ಬೆಂಗಳೂರು: ಕರ್ನಾಟಕದ ಜೆಸ್ಸಿ ಸಂದೇಶ್ ಅವರು ಇಲ್ಲಿನ ಅಂಜು ಬಾಬಿ ಹೈ ಪರ್ಫಾರ್ಮೆನ್ಸ್ ಸೆಂಟರ್ನಲ್ಲಿ ಬುಧವಾರ ನಡೆದ ಮೂರನೇ ಇಂಡಿಯನ್ ಓಪನ್ ಜಂಪ್ ಸ್ಪರ್ಧೆಯ ಪುರುಷರ ಹೈಜಂಪ್ ಸ್ಪರ್ಧೆಯಲ್ಲಿ ಚಿನ್ನದ ಪದಕ ಗೆದ್ದರು.
28ರ ವರ್ಷದ ಜೆಸ್ಸಿ 2.20 ಮೀಟರ್ ಸಾಧನೆ ಮಾಡಿದರು. ತಮಿಳುನಾಡಿನ ಆದರ್ಶ್ ರಾಮ್ ಮತ್ತು ಒಡಿಶಾದ ಸ್ವಾಧಿನ್ ಕುಮಾರ್ ಮಝಿ (2.10 ಮೀ) ಕ್ರಮವಾಗಿ ಬೆಳ್ಳಿ ಮತ್ತು ಕಂಚಿನ ಪದಕ ಜಯಿಸಿದರು.
ಮಹಿಳೆಯರ ಪೋಲ್ ವಾಲ್ಟ್ನಲ್ಲಿ ಆತಿಥೇಯ ರಾಜ್ಯದ ಸಿಂಧುಶ್ರೀ ಜಿ. (3.80 ಮೀ) ಕಂಚಿನ ಪದಕ ಗೆದ್ದುಕೊಂಡರು. ತಮಿಳುನಾಡಿನ ಪವಿತ್ರ ವೆಂಕಟೇಶ್ (4.15 ಮೀ) ಚಿನ್ನ ಗೆದ್ದರೆ, ಕೇರಳದ ಮರಿಯಾ ಜೈಸನ್ (3.80 ಮೀ) ಬೆಳ್ಳಿ ತನ್ನದಾಗಿಸಿಕೊಂಡರು.