ಮಂಗಳವಾರ, 19 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಪ್ರೊ ಕಬಡ್ಡಿ ಲೀಗ್: ಪುಣೇರಿ ವಿರುದ್ಧ ಬೆಂಗಾಲ್‌ ಜಯಭೇರಿ

Last Updated 17 ನವೆಂಬರ್ 2018, 16:56 IST
ಅಕ್ಷರ ಗಾತ್ರ

ಅಹಮ್ಮದಾಬಾದ್‌: ಸಂಘಟಿತ ಆಟ ಆಡಿದ ಬೆಂಗಾಲ್ ವಾರಿಯರ್ಸ್ ತಂಡದವರು ಪ್ರೊ ಕಬಡ್ಡಿ ಲೀಗ್ ಟೂರ್ನಿಯ ಶನಿವಾರದ ಪಂದ್ಯದಲ್ಲಿ ಪುಣೇರಿ ಪಲ್ಟನ್ ವಿರುದ್ಧ 26–22ರಿಂದ ಗೆದ್ದರು.

ಇಲ್ಲಿನ ಟ್ರಾನ್ಸ್‌ಸ್ಟೇಡಿಯಾ ಅರೆನಾದಲ್ಲಿ ನಡೆದ ಪಂದ್ಯದ ಮೊದಲ ಎರಡು ರೈಡ್‌ಗಳಲ್ಲಿ ಬೆಂಗಾಲ್ ಮೇಲುಗೈ ಸಾಧಿಸಿತು. ನಂತರ ಪಲ್ಟನ್ ಆಟಗಾರರು ತಿರುಗೇಟು ನೀಡಿದರು.

ನಂತರ ಉಭಯ ತಂಡಗಳು ಸಮಬಲದ ಆಟವಾಡಿದರು. ನಾಲ್ಕನೇ ನಿಮಿಷದಿಂದ ಪಲ್ಟನ್‌ ಮತ್ತೆ ಲಯ ಕಂಡುಕೊಂಡಿತು. ಮೊದಲಾರ್ಧದ ಮುಕ್ತಾಯಕ್ಕೆ ಪುಣೇರಿ 13–12ರ ಮನ್ನಡೆ ಸಾಧಿಸಿತು.

ದ್ವಿತೀಯಾರ್ಧದಲ್ಲಿ ಪಂದ್ಯ ಮತ್ತಷ್ಟು ರೋಚಕವಾಯಿತು. ಅಂತಿಮವಾಗಿ ಬೆಂಗಾಲ್ ಜಯ ತನ್ನದಾಗಿಸಿಕೊಂಡಿತು. ಮಣಿಂದರ್ ಸಿಂಗ್ ಆರು, ರವೀಂದ್ರ ಐದು ಮತ್ತು ಮಹೇಶ್ ಗೌಡ್ ಮೂರು ಪಾಯಿಂಟ್ ಗಳಿಸಿದರು. ಪುಣೇರಿ ಪರ ಮೋರೆ ಒಂಬತ್ತು, ಗಿರೀಶ್ ಎರ್ನಕ್‌ ಮತ್ತು ಮೋನು ತಲಾ ಮೂರು ಪಾಯಿಂಟ್ ಗಳಿಸಿದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT