ನವದೆಹಲಿ: ಟೋಕಿಯೊ ಒಲಿಂಪಿಕ್ಸ್ನಲ್ಲಿ ಪದಕ ಜಯಿಸುವ ಕನಸು ಕಾಣುತ್ತಿರುವ ಭಾರತದ ಕುಸ್ತಿಪಟು ಬಜರಂಗ್ ಪೂನಿಯಾ ತಮ್ಮ ಎಲ್ಲ ಸಾಮಾಜಿಕ ಜಾಲತಾಣಗಳ ಖಾತೆಗಳನ್ನು ನಿಷ್ಕ್ರೀಯಗೊಳಿಸಿದ್ದಾರೆ.
’ಒಲಿಂಪಿಕ್ಸ್ ಮುಗಿಯುವವರೆಗೂ ನನ್ನ ಎಲ್ಲ ಸಾಮಾಜಿಕ ಜಾಲತಾಣಗಳ ಖಾತೆಗಳನ್ನು ಸ್ಘಗಿತಗೊಳಿಸಿದ್ದೇನೆ. ನಿಮ್ಮೆಲ್ಲರ ಪ್ರೀತಿಯ ಹಾರೈಕೆಗಳು ನನ್ನೊಂದಿಗೆ ಇರುವ ಸದಾಶಯವಿದೆ. ಜೈಹಿಂದ್‘ ಎಂದು ಬಜರಂಗ್ ಟ್ವೀಟ್ ಮಾಡಿದ್ದಾರೆ.
2019ರಲ್ಲಿಯೇ ಅವರು ಒಲಿಂಪಿಕ್ಸ್ ನಲ್ಲಿ ಭಾಗವಹಿಸಲು ಅರ್ಹತೆ ಗಿಟ್ಟಿಸಿದ್ದಾರೆ. ಈಚೆಗೆ ಅವರು ವಿಶೇಷ ತರಬೇತಿಗಾಗಿ ಅಮೆರಿಕಕ್ಕೆ ತೆರಳಿದ್ದರು. ಮಿಚಿಗನ್ನಲ್ಲಿ ತರಬೇತಿ ಮುಗಿಸಿ ಮರಳಿದ್ದಾರೆ.
ಇದೇ ಗುರುವಾರ ಇಟಲಿಯಲ್ಲಿ ನಡೆಯಲಿರುವ ಮಟಿಯೊ ಪೆಲಿಕೊನ್ ಕುಸ್ತಿ ಸರಣಿಯಲ್ಲಿ ಬಜರಂಗ್ ಕಣಕ್ಕಿಳಿಯಲಿದ್ದಾರೆ..