ಕರೊಲಿನಾಗೆ ನೋವು ಸೈನಾಗೆ ಚಿನ್ನದ ಪದಕ

ಜಕಾರ್ತ: ಮೂರು ಬಾರಿಯ ವಿಶ್ವ ಚಾಂಪಿಯನ್ ಕರೊಲಿನಾ ಮರಿನ್ ಕಾಲುನೋವಿಗೆ ಒಳಗಾಗಿ ಕಣ ತೊರೆದರು; ಭಾರತದ ಆಟಗಾರ್ತಿ ಸೈನಾ ನೆಹ್ವಾಲ್ ಚಿನ್ನದ ಪದಕ ಗೆದ್ದು ಸಂಭ್ರಮಿಸಿದರು.

. ಇಂಡೊನೇಷ್ಯಾ ಮಾಸ್ಟರ್ಸ್ ಬ್ಯಾಡ್ಮಿಂಟನ್ ಟೂರ್ನಿಯ ಮಹಿಳೆಯರ ಸಿಂಗಲ್ಸ್ ಫೈನಲ್ ಪಂದ್ಯದ ಮೊದಲ ಗೇಮ್ನಲ್ಲಿ 10–4ರ ಮುನ್ನಡೆ ಸಾಧಿಸಿದ್ದ ಸಂದರ್ಭದಲ್ಲಿ ಕರೊಲಿನಾಗೆ ನೋವು ಕಾಡಿತು. ಹೀಗಾಗಿ ಕಣ ತೊರೆಯಲು ನಿರ್ಧರಿಸಿದರು.

. ಈ ಗೆಲುವಿನ ಮೂಲಕ ಸೈನಾ, ಎರಡು ವರ್ಷಗಳ ನಂತರ ಮೊದಲ ಬಾರಿ ಬಿಡಬ್ಲ್ಯುಎಫ್ ಟೂರ್ನಿಯ ಚಿನ್ನ ಗೆದ್ದ ಸಾಧನೆ ಮಾಡಿದರು. 2017ರಲ್ಲಿ ಮಲೇಷ್ಯಾದಲ್ಲಿ ಅವರು ಕೊನೆಯದಾಗಿ ಮೊದಲಿಗರಾಗಿದ್ದರು.

. ಟೂರ್ನಿಯಲ್ಲಿ ಉತ್ತಮ ಆಟವಾಡಿದ್ದಮರಿನ್ ಚಿನ್ನ ಗೆಲ್ಲುವ ನೆಚ್ಚಿನ ಆಟಗಾರ್ತಿಯಾಗಿದ್ದರು. ಈ ಹಿಂದೆ 11 ಬಾರಿ ಮುಖಾಮುಖಿಯಾಗಿದ್ದಾಗ ಮರಿನ್ ಆರು ಬಾರಿ ಸೈನಾ ಅವರನ್ನು ಮಣಿಸಿದ್ದರು. ಕಳೆದ ಬಾರಿ ಕ್ವಾಲಾಲಂಪುರದಲ್ಲಿ ನಡೆದಿದ್ದ ಮಲೇಷ್ಯಾ ಮಾಸ್ಟರ್ಸ್ ಟೂರ್ನಿಯ ಸೆಮಿಫೈನಲ್ನಲ್ಲೂ ಸೈನಾ ವಿರುದ್ಧ ಗೆದ್ದಿದ್ದರು.

. ಭಾನುವಾರದ ಪಂದ್ಯದ ಆರಂಭದಲ್ಲಿ ಆಕ್ರಮಣಕಾರಿ ಆಟವಾಡಿದ ಮರಿನ್ ಸತತ ಎರಡು ಪಾಯಿಂಟ್ಗಳನ್ನು ಬಗಲಿಗೆ ಹಾಕಿಕೊಂಡರು. ನೆಟ್ ಬಳಿ ಡ್ರಾಪ್ ಮಾಡಿದ ಸೈನಾ ಮೊದಲ ಪಾಯಿಂಟ್ ಕಲೆ ಹಾಕಿದರು. ನಂತರ ಬ್ಯಾಕ್ಲೈನ್ನಲ್ಲಿ ಪಾಯಿಂಟ್ಗಳನ್ನು ಕಳೆದುಕೊಂಡ ಸೈನಾ 2–6ರ ಹಿನ್ನಡೆ ಅನುಭವಿಸಿದರು.

. 9–2ರ ಮುನ್ನಡೆ ಸಾಧಿಸಿದ್ದ ಸಂದರ್ಭದಲ್ಲಿ ಷಟಲ್ ಹಿಂದಿರುಗಿಸಲು ಪ್ರಯತ್ನಿಸಿದ ಮರಿನ್ ಬಲಗಾಲು ಉಳುಕಿ ನೋವು ಅನುಭವಿಸಿದರು. ಪ್ರಥಮ ಚಿಕಿತ್ಸೆಯ ನಂತರ ಕಣಕ್ಕೆ ಮರಳಿದ ಅವರು ಒಂದು ಪಾಯಿಂಟ್ ಗಳಿಸಿದರು. ನಂತರ ಕುಸಿದು ಬಿದ್ದರು. ಕಣ್ಣೀರು ಹಾಕುತ್ತ ಹೊರನಡೆದರು.

. ‘ಕಳೆದ ಎರಡು ಟೂರ್ನಿಗಳು ನನ್ನ ಪಾಲಿಗೆ ಮಹತ್ವದ್ದಾಗಿದ್ದವು. ಎರಡರಲ್ಲೂಉತ್ತಮ ಸಾಮರ್ಥ್ಯ ತೋರಲು ಸಾಧ್ಯವಾಗಿದೆ. ಆಲ್ ಇಂಗ್ಲೆಂಡ್ ಟೂರ್ನಿಗಾಗಿ ಈಗ ತಯಾರಿ ನಡೆಸುತ್ತಿದ್ದೇನೆ’ ಎಂದು ಸೈನಾ ಹೇಳಿದರು.

. * ಕಳೆದ ಬಾರಿ ಗಾಯದ ಸಮಸ್ಯೆ ನನ್ನನ್ನು ತುಂಬ ಕಾಡಿತ್ತು. ಈ ಬಾರಿ ಉತ್ತಮ ಆರಂಭ ಕಂಡಿದ್ದೇನೆ. ಆದರೆ ಅಂಗಣದಲ್ಲಿ ಆಟಗಾರರು ಗಾಯಗೊಂಡಾಗ ಬೇಸರವಾಗುತ್ತದೆ. -ಸೈನಾ ನೆಹ್ವಾಲ್, ಭಾರತದ ಆಟಗಾರ್ತಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕರೊಲಿನಾಗೆ ನೋವು ಸೈನಾಗೆ ಚಿನ್ನದ ಪದಕ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಚುರುಮುರಿ: ಯಾಗ-ಯೋಗ!

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

Wimbledon 2025: ಪ್ರಶಸ್ತಿಗೆ ಅಲ್ಕರಾಜ್–ಸಿನ್ನರ್ ಸೆಣಸಾಟ

ಆ.11ರಿಂದ ಮಹಾರಾಜ ಟ್ರೋಫಿ: ಪ್ರೇಕ್ಷಕರಿಗೆ ಇಲ್ಲ ಅವಕಾಶ

ರಾಜ್ಯ ಕಿರಿಯರ ಈಜು: ದಕ್ಷಣ್‌, ಶರಣ್‌ ಕೂಟ ದಾಖಲೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಚುರುಮುರಿ: ಯಾಗ-ಯೋಗ!