆದ ಒಂಬತ್ತು ವರ್ಷಗಳಿಂದ ಓಟದ ಸ್ಪರ್ಧೆಗಳಲ್ಲಿ ಭಾಗವಹಿಸುತ್ತಿರುವೆ. ಪ್ರತಿದಿನ ಬೆಳಗ್ಗೆ ಎದ್ದ ತಕ್ಷಣ ಎಲ್ಲರೂ ಸಾಮಾನ್ಯವಾಗಿ ವಾಯುವಿಹಾರ ಮಾಡುತ್ತಾರೆ. ಗಾಯಗೊಂಡಾಗ ಅಥವಾ ಆನಾರೋಗ್ಯದ ಸಂದರ್ಭದಲ್ಲಿ ಮಾತ್ರ ಹಿಂದೆ ಸರಿಯಬೇಕಾಗುತ್ತದೆ. ಓಟ ನನ್ನ ಉಸಿರಿನೊಳಗೇ ಬೆರೆತುಹೋಗಿದೆ‘ ಎಂದು ಅಂಕಿತಾ ಹೇಳಿದ್ದಾರೆ.</p>.<p>‘ಓಟ ಆರೋಗ್ಯಕ್ಕೆ ಸುರಕ್ಷಿತ. ಗರ್ಭಾವಸ್ಥೆಯ ಸಂದರ್ಭದಲ್ಲಿ ಓಡುವುದು ಉತ್ತಮ ವ್ಯಾಯಾಮ. ‘ಅಮೆರಿಕನ್ ಕೌನ್ಸಿಲ್ ಆಫ್ ಹೆಲ್ತ್‘ ಸಂಸ್ಥೆಯವರ ಪ್ರಕಾರ ಓಟಗಾರರಿಗೆ ಯಾವುದೇ ಸಂದರ್ಭವೂ ಸೂಕ್ತವಾದದ್ದೇ‘ ಎಂದು ಅಂಕಿತಾ ನುಡಿದರು.</p>.<p>ವೃತ್ತಿಯಲ್ಲಿ ಇಂಜಿನಿಯರ್ ಆಗಿರುವ ಅಂಕಿತಾ, 2013ರಿಂದ ಟಿಸಿಎಸ್ ವಿಶ್ವ 10ಕೆಯಲ್ಲಿ ಭಾಗವಹಿಸುತ್ತಿದ್ದಾರೆ. ಬರ್ಲಿನ್ (ಮೂರು ಬಾರಿ), ಬೋಸ್ಟನ್ ಹಾಗೂ ನ್ಯೂಯಾರ್ಕ್ಗಳಲ್ಲಿ ಸೇರಿ ಐದರಿಂದ ಆರು ಅಂತರರಾಷ್ಟ್ರೀಯ ಮ್ಯಾರಥಾನ್ಗಳಲ್ಲಿಯೂ ಪಾಲ್ಗೊಂಡಿದ್ದಾರೆ.</p>.<p>‘ಈ ಬಾರಿ ಆ್ಯಪ್ ಮೂಲಕ ನಡೆದ 10ಕೆಯನ್ನೂ ಆನಂದಿಸಿದೆ. ಇದು ಬಳಕೆದಾರ ಸ್ನೇಹಿಯಾಗಿದೆ. ನಿಧಾನವಾಗಿ ಹಾಗೂ ನಿಯಮಿತವಾಗಿ ಓಡಿದೆ. ಈ ಬಾರಿಯ ಅನುಭವ ಭಿನ್ನವಾಗಿತ್ತು. ಈ ಮೊದಲಿನ ಸ್ಪರ್ಧೆಗಳಲ್ಲಿ ಪದಕಗಳನ್ನು ಗೆದ್ದಿದ್ದೆ. ಈ ಬಾರಿ ಸಾಧ್ಯವಾಗಲಿಲ್ಲ. ಓಟದಲ್ಲಿ ಪಾಲ್ಗೊಳ್ಳುವುದರಿಂದ ಯಾವುದೇ ತೊಂದರೆ ಇಲ್ಲ ಎಂದು ವೈದ್ಯರು ಹೇಳಿದ್ದರು. ಪೋಷಕರು ಹಾಗೂ ಪತಿಯ ಬೆಂಬಲವೂ ಇದ್ದಿದ್ದರಿಂದ ಇದು ಸಾಧ್ಯವಾಯಿತು‘ ಎಂದು ಅಂಕಿತಾ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಐದು ತಿಂಗಳ ಗರ್ಭಿಣಿಯೊಬ್ಬರು ಬೆಂಗಳೂರು ಟಿಸಿಎಸ್ 10ಕೆಯನ್ನು ಕೇವಲ 62 ನಿಮಿಷಗಳಲ್ಲಿ ಪೂರ್ಣಗೊಳಿಸಿ ಹಲವರಿಗೆ ಸ್ಫೂರ್ತಿಯಾಗಿದ್ದಾರೆ. ನಗರದ ಅಂಕಿತಾ ಗೌರ್ ಭಾನುವಾರ (ಡಿ.20) ಈ ಸಾಧನೆ ಮಾಡಿದ್ದಾರೆ.</p>.<p>ವಿಶ್ವದಾದ್ಯಂತ ಟಿಸಿಎಸ್ ಆ್ಯಪ್ ಮೂಲಕ ಈ ಬಾರಿಯ ಬೆಂಗಳೂರು 10ಕೆಯನ್ನು ನಡೆಸಲಾಗುತ್ತಿದೆ.