Cmmonwealth Games | ವೇಟ್‌ಲಿಫ್ಟಿಂಗ್‌: ಹರ್ಜಿಂದರ್‌ಗೆ ಕೌರ್‌ ಕೊರಳಿಗೆ ಕಂಚು

ಬರ್ಮಿಂಗ್ಹ್ಯಾಮ್ (ಪಿಟಿಐ) : ಭಾರತದ ವೇಟ್ಲಿಫ್ಟರ್ ಹರ್ಜಿಂದರ್ ಕೌರ್ ಅವರು ಮಹಿಳೆಯರ 71 ಕೆ.ಜಿ. ವಿಭಾಗದಲ್ಲಿ ಕಂಚು ಗೆದ್ದರು.

. ಸೋಮವಾರ ರಾತ್ರಿ ನಡೆದ ಸ್ಪರ್ಧೆಯಲ್ಲಿ ಅದೃಷ್ಟವೂ ಕೌರ್ ಜತೆಗಿತ್ತು. ಇಲ್ಲಿ ಚಿನ್ನ ಗೆಲ್ಲುವ ನೆಚ್ಚಿನ ಸ್ಪರ್ಧಿ ಎನಿಸಿದ್ದ ನೈಜೀರಿಯದ ಜೋಯ್ ಇಜೆ ಅವರು ಕ್ಲೀನ್– ಜರ್ಕ್ನಲ್ಲಿ ಮೂರು ಪ್ರಯತ್ನಗಳಲ್ಲಿ ವಿಫಲವಾದ ಕಾರಣ ಹರ್ಜಿಂದರ್ ಅಗ್ರ ಮೂವರಲ್ಲಿ ಕಾಣಿಸಿಕೊಂಡರು.

. ಪಂಜಾಬ್ನ ಪಟಿಯಾಲದ ಲಿಫ್ಟರ್ ಒಟ್ಟು 212 ಕೆ.ಜಿ (93+ 119) ಭಾರ ಎತ್ತುವಲ್ಲಿ ಯಶಸ್ವಿಯಾದರು. 229 ಕೆ.ಜಿ. ಎತ್ತಿದ ಇಂಗ್ಲೆಂಡ್ನ ಸಾರಾ ಡೇವಿಸ್ ಚಿನ್ನ ಗೆದ್ದರೆ, ಕೆನಡಾದ ಅಲೆಕ್ಸಿಸ್ ಆ್ಯಶ್ವರ್ತ್ (214 ಕೆ.ಜಿ) ಕಂಚು ಗಳಿಸಿದರು. ಸಾರಾ ಅವರು ಕೂಟ ದಾಖಲೆಯನ್ನೂ ಮಾಡಿದರು.

. ಸ್ನ್ಯಾಚ್ನಲ್ಲಿ 90 ಕೆ.ಜಿ ಯೊಂದಿಗೆ ಸ್ಪರ್ಧೆ ಆರಂಭಿಸಿದ ಹರ್ಜಿಂದರ್, ಮೊದಲ ಪ್ರಯತ್ನದಲ್ಲಿ ವಿಫಲರಾದರು. ಒತ್ತಡಕ್ಕೆ ಒಳಗಾದರೂ ಅವರು ಎರಡನೇ ಪ್ರಯತ್ನದಲ್ಲಿ ಯಶ ಕಂಡರು. ಮೂರನೇ ಪ್ರಯತ್ನದಲ್ಲಿ 93 ಕೆ.ಜಿ ಎತ್ತಿದರು.

. ಸ್ನ್ಯಾಚ್ ವಿಭಾಗದ ಬಳಿಕ ಹರ್ಜಿಂದರ್ ಮತ್ತು ಆಸ್ಟ್ರೇಲಿಯಾದ ಕಿಯಾನ ಎಲಿಯಟ್ ನಡುವೆ ಮೂರನೇ ಸ್ಥಾನಕ್ಕಾಗಿ ಪೈಪೋಟಿಯಿತ್ತು.

. ಕ್ಲೀನ್–ಜರ್ಕ್ನಲ್ಲಿ ಭಾರತದ ಲಿಫ್ಟರ್ ಮೊದಲ ಪ್ರಯತ್ನದಲ್ಲಿ 113 ಕೆ.ಜಿ. ಎತ್ತಿದರು. ಎರಡನೇ ಪ್ರಯತ್ನದಲ್ಲಿ 116 ಕೆ.ಜಿ ಹಾಗೂ ಕೊನೆಯ ಅವಕಾಶದಲ್ಲಿ 119 ಕೆ.ಜಿ. ಭಾರ ಎತ್ತುವಲ್ಲಿ ಯಶಸ್ವಿಯಾಗಿ ಕಂಚಿನ ಪದಕ ಕೊರಳಿಗೇರಿಸಿಕೊಂಡರು.

. ಪೂನಂ ಯಾದವ್ಗೆ ಕೊನೆಯ ಸ್ಥಾನ: ಮಹಿಳೆಯರ 76 ಕೆ.ಜಿ. ವಿಭಾಗದಲ್ಲಿ ಕಣದಲ್ಲಿದ್ದ ಭಾರತದ ಪೂನಂ ಯಾದವ್ ಕೊನೆಯ ಸ್ಥಾನ ಪಡೆದು ನಿರಾಸೆ ಅನುಭವಿಸಿದರು.

