ಏಷ್ಯನ್ ಗೇಮ್ಸ್ ಗಾಲ್ಫ್ ಆಯ್ಕೆ ಟ್ರಯಲ್ಸ್: ವಿರಾಜ್‌, ಅಹ್ಲಾವತ್ ಮುನ್ನಡೆ

ಮೊದಲ ಸುತ್ತಿನ ಪಂದ್ಯಗಳ ಬಳಿಕ ಈ ಇಬ್ಬರು ಯುವ ಆಟಗಾರರು, ಯುವರಾಜ್ ಸಿಂಗ್ ಸಂಧು, ರಶೀದ್‌ ಖಾನ್‌ ಮತ್ತು ಮಿಲಿಂದ್‌ ಸೋನಿ ಅವರಿಗಿಂತ ಮುಂದಿದ್ದರು.

ಮಹಿಳೆಯರ ವಿಭಾಗದಲ್ಲಿ ಬಕ್ಷಿ ಸಹೋದರಿಯರಾದ ಹಿತಾಶ್ರೀ ಹಾಗೂ ಜಾಹ್ನವಿ ಕ್ರಮವಾಗಿ ಮೊದಲ ಮತ್ತು ಎರಡನೇ ಸ್ಥಾನದಲ್ಲಿದ್ದರು. ಅವನಿ ಪ್ರಶಾಂತ್‌ ಜಂಟಿ ಮೂರನೇ ಸ್ಥಾನದಲ್ಲಿದ್ದರು.

ಪುರುಷರ ವಿಭಾಗದಲ್ಲಿ ನಾಲ್ಕು ಮತ್ತು ಮಹಿಳೆಯರ ವಿಭಾಗದಲ್ಲಿ ಮೂರು ಮಂದಿಯನ್ನು ಏಷ್ಯನ್ ಗೇಮ್ಸ್‌ಗೆ ಆಯ್ಕೆ ಮಾಡಲಾಗುತ್ತದೆ. ಈ ವರ್ಷಾಂತ್ಯದಲ್ಲಿ ಚೀನಾದಲ್ಲಿ ಗೇಮ್ಸ್ ನಿಗದಿಯಾಗಿದೆ.