ಬೆಂಗಳೂರು: ಅಮೋಘ ಆಟ ಆಡಿದ ಕರುಣಾ ಗಜೇಂದ್ರನ್‌ ಮತ್ತು ಕೆ.ಜೆ.ಆಕಾಶ್‌ ಅವರು ಕೆನರಾ ಯೂನಿಯನ್‌ ರಾಜ್ಯ ರ‍್ಯಾಂಕಿಂಗ್‌ ಟೇಬಲ್‌ ಟೆನಿಸ್‌ ಟೂರ್ನಿಯಲ್ಲಿ ಕ್ರಮವಾಗಿ ಜೂನಿಯರ್‌ ಬಾಲಕಿಯರು ಮತ್ತು ಬಾಲಕರ ವಿಭಾಗಗಳಲ್ಲಿ ಪ್ರಶಸ್ತಿ ಗೆದ್ದಿದ್ದಾರೆ.
ಬಾಲಕರ ಸಿಂಗಲ್ಸ್‌ ವಿಭಾಗದ ಫೈನಲ್‌ನಲ್ಲಿ ಸ್ಕೀಸ್‌ ಅಕಾಡೆಮಿಯ ಆಕಾಶ್‌ 11–6, 11–7, 10–12, 11–6, 11–8ರಲ್ಲಿ ಸುಜನ್‌ ಭಾರದ್ವಾಜ್‌ ಅವರನ್ನು ಮಣಿಸಿದರು.
ಇದಕ್ಕೂ ಮೊದಲು ನಡೆದಿದ್ದ ಸೆಮಿಫೈನಲ್‌ ಪಂದ್ಯಗಳಲ್ಲಿ ಆಕಾಶ್‌ 11–8, 14–12, 11–8, 11–5ರಲ್ಲಿ ಪಿ.ವಿ.ಶ್ರೀಕಾಂತ್‌ ಕಶ್ಯಪ್‌ ಎದುರೂ, ಸುಜನ್‌ 11–8, 12–10, 4–11, 11–9, 10–12, 11–3ರಲ್ಲಿ ಸಮ್ಯಕ್‌ ಕಶ್ಯಪ್‌ ಮೇಲೂ ಗೆದ್ದಿದ್ದರು.
ಬಾಲಕಿಯರ ಸಿಂಗಲ್ಸ್‌ ಫೈನಲ್‌ನಲ್ಲಿ ಎಸ್‌ಬಿಟಿ ಕ್ಲಬ್‌ನ ಕರುಣಾ 11–6, 6–11, 11–6, 11–4, 6–11, 12–10ರಲ್ಲಿ ಸ್ಕೀಸ್‌ ಅಕಾಡೆಮಿಯ ಡಿ.ಕಲ್ಯಾಣಿ ವಿರುದ್ಧ ಗೆದ್ದರು.
