<p>ನೊಯ್ಡಾ: ರೈಡಿಂಗ್ ಮತ್ತು ಟ್ಯಾಕಲ್ನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ ಪುಣೇರಿ ಪಲ್ಟನ್ ತಂಡವು ಸೋಮವಾರ ನಡೆದ ಪ್ರೊ ಕಬಡ್ಡಿ ಲೀಗ್ನ ಪಂದ್ಯದಲ್ಲಿ 54–18ರಿಂದ ಸುಲಭ ಜಯ ದಾಖಲಿಸಿ, ಪಾಯಿಂಟ್ ಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೆ ಏರಿತು.</p><p>ನೊಯ್ಡಾ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ವಿರಾಮದ ವೇಳೆ 23-10ರಿಂದ ಮುನ್ನಡೆಯಲ್ಲಿದ್ದ ಪುಣೇರಿ ತಂಡವು ಉತ್ತರಾರ್ಧದಲ್ಲೂ ಪ್ರಾಬಲ್ಯ ಮುಂದುವರಿಸಿತು.</p><p>ತಂಡವು ರೈಡಿಂಗ್ನಿಂದ 23 ಅಂಕ ಗಳಿಸಿದರೆ, ಟ್ಯಾಕಲ್ನಿಂದ 20 ಪಾಯಿಂಟ್ಸ್ ಸಂಪಾದಿಸಿತು. ಅಲ್ಲದೆ, ನಾಲ್ಕು ಬಾರಿ ಎದುರಾಳಿ ತಂಡವನ್ನು ಆಲೌಟ್ ಮಾಡಿ ಗಮನ ಸೆಳೆಯಿತು.</p><p>ಮೋಹಿತ್ ರೈಡಿಂಗ್ನಿಂದ 9 ಮತ್ತು ಟ್ಯಾಕಲ್ನಿಂದ 4 ಪಾಯಿಂಟ್ಸ್ ಸಂಪಾಯಿಸಿ ‘ಸೂಪರ್ 10’ ಸಾಧನೆ ಮೆರೆದರು. ಅವರಿಗೆ ಅಸ್ಲಾಂ ಇನಾಮದಾರ್ (8) ಸಾಥ್ ನೀಡಿದರು. ಟ್ಯಾಕಲ್ನಲ್ಲಿ ಗೌರವ್ ಖಾತ್ರಿ (6), ಮೊಹಮ್ಮದ್ ರೇಜಾ ಶಾಡ್ಲೌಯಿ (5), ಅಭಿನೇಶ್ ನಡರಾಜನ್ (5) ಮಿಂಚಿದರು.</p><p>ಹಿಂದಿನ ಪಂದ್ಯಕ್ಕೆ ಅಲಭ್ಯರಾಗಿದ್ದ ಪವನ್ ಸೆಹ್ರಾವತ್, ಟೈಟನ್ಸ್ಗೆ ವಾಪಸಾದರೂ ಕೇವಲ ಎರಡು ಅಂಕ ಗಳಿಸಲಷ್ಟೇ ಶಕ್ತವಾದರು.</p><p>ಒಟ್ಟು 8 ಪಂದ್ಯಗಳನ್ನು ಆಡಿರುವ ಪಲ್ಟನ್ ತಂಡವು 7ರಲ್ಲಿ ಗೆದ್ದು, ಒಂದರಲ್ಲಿ ಸೋತು ಒಟ್ಟು 36 ಅಂಕಗಳನ್ನು ಸಂಪಾದಿಸಿ ಪಾಯಿಂಟ್ಸ್ ಪಟ್ಟಿಯಲ್ಲಿ ಬಡ್ತಿ ಪಡೆಯಿತು.</p><p>ಟೈಟನ್ಸ್ ತಂಡವು ಆಡಿರುವ 9 ಪಂದ್ಯಗಳಲ್ಲಿ ಒಂದರಲ್ಲಿ ಗೆದ್ದು, ಉಳಿದ ಎಂಟರಲ್ಲಿ ಸೋತು 8 ಅಂಕಗಳೊಂದಿಗೆ ಪಾಯಿಂಟ್ಸ್ ಪಟ್ಟಿಯಲ್ಲಿ ಕೊನೆಯ (12ನೇ) ಸ್ಥಾನದಲ್ಲಿದೆ.</p><p>ಪೈರೇಟ್ಸ್ ತಂಡಕ್ಕೆ ಗೆಲುವು: ಮತ್ತೊಂದು ಪಂದ್ಯದಲ್ಲಿ ಪಟ್ನಾ ಪೈರೇಟ್ಸ್ ತಂಡವು 48–41ರಿಂದ ಯುಪಿ ಯೋಧಾಸ್ ತಂಡವನ್ನು ಮಣಿಸಿತು. ಸಚಿನ್ (15), ಮಂಜೀತ್ (9) ಪೈರೇಟ್ಸ್ ತಂಡದ ಗೆಲುವಿನ ರೂವಾರಿಗಳಾದರು.</p><p>ಯೋಧಾಸ್ನ ಪ್ರದೀಪ್ ನರ್ವಾಲ್ (21) ಏಕಾಂಗಿ ಹೋರಾಟ ನಡೆಸಿದರೂ 7 ಅಂಕಗಳಿಂದ ತಂಡ ಸೋತಿತು.