ಡರ್ಬನ್‌ (ಪಿಟಿಐ): ಭಾರತದ ಶರತ್ ಕಮಲ್‌ ಹಾಗೂ ಜಿ.ಸತ್ಯನ್ ಅವರು ಇಲ್ಲಿ ನಡೆಯುತ್ತಿರುವ ವಿಶ್ವ ಟೇಬಲ್ ಟೆನಿಸ್‌ ಚಾಂಪಿಯನ್‌ಷಿಪ್‌ನಲ್ಲಿ ಗೆಲುವಿನ ಆರಂಭ ಮಾಡಿದ್ದಾರೆ.
ವಿಶ್ವ ರ‍್ಯಾಂಕಿಂಗ್‌ನಲ್ಲಿ 56ನೇ ಸ್ಥಾನದಲ್ಲಿರುವ ಶರತ್ ಅವರು ಪುರುಷರ ಸಿಂಗಲ್ಸ್ ವಿಭಾಗದ ಮೊದಲ ಪಂದ್ಯದಲ್ಲಿ 11-8, 9-11, 11-9, 11-6, 11-6ರಿಂದ ಆಸ್ಟ್ರಿಯಾದ ಡೇವಿಡ್‌ ಸೆರ್ದೊರೊಗ್ಲು ವಿರುದ್ಧ ಜಯ ಸಾಧಿಸಿದರು. ಡೇವಿಡ್‌ ಅವರು ವಿಶ್ವ ಕ್ರಮಾಂಕದಲ್ಲಿ 170ನೇ ಸ್ಥಾನದಲ್ಲಿದ್ದಾರೆ.
ಮೊದಲ ಸುತ್ತಿನ ಮತ್ತೊಂದು ಹಣಾಹಣಿಯಲ್ಲಿ ಸತ್ಯನ್ ಅವರಿಗೆ 11-9, 11-8, 7-11, 11-2, 15-13, 13-11, 11-6ರಿಂದ ಇಂಗ್ಲೆಂಡ್‌ನ ಟಾಮ್ ಜಾರ್ವಿಸ್‌ ವಿರುದ್ಧ ಗೆಲುವು ಒಲಿಯಿತು.
ಮಾನುಷ್ ಶಾ ಹಾಗೂ ಹರ್ಮೀತ್ ದೇಸಾಯಿ ಅವರು ಶನಿವಾರ ತಮ್ಮ ಮೊದಲ ಸುತ್ತಿನ ಪಂದ್ಯಗಳಲ್ಲಿ ಸೋಲನುಭವಿಸಿದ್ದರು. ಮಹಿಳೆಯರ ಸಿಂಗಲ್ಸ್‌ನಲ್ಲಿ ಶ್ರೀಜಾ ಅಕುಲಾ ಅವರು ಇಟಲಿಯ ನಿಕೊಲೆ ಅರ್ಲಿಯಾ ಅವರನ್ನು ಮಣಿಸಿದ್ದರು.
