ಪದಕ ಜಯದ ಸಾಮರ್ಥ್ಯ ಭಾರತಕ್ಕಿದೆ: ಅನುಭವಿ ಗೋಲ್‌ಕೀಪರ್ ಶ್ರೀಜೇಶ್ ವಿಶ್ವಾಸ

ನವದೆಹಲಿ: ಭಾರತ ಹಾಕಿ ತಂಡದ ಗೋಲ್ಕೀಪರ್ ಪಿ.ಆರ್. ಶ್ರೀಜೇಶ್ ಕಳೆದ ಒಂದು ದಶಕದಲ್ಲಿ ಕೆಲವು ಅವಿಸ್ಮರಣೀಯ ಸಾಧನೆಗಳಿಗೆ ತಮ್ಮದೇ ಆದ ಕಾಣಿಕೆ ನೀಡಿದ್ದಾರೆ. ಒಂದಿಷ್ಟು ಕಹಿನೆನಪುಗಳನ್ನೂ ಉಂಡಿದ್ದಾರೆ.

. ಇದೀಗ ತಮ್ಮ ವೃತ್ತಿಜೀವನದ ಪ್ರಮುಖ ಘಟ್ಟದಲ್ಲಿ ಅವರಿದ್ದಾರೆ. ಮೂರನೇ ಬಾರಿ ಕಾಮನ್ವೆಲ್ತ್ ಕ್ರೀಡಾಕೂಟದಲ್ಲಿ ಭಾರತ ತಂಡದ ಗೋಲುಪೆಟ್ಟಿಗೆಯ ರಕ್ಷಕನಾಗಿ ಕಣಕ್ಕಿಳಿಯಲಿದ್ದಾರೆ. ಕೇರಳದ 34 ವರ್ಷದ ಶ್ರೀಜೇಶ್ಗೆ ಇದು ಬಹುತೇಕ ಕೊನೆಯ ಕಾಮನ್ವೆಲ್ತ್ ಕೂಟವಾಗಲಿದೆ.

. ಹೋದ ವರ್ಷ ಟೋಕಿಯೊ ಒಲಿಂಪಿಕ್ಸ್ನಲ್ಲಿ ಕಂಚಿನ ಪದಕ ಜಯಿಸಿದ ಇತಿಹಾಸ ಬರೆದಿದ್ದ ಭಾರತ ತಂಡದ ಶ್ರೀಜೇಶ್ ಮಿಂಚಿದ್ದರು. ಅವರ ಅನುಭವ ಮತ್ತು ಚುರುಕಾದ ಗೋಲ್ಕೀಪಿಂಗ್ ಬಲದಿಂದ ಬರ್ಮಿಂಗ್ಹ್ಯಾಮ್ನಲ್ಲಿಯೂ ಭಾರತ ತಂಡವು ಚಿನ್ನದ ಪದಕ ಜಯಿಸುವತ್ತ ಕಣ್ಣಿಟ್ಟಿದೆ.

. ‘ಜೀವನ ಯಾವಾಗಲೂ ಒಂದೇ ತರಹ ಇರುವುದಿಲ್ಲ. ಏರಿಳಿತಗಳು, ಬದಲಾವಣೆಗಳು ಸಹಜ. ನನ್ನ ಕ್ರೀಡಾಜೀವನದಲ್ಲಿ ಬಹಳಷ್ಟು ಏಳುಬೀಳುಗಳನ್ನು ಕಂಡಿದ್ದೇನೆ. ವೃತ್ತಿಜೀವನದ ಆರಂಭದಲ್ಲ ಸೋಲುಗಳನ್ನು ಎದುರಿಸಿರುವೆ. ನಂತರ ಅನುಭವ ಗಳಿಸುತ್ತ ಈಗ ಭಾರತ ಹಾಕಿ ತಂಡದ ಅಗ್ರಕ್ರಮಾಂಕದ ಗೋಲ್ಕೀಪರ್ ಆಗಿದ್ದೇನೆ’ ಎಂದು ಶ್ರೀಜೇಶ್ ಸಂದರ್ಶನದಲ್ಲಿ ಹೇಳಿದ್ದಾರೆ.

