ಅಧ್ಯಕ್ಷ ಅಜಯ್ ಸಿಂಗ್ ನೇತೃತ್ವದ ಕಾರ್ಯಕಾರಿ ಸಮಿತಿಯ ನಾಲ್ಕು ವರ್ಷಗಳ ಅವಧಿ ಸೆಪ್ಟೆಂಬರ್ 25ರಂದು ಮುಕ್ತಾಯಗೊಳ್ಳಲಿದೆ. ಈ ಹಿನ್ನೆಲೆಯಲ್ಲಿ ಸದ್ಯದಲ್ಲೇ ಚುನಾವಣೆ ನಡೆಯಬೇಕಾಗಿತ್ತು. ಆದರೆ ಶನಿವಾರ ನಡೆದ ವಾರ್ಷಿಕ ಮಹಾಸಭೆಯಲ್ಲಿ ಚುಣಾವಣೆಯನ್ನು ಈಗ ನಡೆಸದೇ ಇರುವುದು ಒಳಿತು ಎಂದು ನಿರ್ಧರಿಸಲಾಯಿತು. 2011ರ ಕ್ರೀಡಾನೀತಿಗೆ ಅನುಗುಣವಾಗಿ ಫೆಡರೇಷನ್ನ ನಿಯಮಾವಳಿಗಳಿಗೆ ತಿದ್ದುಪಡಿ ತರುವುದಕ್ಕೂ ನಿರ್ಧರಿಸಲಾಯಿತು ಎಂದು ಪ್ರಕಟಣೆಯಲ್ಲಿ ವಿವರಿಸಲಾಯಿತು.