<p><strong>ನವದೆಹಲಿ: </strong>ಪರಿಣಾಮಕಾರಿ ಸಾಮರ್ಥ್ಯ ತೋರಲು ವಿಫಲವಾದ ಭಾರತ ತಂಡದವರು ನೇಷನ್ಸ್ ಕಪ್ ಆನ್ಲೈನ್ ಚೆಸ್ ಟೂರ್ನಿಯಲ್ಲಿ ಐದನೇ ಸ್ಥಾನದೊಂದಿಗೆ ಅಭಿಯಾನ ಮುಗಿಸಿದ್ದಾರೆ.</p>.<p>ಶನಿವಾರ ತಡರಾತ್ರಿ ನಡೆದ ಹತ್ತನೇ ಸುತ್ತಿನ ಹಣಾಹಣಿಯಲ್ಲಿ ಭಾರತ 1.5–2.5 ಪಾಯಿಂಟ್ಸ್ನಿಂದ ರಷ್ಯಾ ಎದುರು ಪರಾಭವಗೊಂಡಿತು. ಇದಕ್ಕೂ ಮುನ್ನ ನಡೆದಿದ್ದ ಹೋರಾಟದಲ್ಲಿ ಭಾರತವು ಇಷ್ಟೇ ಅಂತರದಿಂದ ಚೀನಾ ತಂಡಕ್ಕೆ ಶರಣಾಗಿತ್ತು.</p>.<p>ರಷ್ಯಾ ಎದುರಿನ ಪೈಪೋಟಿಯ ಆರಂಭದಲ್ಲೇ ಭಾರತಕ್ಕೆ ನಿರಾಸೆ ಕಾಡಿತು. ವಿದಿತ್ ಗುಜರಾತಿ, ವ್ಲಾದಿಸ್ಲಾವ್ ಅರ್ಟೆಮೀವ್ ಎದುರು ಸೋತರು. ಎರಡನೇ ಬೋರ್ಡ್ನಲ್ಲಿ ಕಣಕ್ಕಿಳಿದಿದ್ದ ಬಿ.ಅಧಿಬಾನ್ ಕೂಡ ನಿರಾಸೆ ಮೂಡಿಸಿದರು. ಭಾರತದ ಆಟಗಾರನನ್ನು ಮಣಿಸಿದ ಡಿಮಿಟ್ರಿ ಆ್ಯಂಡ್ರೆಕಿನ್, ರಷ್ಯಾ ತಂಡದ ಮುನ್ನಡೆಯನ್ನು 2–0ಗೆ ಹೆಚ್ಚಿಸಿದರು.</p>.<p>ಸರ್ಜಿ ಕರ್ಜಾಕಿನ್ ಎದುರಿನ ಹಣಾಹಣಿಯಲ್ಲಿ ಪಿ.ಹರಿಕೃಷ್ಣ ಡ್ರಾ ಸಾಧಿಸುವಲ್ಲಿ ಯಶಸ್ವಿಯಾದರು. ಈ ಮೂಲಕ ಭಾರತದ ಖಾತೆಗೆ ಅರ್ಧ ಪಾಯಿಂಟ್ ಸೇರ್ಪಡೆ ಮಾಡಿದರು.</p>.<p>ನಾಲ್ಕನೇ ಬೋರ್ಡ್ನ ಪೈಪೋಟಿಯಲ್ಲಿ ರ್ಯಾಪಿಡ್ ವಿಭಾಗದ ವಿಶ್ವ ಚಾಂಪಿಯನ್ ಕೊನೇರು ಹಂಪಿ ಮಿಂಚಿದರು. ಓಲ್ಗಾ ಗಿರ್ಯಾ ಅವರನ್ನು ಸೋಲಿಸಿದ ಅವರು ಭಾರತದ ಹಿನ್ನಡೆಯನ್ನು ತಗ್ಗಿಸಲಷ್ಟೇ ಶಕ್ತರಾದರು. ಭಾರತವು ಒಟ್ಟು 5 ಮ್ಯಾಚ್ ಪಾಯಿಂಟ್ಸ್ ಹಾಗೂ 17.5 ಬೋರ್ಡ್ ಪಾಯಿಂಟ್ಸ್ ಗಳಿಸಿತು.</p>.<p>ಹತ್ತನೇ ಸುತ್ತಿನ ಮತ್ತೊಂದು ಪಂದ್ಯದಲ್ಲಿ ಯುರೋಪ್ ತಂಡ 2–2 ಪಾಯಿಂಟ್ಸ್ನಿಂದ ವಿಶ್ವ ಇತರೆ ತಂಡದ ಎದುರು ಡ್ರಾ ಮಾಡಿಕೊಂಡಿತು. ಈ ಪಂದ್ಯದಲ್ಲಿ ಗೆದ್ದಿದ್ದರೆ ಯುರೋಪ್ ತಂಡ ಸೂಪರ್ ಫೈನಲ್ ಪ್ರವೇಶಿಸುವ ಸಾಧ್ಯತೆ ಇತ್ತು. 13 ಮ್ಯಾಚ್ ಪಾಯಿಂಟ್ಸ್ ಹಾಗೂ 21.5 ಬೋರ್ಡ್ ಪಾಯಿಂಟ್ಸ್ ಸಂಗ್ರಹಿಸಿದ ಈ ತಂಡ ಮೂರನೇ ಸ್ಥಾನಕ್ಕೆ ತೃಪ್ತಿಪಟ್ಟಿತು. ರಷ್ಯಾ (8 ಮ್ಯಾಚ್ ಪಾಯಿಂಟ್ಸ್; 19 ಬೋರ್ಡ್ ಪಾಯಿಂಟ್ಸ್) ನಂತರದ ಸ್ಥಾನ ಪಡೆಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ: </strong>ಪರಿಣಾಮಕಾರಿ ಸಾಮರ್ಥ್ಯ ತೋರಲು ವಿಫಲವಾದ ಭಾರತ ತಂಡದವರು ನೇಷನ್ಸ್ ಕಪ್ ಆನ್ಲೈನ್ ಚೆಸ್ ಟೂರ್ನಿಯಲ್ಲಿ ಐದನೇ ಸ್ಥಾನದೊಂದಿಗೆ ಅಭಿಯಾನ ಮುಗಿಸಿದ್ದಾರೆ.