. ‘2012ರ ಲಂಡನ್ ಒಲಿಂಪಿಕ್ ಕೂಟದ ನಿರಾಶೆಯೊಂದಿಗೆ ವೃತ್ತಿಜೀವನ ಆರಂಭವಾಗಿತ್ತು. ಟೋಕಿಯೊದಲ್ಲಿ ಕಂಚಿನ ಪದಕ ಜಯಿಸಿದ ಸಿಹಿಕ್ಷಣವೂ ನನ್ನ ಪಾಲಿನದ್ದಾಯಿತು. ಈ ನಡುವೆ ಭಾರತ ತಂಡದ ನಾಯಕತ್ವ ವಹಿಸಿದ್ದೆ. ಆದರೆ, ಲೆಗ್ಮೆಂಟ್ ಗಾಯದಿಂದಾಗಿಯೇ ನನ್ನ ಬಹುತೇಕ ಸಮಯವು ಕಳೆದುಹೋಯಿತು. ಕೇರಳದಲ್ಲಿ ಅವಿಯಾಲ ಎಂಬ ಜನಪ್ರಿಯ ಖಾದ್ಯವಿದೆ. ಅದರಲ್ಲಿ 13 ತರಕಾರಿಗಳನ್ನು ಬಳಸಿ ಸಾರು ಮಾಡಲಾಗುತ್ತದೆ. ಅದೇ ತರಹ ನನ್ನ ವೃತ್ತಿಜೀವನ ಕೂಡ. ತರಹೇವಾರಿ ಅನುಭವಗಳು ಮಿಶ್ರಣಗೊಂಡಿವೆ’ಎಂದು ಮಾರ್ಮಿಕವಾಗಿ ಹೇಳಿದರು.

. ‘ಈ ಬಾರಿಯ ಕಾಮನ್ವೆಲ್ತ್ ಕೂಟದಲ್ಲಿ ತಂಡವು ಫೈನಲ್ ತಲುಪಲು ಸಮರ್ಥವಾಗಿದೆ. ಆಸ್ಟ್ರೇಲಿಯಾ ವಿಶ್ವದಲ್ಲಿಯೇ ಉತ್ತಮ ಸಾಮರ್ಥ್ಯ ಹೊಂದಿರುವ ತಂಡವಾಗಿದೆ. ಟೋಕಿಯೊ ಒಲಿಂಪಿಕ್ಸ್ನಲ್ಲಿಯೂ ಉತ್ತಮವಾಗಿ ಆಡಿದ್ದರು. ಅವರನ್ನು ಸೋಲಿಸುವುದು ಕಠಿಣ ಸವಾಲು. ಆದರೆ ನಾವು ಯಾವುದೇ ತಂಡವನ್ನೂ ಹಗುರವಾಗಿ ಪರಿಗಣಿಸಿಯೇ ಇಲ್ಲ. ಎಲ್ಲವನ್ನೂ ಗಂಭೀರವಾಗಿಯೇ ಎದುರಿಸಲಿದ್ದೇವೆ’ ಎಂದರು.

. ಭಾರತ ತಂಡವು ಕಾಮನ್ವೆಲ್ತ್ ಕೂಟದಲ್ಲಿ ಎರಡು ಬಾರಿ ಬೆಳ್ಳಿಪದಕ ಜಯಿಸಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪದಕ ಜಯದ ಸಾಮರ್ಥ್ಯ ಭಾರತಕ್ಕಿದೆ: ಅನುಭವಿ ಗೋಲ್‌ಕೀಪರ್ ಶ್ರೀಜೇಶ್ ವಿಶ್ವಾಸ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ತುಮಕೂರಿನಲ್ಲಿ ದಾವಣಗೆರೆ ಪಿಎಸ್‌ಐ ಬಿ.ಆರ್‌.ನಾಗರಾಜಪ್ಪ ಆತ್ಮಹತ್ಯೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ENG vs IND Test | ಆಂಗ್ಲರಿಗೆ ಆಕಾಶ್ ಆಘಾತ: ಭಾರತಕ್ಕೆ 336 ರನ್ ಜಯ

ಲಂಡನ್‌ನಲ್ಲಿ ಮಹಿಳಾ ಕ್ರಿಕೆಟ್ ತಂಡಕ್ಕೆ ಅದ್ದೂರಿ ಸ್ವಾಗತ

ENG vs IND | ಪಂದ್ಯವೊಂದರಲ್ಲಿ ಗರಿಷ್ಠ ಮೊತ್ತ: ಇಂಗ್ಲೆಂಡ್ ಪರ ಸ್ಮಿತ್ ದಾಖಲೆ

'ಇದಕ್ಕೆಲ್ಲ ಅರ್ಹ ನೀನು': ದಾಖಲೆ ಬರೆದ ಗಿಲ್‌ಗೆ ಬೆನ್ನುತಟ್ಟಿದ ಕೊಹ್ಲಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ತುಮಕೂರಿನಲ್ಲಿ ದಾವಣಗೆರೆ ಪಿಎಸ್‌ಐ ಬಿ.ಆರ್‌.ನಾಗರಾಜಪ್ಪ ಆತ್ಮಹತ್ಯೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