ಬುಡಾಪೆಸ್ಟ್: ಭಾರತದ ಕುಸ್ತಿಪಟು ಅಮನ್ ಸೆಹ್ರಾವತ್ ಗುರುವಾರ ಬುಡಾಪೆಸ್ಟ್ ರ್ಯಾಂಕಿಂಗ್ ಸರಣಿಯ 57 ಕೆ.ಜಿ ಫ್ರೀಸ್ಟೈಲ್ ವಿಭಾಗದಲ್ಲಿ ರಷ್ಯಾ-ಬೆಲಾರಸ್‌ನ ಆರ್ಯನ್ ಸಿಯುಟ್ರಿನ್ ಅವರನ್ನು 14-4 ತಾಂತ್ರಿಕ ಶ್ರೇಷ್ಠತೆ ಆಧಾರದಲ್ಲಿ ಸೋಲಿಸಿ ಫೈನಲ್ ಪ್ರವೇಶಿಸಿದರು.
ಪ್ಯಾರಿಸ್ ಒಲಿಂಪಿಕ್ಸ್‌ಗೆ ಅರ್ಹತೆ ಪಡೆದಿರುವ ಅಮನ್ ಅವರು ಚಿನ್ನದ ಪದಕಕ್ಕಾಗಿ ವಿಶ್ವ ಚಾಂಪಿಯನ್‌ಷಿಪ್ ಬೆಳ್ಳಿ ಪದಕ ವಿಜೇತ ಜಪಾನ್‌ನ ರೇ ಹಿಗುಚಿ ಅವರನ್ನು ಎದುರಿಸಲಿದ್ದಾರೆ.
ಈ ಟೂರ್ನಿಯು ಅಮನ್ ತನ್ನ ರ್ಯಾಂಕಿಂಗ್ ಸುಧಾರಿಸಲು ಮತ್ತು ಪ್ಯಾರಿಸ್ ಒಲಿಂಪಿಕ್ಸ್‌ನಲ್ಲಿ ಉತ್ತಮ ಡ್ರಾ ಪಡೆಯಲು ಸಹಾಯ ಮಾಡುತ್ತದೆ.
ಬುಡಾಪೆಸ್ಟ್ ರ್ಯಾಂಕಿಂಗ್ ಸರಣಿಯು ಪೊಲಿಯಾಕ್ ಇಮ್ರೆ ಮತ್ತು ವರ್ಗಾ ಜಾನೋಸ್ ಸ್ಮಾರಕ ಟೂರ್ನಿ ಎಂದೂ ಕರೆಯಲಾಗುತ್ತದೆ.
