ಒಲಿಂಪಿಕ್ಸ್‌ನಲ್ಲಿ ಬೆಳ್ಳಿ ಗೆದ್ದಿರುವ ವಿಶ್ವ ಚಾಂಪಿಯನ್ ಸಿಂಧು ವಿಶ್ವದ 11ನೇ ಕ್ರಮಾಂಕದ ಆಟಗಾರ್ತಿಯ ಚುರುಕಿನ ಆಟ ಮತ್ತು ಶಕ್ತಿಶಾಲಿ ಶಾಟ್‌ಗಳಿಗೆ ಉತ್ತರ ನೀಡಲಾಗದೆ 17-21, 9-21ರಲ್ಲಿ ಸೋಲುಂಡರು. ಪಂದ್ಯ ಕೇವಲ 43 ನಿಮಿಷಗಳಲ್ಲಿ ಮುಕ್ತಾಯಗೊಂಡಿತು. ವಿಶ್ವ ಕ್ರಮಾಂಕದಲ್ಲಿ ಏಳನೇ ಸ್ಥಾನದಲ್ಲಿರುವ ಸಿಂಧು ಆಲ್‌ ಇಂಗ್ಲೆಂಡ್ ಓಪನ್‌ನ 2018ರ ಆವೃತ್ತಿಯಲ್ಲೂ ಸೆಮಿಫೈನಲ್‌ನಲ್ಲಿ ಸೋತಿದ್ದರು. ಥಾಯ್ಲೆಂಡ್‌ನಲ್ಲಿ ನಡೆದ ಮೂರು ಟೂರ್ನಿಗಳು ಒಳಗೊಂಡಂತೆ ಕೋವಿಡ್ ನಂತರದ ಯಾವ ಟೂರ್ನಿಯಲ್ಲೂ ಅವರು ನಿರೀಕ್ಷೆಗೆ ತಕ್ಕಂತೆ ಆಡಲಿಲ್ಲ.
