ಚೆಸ್‌: ಅಪೂರ್ವ, ಅಕ್ಷಯಾ ಮುನ್ನಡೆ

ಉಡುಪಿಯ ಎಲ್‌ಐಸಿಒ ಬ್ಯಾಂಕ್ ಸಭಾಂಗಣದಲ್ಲಿ ನಡೆಯುತ್ತಿರುವ ಟೂರ್ನಿಯಲ್ಲಿ ಶನಿವಾರ 5ನೇ ಸುತ್ತಿನ ಮುಕ್ತಾಯಕ್ಕೆ ಅಪೂರ್ವ ಕಾಂಬ್ಳೆ ಮತ್ತು ಅಕ್ಷಯಾ ತಲಾ ಐದು ಪಾಯಿಂಟ್‌ಗಳನ್ನು ಗಳಿಸಿದ್ದಾರೆ. ಅಪೂರ್ವ ಐದನೇ ಸುತ್ತಿನಲ್ಲಿ ಬೆಂಗಳೂರಿನ ಸ್ಯಾಮ್ಯುಯೆಲ್ ಮ್ಯಾಥ್ಯೂ ಅವರನ್ನು ಮಣಿಸಿದರು. 1218 ರೇಟಿಂಗ್‌ ಹೊಂದಿರುವ ಅಕ್ಷಯಾ ಉಡುಪಿಯ ದಿಶಾ ವಿರುದ್ಧ ಗೆಲುವು ಸಾಧಿಸಿದರು.

5ನೇ ಸುತ್ತಿನ ಅಂತ್ಯಕ್ಕೆ ಅಗ್ರ ಸ್ಥಾನಗಳ ಲ್ಲಿರುವವರು: ಮುಕ್ತ ವಿಭಾಗ: ಅಪೂರ್ವ ಕಾಂಬ್ಳೆ (ಬೆಂಗಳೂರು)–5 ಪಾಯಿಂಟ್‌, ಧನುಷ್ ರಾಮ್‌ (ದಕ್ಷಿಣ ಕನ್ನಡ)–4.5, ವಿಕ್ರಾಂತ್ ಕೃಷ್ಣಕುಮಾರ್ (ಬೆಂಗಳೂರು)–4.5, ಆರಾಧ್ಯೊ ಭಟ್ಟಾಚಾರ್ಯ(ದ.ಕನ್ನಡ)–4.5. ಬಾಲಕಿಯರ ವಿಭಾಗ: ಅಕ್ಷಯಾ (ಉತ್ತರ ಕನ್ನಡ)–5, ರುದ್ರಾ ರಾಜೀವ್‌ (ದಕ್ಷಿಣ ಕನ್ನಡ)–4.5, ಗೋಪಿಕಾ ಎಂ (ಬೆಂಗಳೂರು)–4.5.