</p>.<p>ಶನಿವಾರ ತಡರಾತ್ರಿ ನಡೆದ ಹತ್ತನೇ ಸುತ್ತಿನ ಹಣಾಹಣಿಯಲ್ಲಿ ಭಾರತ 1.5–2.5 ಪಾಯಿಂಟ್ಸ್ನಿಂದ ರಷ್ಯಾ ಎದುರು ಪರಾಭವಗೊಂಡಿತು. ಇದಕ್ಕೂ ಮುನ್ನ ನಡೆದಿದ್ದ ಹೋರಾಟದಲ್ಲಿ ಭಾರತವು ಇಷ್ಟೇ ಅಂತರದಿಂದ ಚೀನಾ ತಂಡಕ್ಕೆ ಶರಣಾಗಿತ್ತು.</p>.<p>ರಷ್ಯಾ ಎದುರಿನ ಪೈಪೋಟಿಯ ಆರಂಭದಲ್ಲೇ ಭಾರತಕ್ಕೆ ನಿರಾಸೆ ಕಾಡಿತು. ವಿದಿತ್ ಗುಜರಾತಿ, ವ್ಲಾದಿಸ್ಲಾವ್ ಅರ್ಟೆಮೀವ್ ಎದುರು ಸೋತರು. ಎರಡನೇ ಬೋರ್ಡ್ನಲ್ಲಿ ಕಣಕ್ಕಿಳಿದಿದ್ದ ಬಿ.ಅಧಿಬಾನ್ ಕೂಡ ನಿರಾಸೆ ಮೂಡಿಸಿದರು. ಭಾರತದ ಆಟಗಾರನನ್ನು ಮಣಿಸಿದ ಡಿಮಿಟ್ರಿ ಆ್ಯಂಡ್ರೆಕಿನ್, ರಷ್ಯಾ ತಂಡದ ಮುನ್ನಡೆಯನ್ನು 2–0ಗೆ ಹೆಚ್ಚಿಸಿದರು.</p>.<p>ಸರ್ಜಿ ಕರ್ಜಾಕಿನ್ ಎದುರಿನ ಹಣಾಹಣಿಯಲ್ಲಿ ಪಿ.ಹರಿಕೃಷ್ಣ ಡ್ರಾ ಸಾಧಿಸುವಲ್ಲಿ ಯಶಸ್ವಿಯಾದರು. ಈ ಮೂಲಕ ಭಾರತದ ಖಾತೆಗೆ ಅರ್ಧ ಪಾಯಿಂಟ್ ಸೇರ್ಪಡೆ ಮಾಡಿದರು.</p>.<p>ನಾಲ್ಕನೇ ಬೋರ್ಡ್ನ ಪೈಪೋಟಿಯಲ್ಲಿ ರ್ಯಾಪಿಡ್ ವಿಭಾಗದ ವಿಶ್ವ ಚಾಂಪಿಯನ್ ಕೊನೇರು ಹಂಪಿ ಮಿಂಚಿದರು. ಓಲ್ಗಾ ಗಿರ್ಯಾ ಅವರನ್ನು ಸೋಲಿಸಿದ ಅವರು ಭಾರತದ ಹಿನ್ನಡೆಯನ್ನು ತಗ್ಗಿಸಲಷ್ಟೇ ಶಕ್ತರಾದರು. ಭಾರತವು ಒಟ್ಟು 5 ಮ್ಯಾಚ್ ಪಾಯಿಂಟ್ಸ್ ಹಾಗೂ 17.5 ಬೋರ್ಡ್ ಪಾಯಿಂಟ್ಸ್ ಗಳಿಸಿತು.</p>.<p>ಹತ್ತನೇ ಸುತ್ತಿನ ಮತ್ತೊಂದು ಪಂದ್ಯದಲ್ಲಿ ಯುರೋಪ್ ತಂಡ 2–2 ಪಾಯಿಂಟ್ಸ್ನಿಂದ ವಿಶ್ವ ಇತರೆ ತಂಡದ ಎದುರು ಡ್ರಾ ಮಾಡಿಕೊಂಡಿತು. ಈ ಪಂದ್ಯದಲ್ಲಿ ಗೆದ್ದಿದ್ದರೆ ಯುರೋಪ್ ತಂಡ ಸೂಪರ್ ಫೈನಲ್ ಪ್ರವೇಶಿಸುವ ಸಾಧ್ಯತೆ ಇತ್ತು. 13 ಮ್ಯಾಚ್ ಪಾಯಿಂಟ್ಸ್ ಹಾಗೂ 21.5 ಬೋರ್ಡ್ ಪಾಯಿಂಟ್ಸ್ ಸಂಗ್ರಹಿಸಿದ ಈ ತಂಡ ಮೂರನೇ ಸ್ಥಾನಕ್ಕೆ ತೃಪ್ತಿಪಟ್ಟಿತು. ರಷ್ಯಾ (8 ಮ್ಯಾಚ್ ಪಾಯಿಂಟ್ಸ್; 19 ಬೋರ್ಡ್ ಪಾಯಿಂಟ್ಸ್) ನಂತರದ ಸ್ಥಾನ ಪಡೆಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
