ಫೈನಲ್ನಲ್ಲಿ ವಿಕ್ಟರ್ 21–15, 21–12 ಪಾಯಿಂಟ್ಸ್ನಿಂದ ಚೀನಾದ ಚೆನ್ ಲಾಂಗ್ ಅವರನ್ನು ಸೋಲಿಸಿದರು. ಅಂತಿಮ ಗೇಮ್ನ ಕೊನೆಯಲ್ಲಿ ಚೆನ್ ಬಾರಿಸಿದ ಷಟಲ್ ಅಂಗಳದ ಆಚೆ ಬೀಳುತ್ತಿದ್ದಂತೆ ವಿಕ್ಟರ್, ಖುಷಿಯಿಂದ ಕಣ್ಣೀರಿಟ್ಟರು. ಅಂಗಳದಲ್ಲೇ ಅಂಗಾತ ಮಲಗಿ ರೋಧಿಸಿದರು. ಅಂಕಣದ ಮತ್ತೊಂದು ಬದಿಯಲ್ಲಿದ್ದ ಚೆನ್ ಅಭಿನಂದಿಸಲು ಬಂದಾಗ ಅವರನ್ನು ಬಿಗಿದಪ್ಪಿದ ವಿಕ್ಟರ್ ಬಿಕ್ಕಳಿಸಿದರು. ಬಳಿಕ ಇಬ್ಬರೂ ತಮ್ಮ ಜೆರ್ಸಿಯನ್ನು ಪರಸ್ಪರ ವಿನಿಮಯ ಮಾಡಿಕೊಂಡು ಕ್ರೀಡಾ ಸ್ಫೂರ್ತಿ ಮೆರೆದರು.