. ಸ್ನ್ಯಾಚ್ನಲ್ಲಿ 98 ಕೆ.ಜಿ. ಭಾರ ಎತ್ತಿದ ಅವರು ಕ್ಲೀನ್–ಜರ್ಕ್ನಲ್ಲಿ ಮೂರೂ ಪ್ರಯತ್ನಗಳಲ್ಲಿ ವಿಫಲರಾದ ಕಾರಣ ಪದಕದ ಅವಕಾಶ ಕಳೆದುಕೊಂಡರು.

. ಸ್ನ್ಯಾಚ್ ವಿಭಾಗದ ಸ್ಪರ್ಧೆ ಕೊನೆಗೊಂಡಾಗ ಪೂನಂ, ಕೆನಡಾದ ಮಯಾ ಲೇಲರ್ (100 ಕೆ.ಜಿ.) ಬಳಿಕ ಎರಡನೇ ಸ್ಥಾನದಲ್ಲಿದ್ದರು. ಆದರೆ ಕ್ಲೀನ್–ಜರ್ಕ್ನಲ್ಲಿ 116 ಕೆ.ಜಿ. ಭಾರ ಎತ್ತಲು ಮುಂದಾದ ಅವರಿಗೆ ಮೂರು ಪ್ರಯತ್ನಗಳಲ್ಲೂ ಯಶಸ್ಸು ದೊರೆಯಲಿಲ್ಲ.

. ಒಟ್ಟು 228 ಕೆ.ಜಿ ಸಾಧನೆಯೊಂದಿಗೆ (100+128) ಲೇಲರ್ ಚಿನ್ನ ಗೆದ್ದರು. ನೈಜೀರಿಯದ ತಯವೊ ಲಿಯಡಿ (96+120) ಬೆಳ್ಳಿ ಹಾಗೂ ಮ್ಯಾಕ್ಸಿಮಿನ ಯುಯೆಪ ಕಂಚು ಪಡೆದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

Cmmonwealth Games | ವೇಟ್‌ಲಿಫ್ಟಿಂಗ್‌: ಹರ್ಜಿಂದರ್‌ಗೆ ಕೌರ್‌ ಕೊರಳಿಗೆ ಕಂಚು

ಜೂನ್ ಒಳಗೆ ಜಿ.ಪಂ, ತಾ.ಪಂ ಚುನಾವಣೆ: ಮುಖ್ಯಮಂತ್ರಿ ಸಿದ್ದರಾಮಯ್ಯ

ರಾಕ್ಷಸನಂತೆ ನೀರು ಕುಡಿಯುತ್ತಿರುವ ಗೂಗಲ್ ಡೇಟಾ ಸೆಂಟರ್‌ಗಳು..

ಚಿನಕುರುಳಿ: ಭಾನುವಾರ 22 ಫೆಬ್ರುವರಿ 2026

ಈ ಎಐ ಬಳಸಿ ನೀವೇ ನಿಮಗೆ ಬೇಕಾದ ರೀತಿ ಸೀರೆ ವಿನ್ಯಾಸ ಮಾಡಬಹುದು!

ಎಟಿಎಸ್‌ ಅಟ್ಯಾಕರ್ಸ್‌ ತಂಡಕ್ಕೆ ಸಿಎಂ ಕಪ್‌ ಬ್ಯಾಡ್ಮಿಂಟನ್‌ ಟ್ರೋಫಿ

ಕರ್ನಾಟಕಕ್ಕೆ 9ನೇ ರಣಜಿ ಕಿರೀಟ: ವಿನಯ್ ವಿಶ್ವಾಸ

ಹುಬ್ಬಳ್ಳಿ | ರಣಜಿ ಟ್ರೋಫಿ ಫೈನಲ್ ಪಂದ್ಯ ನಾಳೆಯಿಂದ: ದೇವದತ್ತ ಬ್ಯಾಟಿಂಗ್ ಅಭ್ಯಾಸ

IPL 2026: ಚೆನ್ನೈ ಸೂಪರ್‌ ಕಿಂಗ್ಸ್ ಪರ ಆಡಲು ಧೋನಿ ಲಭ್ಯ

ಒಳನೋಟ | ಕಾಣದ ಕೈ: ಕಾಡುವ ಡ್ರಗ್ಸ್‌

ಒಳನೋಟ: ಕಿನ್ನಾಳ ಕಲೆಗೀಗ ಯುವೋತ್ಸಾಹ

ಒಳನೋಟ: ಅನಿಶ್ಚಿತತೆ ನಡುವೆ ದಾಖಲೆಯ ಗಳಿಕೆ

ಒಳನೋಟ: ಚಿನ್ನ, ಬೆಳ್ಳಿ ಬೆಲೆ ಏರಿಳಿತ; ಅಕ್ಕಸಾಲಿಗರ ಹೊಟ್ಟೆಗೆ ಬರೆ

ಜೂನ್ ಒಳಗೆ ಜಿ.ಪಂ, ತಾ.ಪಂ ಚುನಾವಣೆ: ಮುಖ್ಯಮಂತ್ರಿ ಸಿದ್ದರಾಮಯ್ಯ

ರಾಕ್ಷಸನಂತೆ ನೀರು ಕುಡಿಯುತ್ತಿರುವ ಗೂಗಲ್ ಡೇಟಾ ಸೆಂಟರ್‌ಗಳು..

ಚಿನಕುರುಳಿ: ಭಾನುವಾರ 22 ಫೆಬ್ರುವರಿ 2026

ಈ ಎಐ ಬಳಸಿ ನೀವೇ ನಿಮಗೆ ಬೇಕಾದ ರೀತಿ ಸೀರೆ ವಿನ್ಯಾಸ ಮಾಡಬಹುದು!