<p><strong>ಯಾಂಕ್ಟಮ್, ಅಮೆರಿಕ:</strong> ಭಾರತದ ಅಂಕಿತಾ ಭಕತ್, ಅಭಿಷೇಕ್ ವರ್ಮಾ ಮತ್ತು ಜ್ಯೋತಿ ಸುರೇಖಾ ಅವರು ವಿಶ್ವ ಆರ್ಚರಿ ಚಾಂಪಿಯನ್ಷಿಪ್ನಲ್ಲಿ ಕ್ವಾರ್ಟರ್ಫೈನಲ್ ತಲುಪುವುದರೊಂದಿಗೆ ಪದಕಗಳ ಭರವಸೆ ಮೂಡಿಸಿದ್ದಾರೆ.</p>.<p>ವೈಯಕ್ತಿಕ ರಿಕರ್ವ್ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಅಂಕಿತಾ ಅವರು ಪ್ರೀಕ್ವಾರ್ಟರ್ಫೈನಲ್ ಪಂದ್ಯದಲ್ಲಿ 29-28, 28-28, 27-27, 24-29, 29-28ರಿಂದ ಕೊರಿಯಾದ ಕಾಂಗ್ ಚೆ ಯೂಂಗ್ ಸವಾಲು ಮೀರಿದರು. ಕೊರಿಯಾ ಆಟಗಾರ್ತಿ ವಿಶ್ವ ಕ್ರಮಾಂಕದಲ್ಲಿ ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಅಲ್ಲದೆ ಟೋಕಿಯೊ ಒಲಿಂಪಿಕ್ಸ್ನ ತಂಡ ವಿಭಾಗದಲ್ಲಿ ಅವರು ಚಿನ್ನದ ಪದಕವನ್ನೂ ಗೆದ್ದಿದ್ದರು.</p>.<p>ವಿಶ್ವಕಪ್ ಚಿನ್ನದ ಪದಕ ವಿಜೇತ ಅಭಿಷೇಕ್ ವರ್ಮಾ 16ರ ಘಟ್ಟದ ಹಣಾಹಣಿಯಲ್ಲಿ29-28, 30-27, 28-29, 30-29, 28-29ರಿಂದ ಸ್ಲೊವೇಕಿಯಾದ ಜೋಸೆಫ್ ಬೊಸೆನ್ಸ್ಕಿ ಅವರನ್ನು ಪರಾಭವಗೊಳಿಸಿದರು.</p>.<p>ಮುಂದಿನ ಪಂದ್ಯದಲ್ಲಿ ಅಭಿಷೇಕ್ ಅವರು ವಿಶ್ವದ ಅಗ್ರ ರ್ಯಾಂಕಿನ, ಅಮೆರಿಕದ ಮೈಕ್ ಶೋಲೆಸರ್ ಅವರ ಸವಾಲು ಎದುರಿಸಲಿದ್ದಾರೆ.</p>.<p>ಅದ್ಭುತ ಸಾಮರ್ಥ್ಯ ತೋರಿದ ಜ್ಯೋತಿ, ಪ್ರೀಕ್ವಾರ್ಟರ್ಫೈನಲ್ ಸೆಣಸಾಟದಲ್ಲಿ ಕೊರಿಯಾದ ಚೆವಾನ್ ಸೊ ಅವರನ್ನು ಮಣಿಸಿದರು. ಭಾರತದ ಆರ್ಚರಿಪಟುವಿಗೆ 30-29, 29-29, 28-30, 29-29, 26-29ರಿಂದ ಜಯ ಒಲಿಯಿತು.</p>.<p>ಮುಂದಿನ ಹಣಾಹಣಿಯಲ್ಲಿ ಜ್ಯೋತಿ ಕ್ರೊವೇಷ್ಯಾದ ಅಮಂಡಾ ಮ್ಲಿನಾರಿಚ್ ಅವರನ್ನು ಎದುರಿಸುವರು. ಮ್ಲಿನಾರಿಚ್ ಅವರು 21 ವರ್ಷದೊಳಗಿನವರ ವಿಭಾಗದಲ್ಲಿ ವಿಶ್ವ ಚಾಂಪಿಯನ್ ಆಗಿದ್ದಾರೆ.</p>.