7

ಜೂನಿಯರ್‌ ಹಾಕಿ: ಭಾರತಕ್ಕೆ ಜಯ

Published:
Updated:

ಬೆಂಗಳೂರು: ಇಲ್ಲಿ ನಡೆಯುತ್ತಿರುವ ಪುರುಷರ ಜೂನಿಯರ್‌ ಹಾಕಿ ಅಭ್ಯಾಸ ಪಂದ್ಯದಲ್ಲಿ ಭಾರತ ತಂಡವು ಜಯ ಗಳಿಸಿದೆ. 

ಇಲ್ಲಿನ ಭಾರತೀಯ ಕ್ರೀಡಾ ಪ್ರಾಧಿಕಾರ (ಸಾಯ್‌) ಕೇಂದ್ರದಲ್ಲಿ ಸೋಮವಾರ ನಡೆದ ಪಂದ್ಯದಲ್ಲಿ ಭಾರತ ತಂಡವು ಬಾಂಗ್ಲಾದೇಶ ತಂಡವನ್ನು 6–3 ಗೋಲುಗಳಿಂದ ಮಣಿಸಿತು. 

ಪಂದ್ಯದ ಆರಂಭದಿಂದಲೂ ಭಾರತ ತಂಡ ಉತ್ತಮ ಆಟವಾಡಿತು. ರಾಜ್‌ ಕುಮಾರ್‌ ಪೌಲ್‌ ಅವರು ಮೂರನೇ ನಿಮಿಷದಲ್ಲಿ ಗೋಲು ದಾಖಲಿಸಿ ತಂಡಕ್ಕೆ ಮುನ್ನಡೆ ತಂದುಕೊಟ್ಟರು. ಆದರೆ, ಭಾರತ ತಂಡದ ಸಂತಸ ಬಹಳ ಹೊತ್ತು ಉಳಿಯಲಿಲ್ಲ. 11ನೇ ನಿಮಿಷದಲ್ಲಿ ಬಾಂಗ್ಲಾದೇಶದ ರಶೇಲ್‌ ಮಹಮೂದ್‌ ಅವರು ಗೋಲು ಗಳಿಸಿ ಸಮಬಲ ಸಾಧಿಸಲು ನೆರವಾದರು. 

ನಂತರ, ಭಾರತದ ಶಿಲಾನಂದ್‌ ಲಕ್ರಾ (19ನೇ ನಿ.), ಮೊಹಮ್ಮದ್‌ ಉಮರ್‌ (22ನೇ ನಿ.), ಮಂದೀಪ್‌ ಮೋರ್‌ (33ನೇ ನಿ.), ಹಾರ್ದಿಕ್‌ ಸಿಂಗ್‌ (46ನೇ ನಿ.) ಹಾಗೂ ಅಭಿಷೇಕ್‌  (48 ನೇ ನಿ.) ಅವರು ತಲಾ ಒಂದು ಗೋಲು ಗಳಿಸಿದರು. 

ಅಶ್ರಫುಲ್‌ ಇಸ್ಲಾಮ್‌ (49ನೇ ನಿ.) ಹಾಗೂ ಮೆಹಬೂಬ್‌ ಹುಸೇನ್‌ (53ನೇ ನಿ.) ಅವರು ಬಾಂಗ್ಲಾದೇಶದ ಪರವಾಗಿ ಗೊಲು ಗಳಿಸಿದ ಇತರ ಆಟಗಾರರು. 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !