ದಬಂಗ್ ಡೆಲ್ಲಿಗೆ ಗೆಲುವು: ನವೀನ್ ಕುಮಾರ್ ಅವರ ಮಿಂಚಿನ ದಾಳಿಯ ಬಲದಿಂದ ದಬಂಗ್ ಡೆಲ್ಲಿ ತಂಡ 39–33ರಿಂದ ಹರಿಯಾಣ ಸ್ಟೀಲರ್ಸ್ ವಿರುದ್ಧ ಜಯಿಸಿತು. ನವೀನ್ ಕುಮಾರ್ ಅವರು ರೈಡ್ನಲ್ಲಿ ಏಳು ಪಾಯಿಂಟ್ ಗಳಿಸಿದರು. ಎರಡು ಬೋನಸ್ ಪಾಯಿಂಟ್ಸ್ಗಳನ್ನೂ ಕಲೆ ಹಾಕಿದರು. ಅವರಿಗೆ ಉತ್ತಮ ಜೊತೆ ನೀಡಿದ ಚಂದ್ರನ್ ರಂಜೀತ್, ಮೆರಾಜ್ ಶೇಖ್ ಅವರು ತಲಾ ಆರು ಅಂಕಗಳನ್ನು ಗಳಿಸಿದರು. ರವೀಂದ್ರ ಪೆಹಲ್ ಅವರು ಟ್ಯಾಕಲ್ನಲ್ಲಿ ಐದು ಮತ್ತು ಒಂದು ಬೋನಸ್ ಪಾಯಿಂಟ್ ತರುವ ಮೂಲಕ ತಂಡದ ಗೆಲುವಿನ ಸಾಧ್ಯತೆಯನ್ನು ಹೆಚ್ಚಿಸಿದರು.