ಪಂಚಕುಲ: ಇಲ್ಲಿನ ತೌ ದೇವಿ ಲಾಲ್ ಒಳಾಂಗಣ ಕ್ರೀಡಾಂಗಣದಲ್ಲಿ ಶುಕ್ರವಾರ ನಡೆದ 85ನೇ ಯುಟಿಟಿ ಸೀನಿಯರ್ ನ್ಯಾಷನಲ್ಸ್ ಮತ್ತು ಅಂತರ ರಾಜ್ಯ ಟೇಬಲ್ ಟೆನಿಸ್ ಚಾಂಪಿಯಷಿಪ್‌ನ ಪುರುಷರ ಸಿಂಗಲ್ಸ್ ನಲ್ಲಿ ಅಗ್ರ ಶ್ರೇಯಾಂಕದ ಹರ್ಮೀತ್ ದೇಸಾಯಿ ಎರಡನೇ ಶ್ರೇಯಾಂಕದ ಜಿ ಸತ್ಯನ್ ಅವರನ್ನು 4-3ರಿಂದ ಸೋಲಿಸಿ ಎರಡನೇ ಬಾರಿಗೆ ಪ್ರಶಸ್ತಿ ಗೆದ್ದರು.
ಮಹಿಳಾ ಸಿಂಗಲ್ಸ್ ಕಿರೀಟವನ್ನು ರೈಲ್ವೆಯ ಪೊಯ್ಮಂಟಿ ಬೈಸ್ಯಾ ಅವರಿಗೆ ನೀಡಲಾಯಿತು. ಅವರು ಐಹಿಕಾ ಮುಖರ್ಜಿ ಅವರನ್ನು 4-2 ರಿಂದ ಸೋಲಿಸಿದರು.
ನಿರ್ಣಾಯಕ ಪಂದ್ಯದಲ್ಲಿ ಹರ್ಮೀತ್ 7-4 ರಲ್ಲಿ ಮೇಲುಗೈ ಸಾಧಿಸಿದ್ದರು. ಆದರೆ ಸತ್ಯನ್ ತಮ್ಮ ಎದುರಾಳಿ ತಪ್ಪು ಎಸೆಗೆಯುವಂತೆ ಮಾಡುವ ಮೂಲಕ ಪ್ರಾಬಲ್ಯ ಸಾಧಿಸಿದರು. ಹರ್ಮೀತ್ ತನ್ನ ಉತ್ಸಾಹ ಉಳಿಸಿಕೊಂಡು ಚಾಂಪಿಯನ್ ಆಗಿ ಹೊರಹೊಮ್ಮಿದರು.
