<p><strong>ಟೋಕಿಯೊ:</strong> ಟೋಕಿಯೊ 2020 ಎಂಬ ವರ್ಣಮಯ ಬರಹ ಹೊಂದಿದ್ದ ವಿಮಾನವೊಂದು ಒಲಿಂಪಿಕ್ ಜ್ಯೋತಿ ಬುಧವಾರ ಸ್ವೀಕರಿಸಲು ಅಥೆನ್ಸ್ಗೆ ತೆರಳಿತು. ಆದರೆ, ಕೊರೊನಾ ಸೋಂಕು ಉಪಟಳದ ಕಾರಣ ಸಂಘಟಕರ ನಿಯೋಗ ಪ್ರಯಾಣ ಬೆಳೆಸಲಿಲ್ಲ.</p>.<p>ಉನ್ನತ ಮಟ್ಟದ ನಿಯೋಗ ಕಳುಹಿಸುವ ನಿರ್ಧಾರ ಕೈಬಿಡಲಾಯಿತು ಎಂದು ಟೋಕಿಯೊ 2020 ಸಂಘಟಕರು ತಿಳಿಸಿದ್ದಾರೆ. ಈ ನಿಯೋಗ ಸಂಘಟನಾ ಸಮಿತಿ ಅಧ್ಯಕ್ಷ ಯೊಶಿರೊ ಮೊರಿ ಮತ್ತು ಒಲಿಂಪಿಕ್ಸ್ ಸಚಿವೆ ಸೀಕೊ ಹಶಿಮೊಟೊ ಅವರನ್ನು ಒಳಗೊಳ್ಳಬೇಕಾಗಿತ್ತು.</p>.<p>ಹಸ್ತಾಂತರ ಸಮಾರಂಭದಲ್ಲಿ ಗ್ರೀಸ್ನಲ್ಲಿರುವ ಜಪಾನ್ನ ರಾಯಭಾರಿಯು ಜ್ಯೋತಿಯನ್ನು ಸ್ವೀಕರಿಸಲಿದ್ದಾರೆ ಎಂದು ಸಂಘಟಕರು ತಿಳಿಸಿದ್ದಾರೆ. ಕಳೆದ ವಾರವೇ ಗ್ರೀಸ್ಗೆ ಹೋಗಿರುವ 2020 ಒಲಿಂಪಿಕ್ಸ್ ಕೆಳಹಂತದ ಅಧಿಕಾರಿಗಳು ಜ್ಯೋತಿಯನ್ನು ಜಪಾನ್ಗೆ ತರುವಾಗ ಅದರ ಜೊತೆ ಪ್ರಯಾಣಿಸಲಿದ್ದಾರೆ.</p>.<p>ವಿಮಾನ ಹೊರಡುವಾಗಲೂ ಅಂಥ ಸಂಭ್ರಮ ಕಾಣಲಿಲ್ಲ. 20 ಮಂದಿ ವಿಮಾನನಿಲ್ದಾಣ ಸಿಬ್ಬಂದಿ ಹಾಜರಿದ್ದರು. ಜಪಾನ್ನ ಮಾಟುಶಿಮಾ ವಾಯುನೆಲೆಯಲ್ಲಿ ಶುಕ್ರವಾರ ಜ್ಯೋತಿ ಹೊಂದಿರುವ ವಿಮಾನ ಇಳಿಯಲಿದೆ. ಅಲ್ಲಿಂದ ನಾಲ್ಕು ತಿಂಗಳ ಕಾಲ ಜಪಾನ್ನ ಎಲ್ಲೆಡೆ ಜ್ಯೋತಿಯಾತ್ರೆ ನಡೆಯಲಿದೆ. 26ರಂದು ಅಧಿಕೃತ ‘ಜ್ಯೋತಿ ಯಾತ್ರೆ’ ಈಶಾನ್ಯ ಭಾಗದ ಫುಕುಶಿಮಾದಿಂದ ನಡೆಯಲಿದೆ.</p>.<p>ಸೋಂಕು ಭಯದಿಂದ ಜ್ಯೋತಿ ಸಂಚರಿಸುವ ದಾರಿಯಲ್ಲಿ ಜನರು ಕಡಿಮೆ ಸಂಖ್ಯೆಯಲ್ಲಿರುವಂತೆ ಸಂಘಟಕರು ಕೋರಿದ್ದಾರೆ. ಒಲಿಂಪಿಕ್ಸ್ಗೆ ಸಂಬಂಧಿಸಿ ಈ ಹಂತದಲ್ಲಿ ಯಾವುದೇ ಉಗ್ರ ನಿರ್ಧಾರ ತೆಗೆದುಕೊಳ್ಳುವುದಿಲ್ಲ ಎಂದು ಐಒಸಿ ಮಂಗಳವಾರ ತಿಳಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಟೋಕಿಯೊ:</strong> ಟೋಕಿಯೊ 