<p><strong>ಮೈಸೂರು: </strong>ಸಮಯೋಚಿತ ಆಟ ಪ್ರದರ್ಶಿಸಿದ ಚಾಮರಾಜನಗರ ಮಹಿಳಾ ತಂಡದವರು ರಾಜ್ಯಮಟ್ಟದ ವಾಲಿಬಾಲ್ ಚಾಂಪಿಯನ್ಷಿಪ್ನ ಫೈನಲ್ನಲ್ಲಿ ಆತಿಥೇಯ ಮೈಸೂರು ತಂಡದವರನ್ನು ಮಣಿಸಿ ಪ್ರಶಸ್ತಿ ಗೆದ್ದರು.</p>.<p>ಇಲ್ಲಿನ ಮೈಸೂರು ವಿಶ್ವವಿದ್ಯಾಲಯದ ಸ್ಪೋರ್ಟ್ಸ್ ಪೆವಿಲಿಯನ್ನಲ್ಲಿ ಭಾನುವಾರ ನಡೆದ ಚಾಂಪಿಯನ್ಷಿಪ್ನ ಅಂತಿಮ ಘಟ್ಟದ ಪಂದ್ಯದಲ್ಲಿ 25–20, 21–25, 25–23 ಹಾಗೂ 25–17ರಿಂದ ಎದುರಾಳಿ ತಂಡವನ್ನು ಮಣಿಸಿದರು. </p>.<p>ಜಿದ್ದಾಜಿದ್ದಿನಿಂದ ಕೂಡಿದ್ದ ಪಂದ್ಯದ ಮೊದಲ ಸೆಟ್ನಲ್ಲಿ ಚಾಮರಾಜನಗರದ ಕಾವ್ಯಾ, ದೀಪಾ ಅವರು ಅಂಕ ಹೆಚ್ಚಿಸಿಕೊಟ್ಟರು. ಪಾಸಿಂಗ್ನಲ್ಲಿ ನಾಯಕಿ ಎಸ್.ಪ್ರಿಯಾಂಕಾ ಗಮನ ಸೆಳೆದರು. ಮೈಸೂರು ತಂಡವು ಬ್ಲಾಕಿಂಗ್ನಲ್ಲಿ ಮಾಡಿದ ತಪ್ಪುಗಳಿಂದ ಸೆಟ್ ಚಾಮರಾಜನಗರದ ವಶವಾಯಿತು.</p>.<p>2ನೇ ಸೆಟ್ನಲ್ಲಿ ಪುಟಿದೇಳಿದ ಮೈಸೂರು ತಂಡವು 25–21ರಿಂದ ಮೇಲುಗೈ ಸಾಧಿಸಿತು. 21–21ರಲ್ಲಿ ಸಮಬಲವಿದ್ದಾಗ ವಿಭಾ ಅವರು ಸರ್ವ್ ಹಾಗೂ ಚೆಕ್ಔಟ್ ಕೌಶಲದಿಂದ ಪಂದ್ಯವನ್ನು ಮೈಸೂರಿನತ್ತ ವಾಲಿಸಿದರು.</p>.<p>ಸಮಬಲದ ಹೋರಾಟ: 3ನೇ ಸೆಟ್ನಲ್ಲಿ ಸಮಬಲದ ಹೋರಾಟ ನಡೆಯಿತು. ಮಹಿಮಾ ಹಾಗೂ ದೀಪಾ ಅವರ ಆಕರ್ಷಕ ಸರ್ವಿಂಗ್ ಹಾಗೂ ಬ್ಲಾಕಿಂಗ್ ಮೂಲಕ ಅಂಕ ಗತಿಯನ್ನು ಚಾಮರಾಜನಗರಕ್ಕೆ ಹೆಚ್ಚಿಸಿಕೊಟ್ಟರು. ರೋಚಕ ಹಣಾಹಣಿಯಲ್ಲಿ 25–23ರಿಂದ ಸೆಟ್ ತಮ್ಮದಾಗಿಸಿಕೊಂಡು 2–1ರ ಮುನ್ನಡೆ ಪಡೆದರು.</p>.