</p><p>ಇಂದಿನ ಪಂದ್ಯ: ಗುಜರಾತ್ ಜೈಂಟ್ಸ್– ದಬಾಂಗ್ ಡೆಲ್ಲಿ (ರಾತ್ರಿ 8)</p><p>ನೇರಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನೊಯ್ಡಾ: ರೈಡಿಂಗ್ ಮತ್ತು ಟ್ಯಾಕಲ್ನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ ಪುಣೇರಿ ಪಲ್ಟನ್ ತಂಡವು ಸೋಮವಾರ ನಡೆದ ಪ್ರೊ ಕಬಡ್ಡಿ ಲೀಗ್ನ ಪಂದ್ಯದಲ್ಲಿ 54–18ರಿಂದ ಸುಲಭ ಜಯ ದಾಖಲಿಸಿ, ಪಾಯಿಂಟ್ ಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೆ ಏರಿತು.</p><p>ನೊಯ್ಡಾ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ವಿರಾಮದ ವೇಳೆ 23-10ರಿಂದ ಮುನ್ನಡೆಯಲ್ಲಿದ್ದ ಪುಣೇರಿ ತಂಡವು ಉತ್ತರಾರ್ಧದಲ್ಲೂ ಪ್ರಾಬಲ್ಯ ಮುಂದುವರಿಸಿತು.</p><p>ತಂಡವು ರೈಡಿಂಗ್ನಿಂದ 23 ಅಂಕ ಗಳಿಸಿದರೆ, ಟ್ಯಾಕಲ್ನಿಂದ 20 ಪಾಯಿಂಟ್ಸ್ ಸಂಪಾದಿಸಿತು. ಅಲ್ಲದೆ, ನಾಲ್ಕು ಬಾರಿ ಎದುರಾಳಿ ತಂಡವನ್ನು ಆಲೌಟ್ ಮಾಡಿ ಗಮನ ಸೆಳೆಯಿತು.</p><p>ಮೋಹಿತ್ ರೈಡಿಂಗ್ನಿಂದ 9 ಮತ್ತು ಟ್ಯಾಕಲ್ನಿಂದ 4 ಪಾಯಿಂಟ್ಸ್ ಸಂಪಾಯಿಸಿ ‘ಸೂಪರ್ 10’ ಸಾಧನೆ ಮೆರೆದರು. ಅವರಿಗೆ ಅಸ್ಲಾಂ ಇನಾಮದಾರ್ (8) ಸಾಥ್ ನೀಡಿದರು. ಟ್ಯಾಕಲ್ನಲ್ಲಿ ಗೌರವ್ ಖಾತ್ರಿ (6), ಮೊಹಮ್ಮದ್ ರೇಜಾ ಶಾಡ್ಲೌಯಿ (5), ಅಭಿನೇಶ್ ನಡರಾಜನ್ (5) ಮಿಂಚಿದರು.</p><p>ಹಿಂದಿನ ಪಂದ್ಯಕ್ಕೆ ಅಲಭ್ಯರಾಗಿದ್ದ ಪವನ್ ಸೆಹ್ರಾವತ್, ಟೈಟನ್ಸ್ಗೆ ವಾಪಸಾದರೂ ಕೇವಲ ಎರಡು ಅಂಕ ಗಳಿಸಲಷ್ಟೇ ಶಕ್ತವಾದರು.</p><p>ಒಟ್ಟು 8 ಪಂದ್ಯಗಳನ್ನು ಆಡಿರುವ ಪಲ್ಟನ್ ತಂಡವು 7ರಲ್ಲಿ ಗೆದ್ದು, ಒಂದರಲ್ಲಿ ಸೋತು ಒಟ್ಟು 36 ಅಂಕಗಳನ್ನು ಸಂಪಾದಿಸಿ ಪಾಯಿಂಟ್ಸ್ ಪಟ್ಟಿಯಲ್ಲಿ ಬಡ್ತಿ ಪಡೆಯಿತು.</p><p>ಟೈಟನ್ಸ್ ತಂಡವು ಆಡಿರುವ 9 ಪಂದ್ಯಗಳಲ್ಲಿ ಒಂದರಲ್ಲಿ ಗೆದ್ದು, ಉಳಿದ ಎಂಟರಲ್ಲಿ ಸೋತು 8 ಅಂಕಗಳೊಂದಿಗೆ ಪಾಯಿಂಟ್ಸ್ ಪಟ್ಟಿಯಲ್ಲಿ ಕೊನೆಯ (12ನೇ) ಸ್ಥಾನದಲ್ಲಿದೆ.</p><p>ಪೈರೇಟ್ಸ್ ತಂಡಕ್ಕೆ ಗೆಲುವು: ಮತ್ತೊಂದು ಪಂದ್ಯದಲ್ಲಿ ಪಟ್ನಾ ಪೈರೇಟ್ಸ್ ತಂಡವು 48–41ರಿಂದ ಯುಪಿ ಯೋಧಾಸ್ ತಂಡವನ್ನು ಮಣಿಸಿತು. ಸಚಿನ್ (15), ಮಂಜೀತ್ (9) ಪೈರೇಟ್ಸ್ ತಂಡದ ಗೆಲುವಿನ ರೂವಾರಿಗಳಾದರು.</p><p>ಯೋಧಾಸ್ನ ಪ್ರದೀಪ್ ನರ್ವಾಲ್ (21) ಏಕಾಂಗಿ ಹೋರಾಟ ನಡೆಸಿದರೂ 7 ಅಂಕಗಳಿಂದ ತಂಡ ಸೋತಿತು.</p><p>ಇಂದಿನ ಪಂದ್ಯ: ಗುಜರಾತ್ ಜೈಂಟ್ಸ್– ದಬಾಂಗ್ ಡೆಲ್ಲಿ (ರಾತ್ರಿ 8)</p><p>ನೇರಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