2020 ಎಂಬ ವರ್ಣಮಯ ಬರಹ ಹೊಂದಿದ್ದ ವಿಮಾನವೊಂದು ಒಲಿಂಪಿಕ್ ಜ್ಯೋತಿ ಬುಧವಾರ ಸ್ವೀಕರಿಸಲು ಅಥೆನ್ಸ್ಗೆ ತೆರಳಿತು. ಆದರೆ, ಕೊರೊನಾ ಸೋಂಕು ಉಪಟಳದ ಕಾರಣ ಸಂಘಟಕರ ನಿಯೋಗ ಪ್ರಯಾಣ ಬೆಳೆಸಲಿಲ್ಲ.</p>.<p>ಉನ್ನತ ಮಟ್ಟದ ನಿಯೋಗ ಕಳುಹಿಸುವ ನಿರ್ಧಾರ ಕೈಬಿಡಲಾಯಿತು ಎಂದು ಟೋಕಿಯೊ 2020 ಸಂಘಟಕರು ತಿಳಿಸಿದ್ದಾರೆ. ಈ ನಿಯೋಗ ಸಂಘಟನಾ ಸಮಿತಿ ಅಧ್ಯಕ್ಷ ಯೊಶಿರೊ ಮೊರಿ ಮತ್ತು ಒಲಿಂಪಿಕ್ಸ್ ಸಚಿವೆ ಸೀಕೊ ಹಶಿಮೊಟೊ ಅವರನ್ನು ಒಳಗೊಳ್ಳಬೇಕಾಗಿತ್ತು.</p>.<p>ಹಸ್ತಾಂತರ ಸಮಾರಂಭದಲ್ಲಿ ಗ್ರೀಸ್ನಲ್ಲಿರುವ ಜಪಾನ್ನ ರಾಯಭಾರಿಯು ಜ್ಯೋತಿಯನ್ನು ಸ್ವೀಕರಿಸಲಿದ್ದಾರೆ ಎಂದು ಸಂಘಟಕರು ತಿಳಿಸಿದ್ದಾರೆ. ಕಳೆದ ವಾರವೇ ಗ್ರೀಸ್ಗೆ ಹೋಗಿರುವ 2020 ಒಲಿಂಪಿಕ್ಸ್ ಕೆಳಹಂತದ ಅಧಿಕಾರಿಗಳು ಜ್ಯೋತಿಯನ್ನು ಜಪಾನ್ಗೆ ತರುವಾಗ ಅದರ ಜೊತೆ ಪ್ರಯಾಣಿಸಲಿದ್ದಾರೆ.</p>.<p>ವಿಮಾನ ಹೊರಡುವಾಗಲೂ ಅಂಥ ಸಂಭ್ರಮ ಕಾಣಲಿಲ್ಲ. 20 ಮಂದಿ ವಿಮಾನನಿಲ್ದಾಣ ಸಿಬ್ಬಂದಿ ಹಾಜರಿದ್ದರು. ಜಪಾನ್ನ ಮಾಟುಶಿಮಾ ವಾಯುನೆಲೆಯಲ್ಲಿ ಶುಕ್ರವಾರ ಜ್ಯೋತಿ ಹೊಂದಿರುವ ವಿಮಾನ ಇಳಿಯಲಿದೆ. ಅಲ್ಲಿಂದ ನಾಲ್ಕು ತಿಂಗಳ ಕಾಲ ಜಪಾನ್ನ ಎಲ್ಲೆಡೆ ಜ್ಯೋತಿಯಾತ್ರೆ ನಡೆಯಲಿದೆ. 26ರಂದು ಅಧಿಕೃತ ‘ಜ್ಯೋತಿ ಯಾತ್ರೆ’ ಈಶಾನ್ಯ ಭಾಗದ ಫುಕುಶಿಮಾದಿಂದ ನಡೆಯಲಿದೆ.</p>.<p>ಸೋಂಕು ಭಯದಿಂದ ಜ್ಯೋತಿ ಸಂಚರಿಸುವ ದಾರಿಯಲ್ಲಿ ಜನರು ಕಡಿಮೆ ಸಂಖ್ಯೆಯಲ್ಲಿರುವಂತೆ ಸಂಘಟಕರು ಕೋರಿದ್ದಾರೆ. ಒಲಿಂಪಿಕ್ಸ್ಗೆ ಸಂಬಂಧಿಸಿ ಈ ಹಂತದಲ್ಲಿ ಯಾವುದೇ ಉಗ್ರ ನಿರ್ಧಾರ ತೆಗೆದುಕೊಳ್ಳುವುದಿಲ್ಲ ಎಂದು ಐಒಸಿ ಮಂಗಳವಾರ ತಿಳಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