<p>4ನೇ ಸೆಟ್ನ ಆರಂಭದಲ್ಲಿ 6–0ಯಿಂದ ಪಾರಮ್ಯ ಸಾಧಿಸಿದ್ದ ಮೈಸೂರು ತಂಡದವರು ನಂತರ ಹೆಚ್ಚು ಅಂಕ ಬಿಟ್ಟುಕೊಟ್ಟರು. 12–15 ಹಿನ್ನಡೆಯಲ್ಲಿದ್ದ ಚಾಮರಾಜನಗರ ತಂಡಕ್ಕೆ ದೀಪಾ ಆಸರೆಯಾದರು. 17–12ರ ಮುನ್ನಡೆ ತಂದುಕೊಟ್ಟರು. ಅಂತಿಮವಾಗಿ 25–17ರಿಂದ ಟ್ರೋಫಿ ಹಾಗೂ ₹ 1 ಲಕ್ಷ ನಗದು ಬಹುಮಾನವನ್ನು ಚಾಮರಾಜನಗರ ಗೆದ್ದಿತು.</p>.<p>ಮೂರನೇ ಸ್ಥಾನಕ್ಕೆ ನಡೆದ ಪೈಪೋಟಿಯಲ್ಲಿ ಬೆಂಗಳೂರು ಉತ್ತರ ಮಹಿಳಾ ತಂಡವು ಬೆಂಗಳೂರು ದಕ್ಷಿಣ ತಂಡವನ್ನು 25–18, 25–20, 25–23ರಿಂದ ಮಣಿಸಿದರು. ಪುರುಷರ ವಿಭಾಗದಲ್ಲಿ ಬೆಂಗಳೂರು ಉತ್ತರ ತಂಡದವರು 27–25, 25–18, 25–20ರಿಂದ ಹಾಸನ ತಂಡದವರನ್ನು ಮಣಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು: </strong>ಸಮಯೋಚಿತ ಆಟ ಪ್ರದರ್ಶಿಸಿದ ಚಾಮರಾಜನಗರ ಮಹಿಳಾ ತಂಡದವರು ರಾಜ್ಯಮಟ್ಟದ ವಾಲಿಬಾಲ್ ಚಾಂಪಿಯನ್ಷಿಪ್ನ ಫೈನಲ್ನಲ್ಲಿ ಆತಿಥೇಯ ಮೈಸೂರು ತಂಡದವರನ್ನು ಮಣಿಸಿ ಪ್ರಶಸ್ತಿ ಗೆದ್ದರು.</p>.<p>ಇಲ್ಲಿನ ಮೈಸೂರು ವಿಶ್ವವಿದ್ಯಾಲಯದ ಸ್ಪೋರ್ಟ್ಸ್ ಪೆವಿಲಿಯನ್ನಲ್ಲಿ ಭಾನುವಾರ ನಡೆದ ಚಾಂಪಿಯನ್ಷಿಪ್ನ ಅಂತಿಮ ಘಟ್ಟದ ಪಂದ್ಯದಲ್ಲಿ 25–20, 21–25, 25–23 ಹಾಗೂ 25–17ರಿಂದ ಎದುರಾಳಿ ತಂಡವನ್ನು ಮಣಿಸಿದರು. </p>.<p>ಜಿದ್ದಾಜಿದ್ದಿನಿಂದ ಕೂಡಿದ್ದ ಪಂದ್ಯದ ಮೊದಲ ಸೆಟ್ನಲ್ಲಿ ಚಾಮರಾಜನಗರದ ಕಾವ್ಯಾ, ದೀಪಾ ಅವರು ಅಂಕ ಹೆಚ್ಚಿಸಿಕೊಟ್ಟರು. ಪಾಸಿಂಗ್ನಲ್ಲಿ ನಾಯಕಿ ಎಸ್.