21 ವರ್ಷದ ಸ್ವೆಟೆಕ್, ಕೊನೆಯ ಬಾರಿ ಆಡಿದ ಎಂಟು ಫೈನಲ್ಸ್ಗಳಲ್ಲಿ ವಿಜಯದ ನಗೆ ಬೀರಿದ್ದಾರೆ. ಈ ಬಾರಿಯ ಫ್ರೆಂಚ್ ಓಪನ್ ಟೂರ್ನಿಯ ನಾಲ್ಕರ ಘಟ್ಟದ ಪಂದ್ಯದಲ್ಲಿ ರಷ್ಯಾದ ದರಿಯಾ ಕಾಸ್ತಕಿನಾ ಅವರಿಗೆ ಸೋಲುಣಿಸಿ ಪ್ರಶಸ್ತಿ ಸುತ್ತು ತಲುಪಿದ್ದಾರೆ. 18 ವರ್ಷದ ಕೊಕೊ ಗಫ್ 2018ರಲ್ಲಿ ಇಲ್ಲಿ ಜೂನಿಯರ್ ವಿಭಾಗದ ಪ್ರಶಸ್ತಿ ಜಯಿಸಿದ್ದರು. ಗ್ರ್ಯಾನ್ಸ್ಲಾಂ ಟೂರ್ನಿಯಲ್ಲಿ ಇದು ಅವರ ಮೊದಲ ಫೈನಲ್. ಟೂರ್ನಿಯ ಪ್ರಶಸ್ತಿ ಜಯಿಸಿ ಸ್ಮರಣೀಯವಾಗಿಸಿಕೊಳ್ಳುವ ಹಂಬಲದಲ್ಲಿ ಅವರಿದ್ದಾರೆ.