ಆ್ಯಪ್ನಲ್ಲಿ ನೋಂದಾಯಿಸಿಕೊಂಡು ಸ್ಪರ್ಧಿಗಳು ತಾವಿರುವ ಸ್ಥಳದಿಂದಲೇ ಇದೇ 20ರಂದು ಆರಂಭವಾಗಿರುವ (27ಕ್ಕೆ ಮುಗಿಯಲಿದೆ) ಸ್ಪರ್ಧೆಯಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ.</p>.<p>‘ಕಳೆದ ಒಂಬತ್ತು ವರ್ಷಗಳಿಂದ ಓಟದ ಸ್ಪರ್ಧೆಗಳಲ್ಲಿ ಭಾಗವಹಿಸುತ್ತಿರುವೆ. ಪ್ರತಿದಿನ ಬೆಳಗ್ಗೆ ಎದ್ದ ತಕ್ಷಣ ಎಲ್ಲರೂ ಸಾಮಾನ್ಯವಾಗಿ ವಾಯುವಿಹಾರ ಮಾಡುತ್ತಾರೆ. ಗಾಯಗೊಂಡಾಗ ಅಥವಾ ಆನಾರೋಗ್ಯದ ಸಂದರ್ಭದಲ್ಲಿ ಮಾತ್ರ ಹಿಂದೆ ಸರಿಯಬೇಕಾಗುತ್ತದೆ. ಓಟ ನನ್ನ ಉಸಿರಿನೊಳಗೇ ಬೆರೆತುಹೋಗಿದೆ‘ ಎಂದು ಅಂಕಿತಾ ಹೇಳಿದ್ದಾರೆ.</p>.<p>‘ಓಟ ಆರೋಗ್ಯಕ್ಕೆ ಸುರಕ್ಷಿತ. ಗರ್ಭಾವಸ್ಥೆಯ ಸಂದರ್ಭದಲ್ಲಿ ಓಡುವುದು ಉತ್ತಮ ವ್ಯಾಯಾಮ. ‘ಅಮೆರಿಕನ್ ಕೌನ್ಸಿಲ್ ಆಫ್ ಹೆಲ್ತ್‘ ಸಂಸ್ಥೆಯವರ ಪ್ರಕಾರ ಓಟಗಾರರಿಗೆ ಯಾವುದೇ ಸಂದರ್ಭವೂ ಸೂಕ್ತವಾದದ್ದೇ‘ ಎಂದು ಅಂಕಿತಾ ನುಡಿದರು.</p>.<p>ವೃತ್ತಿಯಲ್ಲಿ ಇಂಜಿನಿಯರ್ ಆಗಿರುವ ಅಂಕಿತಾ, 2013ರಿಂದ ಟಿಸಿಎಸ್ ವಿಶ್ವ 10ಕೆಯಲ್ಲಿ ಭಾಗವಹಿಸುತ್ತಿದ್ದಾರೆ. ಬರ್ಲಿನ್ (ಮೂರು ಬಾರಿ), ಬೋಸ್ಟನ್ ಹಾಗೂ ನ್ಯೂಯಾರ್ಕ್ಗಳಲ್ಲಿ ಸೇರಿ ಐದರಿಂದ ಆರು ಅಂತರರಾಷ್ಟ್ರೀಯ ಮ್ಯಾರಥಾನ್ಗಳಲ್ಲಿಯೂ ಪಾಲ್ಗೊಂಡಿದ್ದಾರೆ.</p>.<p>‘ಈ ಬಾರಿ ಆ್ಯಪ್ ಮೂಲಕ ನಡೆದ 10ಕೆಯನ್ನೂ ಆನಂದಿಸಿದೆ. ಇದು ಬಳಕೆದಾರ ಸ್ನೇಹಿಯಾಗಿದೆ. ನಿಧಾನವಾಗಿ ಹಾಗೂ ನಿಯಮಿತವಾಗಿ ಓಡಿದೆ. ಈ ಬಾರಿಯ ಅನುಭವ ಭಿನ್ನವಾಗಿತ್ತು. ಈ ಮೊದಲಿನ ಸ್ಪರ್ಧೆಗಳಲ್ಲಿ ಪದಕಗಳನ್ನು ಗೆದ್ದಿದ್ದೆ. ಈ ಬಾರಿ ಸಾಧ್ಯವಾಗಲಿಲ್ಲ. ಓಟದಲ್ಲಿ ಪಾಲ್ಗೊಳ್ಳುವುದರಿಂದ ಯಾವುದೇ ತೊಂದರೆ ಇಲ್ಲ ಎಂದು ವೈದ್ಯರು ಹೇಳಿದ್ದರು. ಪೋಷಕರು ಹಾಗೂ ಪತಿಯ ಬೆಂಬಲವೂ ಇದ್ದಿದ್ದರಿಂದ ಇದು ಸಾಧ್ಯವಾಯಿತು‘ ಎಂದು ಅಂಕಿತಾ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