ಪ್ರಿಯಾಂಕಾ ಗಮನ ಸೆಳೆದರು. ಮೈಸೂರು ತಂಡವು ಬ್ಲಾಕಿಂಗ್ನಲ್ಲಿ ಮಾಡಿದ ತಪ್ಪುಗಳಿಂದ ಸೆಟ್ ಚಾಮರಾಜನಗರದ ವಶವಾಯಿತು.</p>.<p>2ನೇ ಸೆಟ್ನಲ್ಲಿ ಪುಟಿದೇಳಿದ ಮೈಸೂರು ತಂಡವು 25–21ರಿಂದ ಮೇಲುಗೈ ಸಾಧಿಸಿತು. 21–21ರಲ್ಲಿ ಸಮಬಲವಿದ್ದಾಗ ವಿಭಾ ಅವರು ಸರ್ವ್ ಹಾಗೂ ಚೆಕ್ಔಟ್ ಕೌಶಲದಿಂದ ಪಂದ್ಯವನ್ನು ಮೈಸೂರಿನತ್ತ ವಾಲಿಸಿದರು.</p>.<p>ಸಮಬಲದ ಹೋರಾಟ: 3ನೇ ಸೆಟ್ನಲ್ಲಿ ಸಮಬಲದ ಹೋರಾಟ ನಡೆಯಿತು. ಮಹಿಮಾ ಹಾಗೂ ದೀಪಾ ಅವರ ಆಕರ್ಷಕ ಸರ್ವಿಂಗ್ ಹಾಗೂ ಬ್ಲಾಕಿಂಗ್ ಮೂಲಕ ಅಂಕ ಗತಿಯನ್ನು ಚಾಮರಾಜನಗರಕ್ಕೆ ಹೆಚ್ಚಿಸಿಕೊಟ್ಟರು. ರೋಚಕ ಹಣಾಹಣಿಯಲ್ಲಿ 25–23ರಿಂದ ಸೆಟ್ ತಮ್ಮದಾಗಿಸಿಕೊಂಡು 2–1ರ ಮುನ್ನಡೆ ಪಡೆದರು.</p>.<p>4ನೇ ಸೆಟ್ನ ಆರಂಭದಲ್ಲಿ 6–0ಯಿಂದ ಪಾರಮ್ಯ ಸಾಧಿಸಿದ್ದ ಮೈಸೂರು ತಂಡದವರು ನಂತರ ಹೆಚ್ಚು ಅಂಕ ಬಿಟ್ಟುಕೊಟ್ಟರು. 12–15 ಹಿನ್ನಡೆಯಲ್ಲಿದ್ದ ಚಾಮರಾಜನಗರ ತಂಡಕ್ಕೆ ದೀಪಾ ಆಸರೆಯಾದರು. 17–12ರ ಮುನ್ನಡೆ ತಂದುಕೊಟ್ಟರು. ಅಂತಿಮವಾಗಿ 25–17ರಿಂದ ಟ್ರೋಫಿ ಹಾಗೂ ₹ 1 ಲಕ್ಷ ನಗದು ಬಹುಮಾನವನ್ನು ಚಾಮರಾಜನಗರ ಗೆದ್ದಿತು.</p>.<p>ಮೂರನೇ ಸ್ಥಾನಕ್ಕೆ ನಡೆದ ಪೈಪೋಟಿಯಲ್ಲಿ ಬೆಂಗಳೂರು ಉತ್ತರ ಮಹಿಳಾ ತಂಡವು ಬೆಂಗಳೂರು ದಕ್ಷಿಣ ತಂಡವನ್ನು 25–18, 25–20, 25–23ರಿಂದ ಮಣಿಸಿದರು. ಪುರುಷರ ವಿಭಾಗದಲ್ಲಿ ಬೆಂಗಳೂರು ಉತ್ತರ ತಂಡದವರು 27–25, 25–18, 25–20ರಿಂದ ಹಾಸನ ತಂಡದವರನ್ನು ಮಣಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