<p>ಮಹಿಳೆಯರ ಕಾಂಪೌಂಡ್ ಮತ್ತು ಮಿಶ್ರ ವಿಭಾಗದಲ್ಲಿ ಈಗಾಗಲೇ ಫೈನಲ್ ತಲುಪಿರುವ ಭಾರತದ ಆರ್ಚರಿ ಪಟುಗಳು ಪದಕಗಳನ್ನು ಖಚಿತಪಡಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಯಾಂಕ್ಟಮ್, ಅಮೆರಿಕ:</strong> ಭಾರತದ ಅಂಕಿತಾ ಭಕತ್, ಅಭಿಷೇಕ್ ವರ್ಮಾ ಮತ್ತು ಜ್ಯೋತಿ ಸುರೇಖಾ ಅವರು ವಿಶ್ವ ಆರ್ಚರಿ ಚಾಂಪಿಯನ್ಷಿಪ್ನಲ್ಲಿ ಕ್ವಾರ್ಟರ್ಫೈನಲ್ ತಲುಪುವುದರೊಂದಿಗೆ ಪದಕಗಳ ಭರವಸೆ ಮೂಡಿಸಿದ್ದಾರೆ.</p>.<p>ವೈಯಕ್ತಿಕ ರಿಕರ್ವ್ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಅಂಕಿತಾ ಅವರು ಪ್ರೀಕ್ವಾರ್ಟರ್ಫೈನಲ್ ಪಂದ್ಯದಲ್ಲಿ 29-28, 28-28, 27-27, 24-29, 29-28ರಿಂದ ಕೊರಿಯಾದ ಕಾಂಗ್ ಚೆ ಯೂಂಗ್ ಸವಾಲು ಮೀರಿದರು. ಕೊರಿಯಾ ಆಟಗಾರ್ತಿ ವಿಶ್ವ ಕ್ರಮಾಂಕದಲ್ಲಿ ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಅಲ್ಲದೆ ಟೋಕಿಯೊ ಒಲಿಂಪಿಕ್ಸ್ನ ತಂಡ ವಿಭಾಗದಲ್ಲಿ ಅವರು ಚಿನ್ನದ ಪದಕವನ್ನೂ ಗೆದ್ದಿದ್ದರು.</p>.<p>ವಿಶ್ವಕಪ್ ಚಿನ್ನದ ಪದಕ ವಿಜೇತ ಅಭಿಷೇಕ್ ವರ್ಮಾ 16ರ ಘಟ್ಟದ ಹಣಾಹಣಿಯಲ್ಲಿ29-28, 30-27, 28-29, 30-29, 28-29ರಿಂದ ಸ್ಲೊವೇಕಿಯಾದ ಜೋಸೆಫ್ ಬೊಸೆನ್ಸ್ಕಿ ಅವರನ್ನು ಪರಾಭವಗೊಳಿಸಿದರು.</p>.<p>ಮುಂದಿನ ಪಂದ್ಯದಲ್ಲಿ ಅಭಿಷೇಕ್ ಅವರು ವಿಶ್ವದ ಅಗ್ರ ರ್ಯಾಂಕಿನ, ಅಮೆರಿಕದ ಮೈಕ್ ಶೋಲೆಸರ್ ಅವರ ಸವಾಲು ಎದುರಿಸಲಿದ್ದಾರೆ.</p>.<p>ಅದ್ಭುತ ಸಾಮರ್ಥ್ಯ ತೋರಿದ ಜ್ಯೋತಿ, ಪ್ರೀಕ್ವಾರ್ಟರ್ಫೈನಲ್ ಸೆಣಸಾಟದಲ್ಲಿ ಕೊರಿಯಾದ ಚೆವಾನ್ ಸೊ ಅವರನ್ನು ಮಣಿಸಿದರು. ಭಾರತದ ಆರ್ಚರಿಪಟುವಿಗೆ 30-29, 29-29, 28-30, 29-29, 26-29ರಿಂದ ಜಯ ಒಲಿಯಿತು.</p>.<p>ಮುಂದಿನ ಹಣಾಹಣಿಯಲ್ಲಿ ಜ್ಯೋತಿ ಕ್ರೊವೇಷ್ಯಾದ ಅಮಂಡಾ ಮ್ಲಿನಾರಿಚ್ ಅವರನ್ನು ಎದುರಿಸುವರು. ಮ್ಲಿನಾರಿಚ್ ಅವರು 21 ವರ್ಷದೊಳಗಿನವರ ವಿಭಾಗದಲ್ಲಿ ವಿಶ್ವ ಚಾಂಪಿಯನ್ ಆಗಿದ್ದಾರೆ.</p>.<p>ಮಹಿಳೆಯರ ಕಾಂಪೌಂಡ್ ಮತ್ತು ಮಿಶ್ರ ವಿಭಾಗದಲ್ಲಿ ಈಗಾಗಲೇ ಫೈನಲ್ ತಲುಪಿರುವ ಭಾರತದ ಆರ್ಚರಿ ಪಟುಗಳು ಪದಕಗಳನ್ನು ಖಚಿತಪಡಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
